Taa Kudyidzana NaMwari

China, 25 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Icho chetakaona nechetakazwa tinochiteketesa kwomuri, kuti imwimwiwo muiyane nesu; eya, nokuiyana kwedu kuri munaBaba noMukororo wake Jesu Kristu” (1 Johani 1 ndima 3).

Isusu taa muna Kristu. Ndizvo taa vedzinza raMwari Baba. Ndiyo ndaa taa kukona kudyidzana navo. Taawo vedzinza reMukororo. Uyezve taa vedzinza reMweya Wakachena. Tine zviro zvetaiya tiri kufunda mazuwa mairi apinda. Izvi zviro zvetakaunzirwa ndiJesu. Nyamashi tiri kuringira pane chechitatu chakhona. Chiro ichi kudyidzana kwedu naMwari. Izwi rokuti kudyidzana iri rinoturikirwa kubva kuizwi reChigiriki. Izwi reChigiriki rakhona rinoti, “koinonia”. Izwi iri rine zvakawanda zverinoronza.

Rinoronza kudyidzana. Uku kudyidzana kwakadzama. Kudyidzana kwevanhu vedzinza rimwero. Kudyidzana kwevanhu vengazi imweyo. Izwi iri rinoronzawo kubhuyirana. Rechizoronzawo kutakurwa.

Isusu taa vedzinza raMwari Baba. Mambo Jesu ndivo vakaita kuti titsandurwe dzinza kudaro. Nyika ichiri muchidima. Ichiri kutsvaka kudyidzana naMwari. Asi isusu taa vedzinza reVamwari. Ichi chiro chakakura yaamho. Ndizvo zvetinopemberera pakubarwa kwaJesu. Taa kuerengerwa kurutii rweVamwari. Izvi ndizvo zvetinoona mutsamba yechipiri yaPetro chitsauko chokutanga ndima yechirongomuna.

Tsamba yokutanga kuvaKhorinte chitsauko chokutanga ndima yechipfumbamwe inoti, “Mwari unogondeka, uwo wemwakadaidzwa ndiye mukuiyana noMukororo wake. Jesu Kristu Mambo wedu”. Jesu vakuru yaamho. Ivo ndiMwari pachezvavo. Asi taa kudyidzana navo. Taa shamwari dzavo. Taa vedzinza ravo. Ndiyo ndaa Johani akaereketa echiti, “... Nokuiyana kwedu kuri munaBaba noMukororo wake Jesu Kristu”. Tinoerenga mazwi ake aya mutsamba yake yokutanga chitsauko chokutanga ndima yechitatu. Hareruya!

Mazwi aya anogwinyiswawo mutsamba yechipiri kuvaKhorinte chitsauko chegumi nechitatu ndima yegumi nechirongomuna inoti, “Nyasha dzaMambo Jesu Kristu norudo rwaMwari nokuiyana kwoMweya Wakachena ngazvigare nemwi mweshe”. Mundima iyi mune izwi rinoti “kuiyana”. Izwi iri ndiro rimwero nerinoti, “kudyidzana”. Kuronza kuti tinodyidzana neMweya Wakachena. Taa vedzinza reMweya Wakachena.

Isusu tinotoa vedzinza reVamwari. Izvi azvisiri zviro zvichaitika rimweni zuwa. Zviro zvetatoa. Atichisiri vatorwa. Taa vepo. Taa Vamwari. Iwewe unosisira kuzwisisa izvi. Pona somunhu anozwisisa izvi. Pona soMumwari. Ndikwo kuti unyise zveshe zvounoshongana nazvo mukupona.

Kumbira Weiti
Baba vendinoda. Ndinomubonga. Inini ndaa wedzinza renyu. Ndaa wedzinza raMambo Jesu. Ndaa wedzinza reMweya Wakachena. Ndaa Mumwari. Ndinopona soMumwari. Kupona kwangu kwaa kweVamwari. Ndaa kuita zviro zveshe ngomwazvo. Ameni.

Dzimweni Ndima Dzinotsinhira Kufunda KwaNyamashi:
2 Petro 1:3-4; 1 VaKorinte 6:17; Johane 14:23; 1 VaKorinte 1:9 AMPC

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)