Izwi ReRuponeso Remene

Mugovera, 27 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ndizvo takaikwa pamwepo naye ngokubhabhatidzwa murufu, ndizvo kudai ndiKristu akamuswa kubva kwevakafa ngouthende hwaBaba, ngokudaro isusuwo tihambe mukupona kutsva” (VaRoma 6 ndima 4).

Dzimweni nguwa ndinobvunza Vakacheneswa ndechiti, “Vanhu vangazokona kurarama kupona kweVamwari zvadini?” Vakawanda vavo avazii. Asi vamweni vanofunga kuti zvakatangira paMuchinjiko. Vanhu vakazokona kurarama kupona kweVamwari mumashure mwokumuka kwaJesu kubva kuvakafa. Mweya Wakachena ndivo vanoita kuti tikone kurarama kupona uku. Ndizvo kumuka kwaKristu Jesu ndikwo kwakaita kuti vanhu vakone kuwana Ruponeso.

Izvi zvakakosha. Unosisira kuzvizwisisa. Ndizvo zvinoonesa kuti uri kurarama kupona kweVamwari ere kana kuti uri kungonamata. Vanhu vaiya vasikakoni kutsandurwa dzinza. Vechiitwa vengazi yaMwari. Vechiwana kupona kusikaperi. Izvovzo zvakazongokoneka mumashure mwokumuka kwaJesu kubva kuvakafa. Kufa kwavo kwakangoripa zvishaishi zvedu. Kwakaripa zvishaishi zvenyika yeshe.

Mwari vaingoda chipiriso chimwe chega. Ndicho chevaitsvaka kuripira zvishaishi. Vapristi vekaretu vaishandisa ngazi yezvipfuwo. Ndiyo yevaishandisa kuripira zvishaishi. Asi vaisisira kuripira zvishaishi gore rimwe ngarimwe. Ngazi iyi yaiya isikakoni kudusa zvishaishi. VaHebheru yegumi ndima yegumi naimwe kuguma gumi nechirongomuna inoti, “Nomupristi weshe ngegwinyiso unoema zuwa ngezuwa pamushando wake, echipira kazhinji midiro inotodzana, isingatongokoni kudusa zvishaishi. Asi apo Kristu aiya apira mudiro umwe wemhera nariini ngendaa yezvishaishi, wakagara pashi ngokumuryo kwaMwari. … Ngokuti ngokupira mudiro umwe iye wakavaita vakaperera mhera nariini avo vakacheneswa”.

Rufu rwavo rwakangobhadharira zvishaishi zvedu zvega. Asi izvozvo zvega zvaiya zvisikazi kukwana. Mwari vaisangotsvaka kuti zvishaishi zvedu zvibhadharirwe. Vaida kuti tirarame kupona kusina zvishaishi. Kupona uku ndikwo kwakazounzwa ngokumuka kwavo kubva kuvakafa. Isusu takafa navo pevakafa. Takaikwa navo muiba. Tikazomuka navo pevakamuka kubva kuvakafa.

Apa ndipo pevakabarwa kechipiri. Izvi ndizvo zvetinoziiswa muna Zvakaitwa yegumi nechitatu ndima yemakumi matatu nechitatu. Inoti, “Kuti Mwari wakachizadzisa ichi kwetiri vana vavo, ngokumumusa Jesu, kudai ngezvakanyorwawo munduyo yechipiri, yechiti, ‘Iwewe uri Mukororo wangu, Nyamashi ndaita Baba ako’”. Jesu ndivo wokutanga kubarwa kechipiri. Vakabarwa kudaro mumashure mwokunge vambofa. Izvi ndizvo zvetinoziiswa muna Chakapangidzirwa yokutanga ndima yechishanu. Isusu takazobarwa kechipiri mumashure mwavo. Tichiri munyika muno hedu. Asi takatodzana navo panezveshe. Izvi ndizvo zvetinoziiswa mutsamba yokutanga yaJohani chitsauko chechirongomuna ndima yegumi nechinomwe. VaRoma yechitanhatu ndima yechirongomuna inoti, “Ndizvo takaikwa pamwepo naye ngokubhabhatidzwa murufu, ndizvo kudai ndiKristu akamuswa kubva kwevakafa ngouthende hwaBaba, ngokudaro isusuwo tihambe mukupona kutsva”.

Isusu tiri zvibereko zvokumuka kwavo kubva kuvakafa. Ndizvo iwewe ungaa wakabarwa kechipiri. Apa ndipo pewakauya watsanduka dzinza. Waiya waa wengazi idzva. Waiya waa wedzinza revanhu vakanyisa rufu. Iri ndiro Vhangeri. Hareruya.

Pupura Weiti
Baba vendinoda. Ndinomubonga. Kristu Jesu vakamuka kubva kuvakafa. Izvozvo ndizvo zvakaita kuti nditsandurwe dzinza. Ndiitwe munhu wengazi yeVamwari. Ndiri chibereko chokumuka kwaJesu kubva kuvakafa. Ndakabarwa kechipiri. Ndaa wengazi yokururama. Ndaa kunyisa zviro zvomunyika muno. Ndaa kutonga. Ndinopona somunhu wedzinza raMwari. Andichanyiswi ngezvishaishi. Andicharwari. Andichanyiswi ngezviro zvomunyika muno. Hareruya.

Dzimweni Ndima Dzinotsinhira Kufunda KwaNyamashi:
VaRoma 8:11 NIV; 2 VaKorinte 5:17; VaHeberu 10:11-14 NIV

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)