Mwari Vakaronga Kuti Uve Muridzi WeZviro Zveshe

Chipiri, 30 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Mwaari takaitwa nhaka, takaemeserwa karetu kudai ngebiningidzo rouwo unoshanda zviro zveshe kudai ngokuronga kwokuda kwake” (VaEfesu 1 ndima 11).

Mwari ndivo vakatuma Kristu Jesu. Vane zvevaiya vari kuda kuita munyika. Vaiya vasiri kungotsvaka kutiponesa kubva kuzvishaishi. Vane pfuma yevaiya vechida kutipa. Pfuma iyi ndiyo iya yaiya yagondeswa Abrahama. Isusu taa varidzi vepfuma iyi. Pfuma iyi iri muzina redu. Irizve muzina raJesu. Izvi ndizvo zvetinoerenga muna vaRoma yechisere ndima yegumi nechinomwe. Kuronza kuti pfuma yaKristu yeshe ngeyakowo iwewe. Kristu avakoni kuidya usiripopi.

Hino pfuma yaKristu ngeiri? Yakawanda zvakadini? Nyika yeshe ngeya Kristu. Zviro zveshe zviri munyika ngezvavozve. Izvi ndizvo zvinoronza Bhaibheri. Tinozvierenga muna Nduyo yemakumi mairi nerongomuna ndima yokutanga. Inoti, “Nyika ngeyaMambo Mwari, nazvo zveshe zvirimwo, nyika naavo vanogara mukati mwayo”. Ndizvo pfuma yakhona yakawanda yaamho. Aiperi. Phauri unotidetserawo kuzia pfuma iyi. Tinoerenga mazwi ake muna vaEfesu yechitatu ndima yechisere. Inoti, “Kwendiri, kunyazwi inini ndiri mudoko wokupedzisira wavo veshe vakacheneswa, nyasha idzi dzakapuwa, kuti ndichumaire kune vemadzinza upfumi husikatsvakiki hwaKristu”.

Pfuma yeshe iyi ngeyakowo iwewe. Waa kuzikanwa ngezina raKristu. Ndizvo ndiwe muridzi wepfuma yavo. Iwewe ausiri kuzopuwa pfuma yakhona rimweni zuwa. Inotoa yako nechekaretu. Izvi ndizvo zvetaona muna vaEfesu yokutanga ndima yegumi naimwe. Iwewe waa muna Kristu. Ndizvo waa kukona kushandisa pfuma yeshe yaMwari. Waa kukona kushandisa mazano avo. Pfuma yavo yaa yako. Waa nokunyarara kwavo. Waa wedzinza ravo.

Asi izvi azvisirizvo zvega. Wakapuwawo Mweya Wakachena. Ndivo vewakasanobatiswa. Uchiemera imweni pfuma yako yeshe. Mweya Wakachena ava ndivo vakatakura pfuma yaMwari yeshe. Izvi zvinoronza kuti zviro zveshe zvaa zvako. Izvi zvinozokudetsera kuzwisisa mazwi eMweya Wakachena. Ona aya evakashandisa Phauri kuronza. Tinoaerenga mutsamba yokutanga kuvaKhorinte chitsauko chechitatu ndima yemakumi mairi naimwe kuguma makumi mairi nemairi. Inoti, “Ndizvo munhu asaganza ngevanhu. Ngokuti zviro zveshe ngezvenyu, kunyazwi Phauri nokuti Aporosi nokuti Khefasi nokuti nyika nokuti kupona nokuti rufu nokuti zviro zviripo nokuti zviro zvichazouya, zveshe ngezvenyu”.

Ndizvo usazviona somunhu mudoodori. Usazviona somunhu asina chingamudetsera. Iwewe wakatsanangurwa. Mwari vakagara varonga kupona kwako. Vakatoronga kuti uve munhu mukuru. Iwewe waa muna Kristu Jesu. Ndizvo zviro zveshe zvaa zvako. Izvi ndizvo zvetinoziiswa mutsamba yechipiri yaPetro chitsauko chokutanga ndima yechitatu. Inoti, “Simba rake rouMwari rakatipa zviro zveshe zvinotamika mukupona uku, nomukudira kubudikidza ngokuzia uwo wakatidaidza ngouthende hwake nokunaka”. Chipinimidza somuridzi wezviro zveshe. Ereketa somuridzi wezviro zveshe. Pona somuridzi wezviro zveshe.

Pupura Weiti
Inini ndiri muna Kristu. Ndine pfuma yendakawana muna Kristu umwu. Zviro zveshe ngezvangu. Ndakapuwa chifumiso chaAbrahama. Ndinotonga zviro zvomunyika muno. Ndinobudirira pane zveshe zvendinoita. Ndinodakarirwa ndiMwari. Ndinopona somunhu ane pfuma. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 8:16-17; VaGaratia 4:7; VaEfeso 1:11-14; 1 VaKorinte 3:21-22 NIV

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)