Kujeka Kwako Kunosisira Kupenya

Chitatu, 31 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Imwimwi muri kujeka kwenyika. … Ngokudaro ngakujeke kujeka kwenyu pamberi pevanhu, kuti vaone mishando yenyu yakanaka, vairikidze Baba enyu ari mudenga.” (Mateu 5 ndima 14 na16).

Kujeka ndikwo Kunoonesa vanhu zviripo. Ndikwo kunoonesa vanhu njira. Kujeka akurwisani nechidima. Chidima chinongokutiza. Iwewe uri kujeka kwenyika ino. Kuronza kuti chidima achikoni kugara pounenge uri. Ndiwe unounza kujeka pandau. Uchiita kuti mipinimidzo yevanhu ibeuke. Uchivatungamirira. Uchivaonesa gwinyiso.

Iwewe uri Mumwari. Kupona kwako kunosisira kufumura hunyengeri. Kunosisira kudetsera vanhu. Kunosisira kuonesa vanhu njira yokururama. Vanhu vanosisira kuona Mwari pouri. Vanosisira kuvaona muzviro zveshe zvounoita. Mwari vanoda kuti kururama kwavo kuonekwe mumazwi ounoronza. Vanoda kuti kuonekwe muzviro zvounoita. Vanoda kuti kuonekwe mukupupura kwako. Nomukudakarira vanhu kwounoita. Vanoda kuti zvive pachena kuti iwewe waa Mumwari.

Ringirazve mazwi aMambo. Awawo etabeura ndiwo. Vakati, “Imwimwi muri kujeka kwenyika. Guta rakaakwa padera pomutunhu aringafishiki. Nechibani avabasiri vechichiisa pashi pechitundu, asi pachigadzikiro pacho, nacho chinojekisa veshe vari mumhatso. Ngokudaro ngakujeke kujeka kwenyu pamberi pevanhu, kuti vaone mishando yenyu yakanaka, vairikidze Baba enyu ari mudenga”.

Vanhu ngavaone Humwari hwako. Ereketa somunhu anogonda ndiMwari. Iva neshungu nevanhu. Ereketa somunhu akazvipira kuVhangeri. Ita zviro zvako somunhu akazvipira kuna Kristu. Pangaita vanhu vasati vakamboerenga Bhaibheri. Vanhu ava ngavaerenge mazwi aKristu pouri. Ngokuti iwewe uri tsamba yaKristu. Izvi ndizvo zvetinoziiswa mutsamba yechipiri kuVaKhorinte chitsauko chechitatu ndima yechitatu. Pouri ndipo panoonekwa Mwari.

Ndizvo vhenekera nyika yako. Vhenekera vanhu vari pouri. Vavhenekere ngokujeka kwaKristu. Ikwo kujeka kuya kuri mwouri. Isaya yemakumi matanhatu ndima yokutanga inoti, “Miruka, ujeke, ngokuti kujeka kwako kwaguma, nouthende hwaMambo Mwari hwakakwira padera pako”. Ndizvo iwewe aukoni kutsanangura kusapenya. Mwari vakatokupanga kuti upenye. Ivo vakakuita chibani, unopisha. Vakakuita chibani chinovhenekera. Ndizvo vhenekera vanhu vari pouri. Ngavaone Ruponeso rwaJesu pouri. Ngavaone kururama kwaMwari pouri. Ngavaone nyasha dzaMwari pouri. Hareruya!

Kumbira Weiti
Baba vendinoda. Ndinomubonga. Mwakandiita kujeka kwenyika. Vanhu vanoona kujeka kwenyu pendiri. Ndizvo vanoona kuti imwimwi munovadakarira. Vanoona gwinyiso renyu pendiri. Vanoona nyasha dzenyu pendiri. Kujeka kwangu kunokweera vanhu kuna Kristu. Zvechiita kuti imwimwi mukudzwe saMwari nguwa dzeshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaFiripi 2:14-15 NLT; Isaya 60:1-3; VaEfeso 5:8; Mateo 5:14-16 NKJV

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)