Isibane Sakho Kumele Sikhanye

Usuku 31 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“Lina liyikhunya kwezwe…. Ngokunjalo, yenzani ukukhanya kwenu kukhanye phambi kwabantu ukuze babone izenzo zenu ezinhle baze badumise uYihlo osezulwini.” (UMatewu 5:16)



Ukukhanya yikho okusunuka ingcazelo, kuyasitshengisa indlela. Ukukhanya akutshingelani lobumnyama, kuyakhanyisa kuphela, ubumnyama bunyamalale. Wena uyikukhanya kwezwe, lokhu kutsho ukuthi ubukhona bakho endaweni ethile, buyaxotsha ubumnyama, bulethe ukukhanya. Ubukhona bakho buyatshengisa indlela, buyazwakalisa iqiniso.



Impilo yakho njengomKhristu kumele khanyise lapho okulenkohliso khona, ilethe ithemba, ukhanyise indlela yokulunga icace kwabanye. UNkulunkulu ukhangelele ukuthi inkazimulo yakhe ibonakale empulweni yakho yansuku zonke. Ufisa ukuthi impilo yakhe yokulunga ibonakale kuzenzo zakho, indlela oziphethe ngayo, uhambo lwakho lothando langendlela ofakazela ngayo abanye.



Nanzelela amagama akhulunywa yiNkosi uJesu kuMathewu 5:14-16, “Lina liyikukhanya kwezwe. Idolobho elakhelwe entabeni kalisitheki. Njalo abantu kabalumathisi isibane basibeke ngaphansi kwesitsha. Kodwa basibeka phezu koluthi lwaso ukuze sikhanyisele bonke abasendlini. Ngokunjalo, yenzani ukukhanya kwenu kukhanye phambi kwabantu ukuze babone izenzo zenu ezinhle baze badumise uYihlo osezulwini.”



Ungavumi ukuba ngumKhristu ocatshileyo. Ukukholwa kwakho kakukhulume. Umusa wakho obonakale. Amazwi akho, izenzo zakho, lendlela okhangela ngayo impilo kubonakalise ukutshiseka kwakho ngoKhristu leVangeli lakhe lenkazimulo. Kuthi lalabo abangakalifundi iBhayibheli, bafunde uKhristu kuwe ngoba wena uyincwadi yakhe efundwa ngabantu bonke. (2 AbaseKhorinte 3:3) Wena uyisibonakaliso senkazimulo yakhe.



Ngakho-ke khanyisa umhlaba wakho, lapho ophila khona, kanye lempilo zalabo abaseduze lawe ngesibane sikaKhristu esingaphakathi kwakho. KuIsaya 60:1, “Vuka, khazimula, ngoba ukukhanya kwakho sekufikile, lenkazimulo kaThixo iyavela phezu kwakho.” Lokhu kugoqela wonke umuntu, ngumlayo wasezulwini. UNkulu nkulu usekwenze wena waba yisibane esikhanyayo, esikhazimulayo. Ngakho-ke khanyisa umhlaba wakho ngeVangeli leqiniso, ngokulunga lomusa wakho. Hallelujah!



Umkhuleko

Baba othandekayo, ngiyabonga ngokuba usungenze ngaba yikukhanya kwezwe. Ngiyakhanyisa emhlabeni engikuwo namhlanje, ngikhanyisa impilo zabanye ngothando lwakho kanye lomusa wakho. Ukukhanya kwami kuletha abantu kuKhristu kuze kudunyiswe wena ngezikhathi zonke. NgeGama likaJesu. Ameni.



Qhubeka Ngemibhalo

AbaseFiliphi 2:15

Isaya 60:1-3

AbaseFesu 5:8-9

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)