Wayengummeli Wakho

Usuku 1 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“KuNkulunkulu, owasihlanganisa laye ngoKhristu, wasinika umsebenzi wokuhlanganisa; ukuthi uNkulunkulu wayehlanganisa umhlaba laye ngoKhristu, engababaleli izono zabo, ebeka kithi ilizwi lokuhlanganisa.” (2 KwabaseKhorinte 5:18-19)

Kwakulomhlatshelo owodwa kuphela owawudingeka ukuze sithole insindiso — umhlatshelo kaJesu esiphambanweni. KuMisebenzi 13:38-39 kubhalwe ukuthi: “Ngakho-ke, madoda bazalwane, kwaziwe kini ukuthi ngalo muntu kumenyezelwa kini ukuthethelelwa kwezono; ngaye wonke okholwayo uyahlambululwa kukho konke, lokho elingazange lihlangulwe ngakho ngomthetho kaMosi.” Kuyamangalisa lokhu! Lowo wonke okholwa kuJesu uhlambululwa kukho konke uMthetho kaMosi okungakwananga ukumhlambulula.

UJesu wathatha indawo yakho ekufeni kwakhe. Lapho ebethelwa esiphambanweni, kwakungathi nguwe owayebethelwa khona, ngoba wayengummeli wakho phambi kukaNkulunkulu. Lokhu wakwenza ngenxa yomhlaba wonke. Njengoba wayengummeli wakho lapho efile, wayengummeli wakho njalo lapho embelwa. Lokho kutsho ukuthi lapho uJesu embelwa, thina sonke sasembelwa kanye laye — umhlaba wonke wesoni wawembelwa kanye laye ngoba wayengummeli wethu.

U-Isaya 53:6 uthi: “Sonke njengezimvu sidukile, ngayinye ilandelé indlela yayo; uJehova wamlayela phezu kwakhe ububi bethu sonke.” Ngalokho, njengoba wayengummeli wethu lapho efile, njalo engummeli wethu ethuneni, ngesikhathi uNkulunkulu emvusa kwabafileyo, thina sonke savuswa kanye laye. Wonke umuntu — kungakhathaleki uhlanga, isizwe kumbe inkolo — wavuswa kanye loJesu.

Ngakho-ke, nxa ungakazalwa kabusha, namuhla yithuba lakho. Vula ikhasi 68 lale devotional, uthandaze umthandazo wosindiso. Yamukela insindiso uJesu ayigcwalisa ngenxa yakho ngokufa kwakhe, ukumbelwa kanye lokuvuka kwakhe. Wakhokha isijeziso sezono zakho, khathesi uNkulunkulu kasabaleli izono zakho kuwe. Haleluya!

Ukuvuma

Baba othandekayo, ngiyabonga ngomhlatshelo kaJesu wokungimela ekufeni kwakhe, ukumbelwa kwakhe kanye lokuvuka kwakhe. Ngaye, sengihlanjululwe kukho konke futhi ngenziwe ngilungile. Ngihamba ngikuqonda lokhu kuyiqiniso, ngazi ukuthi akusabikho umlandu ongabekwa kimi. Sengikhululiwe esonweni, emacala kanye lokugwaliswa. Haleluya!



Qhubeka ngemibhalo

KwabaseRoma 4:25

KwabaseKolose 2:13-14

KwamaHebheru 10:

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)