Ndiwe Mugadzirisi Wacho

Muvhuro, 9 Kukadzi 2026,

*TAVA KUTSVAKA MUTADZI WEKUPEDZISIRA!. Mari yako inogona kutibatsira pabasa iri. Itume neEcoCash kuTNI Zimbabwe pa *151*2*7*58225# (Nyora Assembly seshoko rimwe chete)*

“Saka tingoziwa kuti zviro zvetse zvingosenza pamwepo kuti zviitire zvidonaka kune awo wangoda Mwari. Awo wadodayidzwa mayererano ngeshinangwa shawo.” (WaRoma 8 ndima 28).

Hakuna dambudziko ridombowapo mhinduro kana gadziriso yacho isati yatipoba. Kara uyitondera izvezvo! Ndingokara ndiyiti, matambudziko angodhonzerwa kune mhinduro yawo. Kana mbewu ngesimba rekugadzirisa riri munewe, dambudziko ringowuya kunewe. Ndiyo ndawa ena matambudziko ayiwuya kunewe, hindawa yekuti ndiwe une simba rekuwagadzirisa.

Kungokwanisa kuwa ngematambudziko ayo udosongana nawo muupenyu, hindawa yekuti Mwari wadowabvumira kuyitira kukura kwako ngekukwidziridzwa. Utsashe matambudziko kana miyedzoba. Ndizvo zvingokusumudza kuyenda padanho repamberi rehukuru ngekukwidziridzwa. Bhayibheri ringoti, “Hama dzangu, zvitoreni tsemufaro mukuru kana muyisongana ngemiyedzo idosiyana siyana.” (Jemusi 1 ndima 2). Ngenyi? Hindawa yekuti ungotokurira basi.

Saka kana ukasongana ngematambudziko, tawura uyiti, "Baba wangodikanwa, ndingokutendani ndidobarirwa izvi!” Soko ringotawura muna WaRoma 8 ndima 28 riyiti, “Zviro zvetse zvingosenza pamwepo kuti zviitire zvidonaka kune awo wangoda Mwari. Awo wadodayidzwa mayererano ngeshinangwa shawo.” (WaRoma 8 ndima 28) Izvi zvirutawura kuti hawumbokurirwiba. Ndiro diko irero. 1 Yohane 5 ndima 4 ingoti, “Shiro shinganyi hasho shidobarwa ndiMwari shingokurira nyika, uku ndiko kukunda kungokurira nyika, rutendo rwasu.”
Shiro shetse shidobarwa ndiMwari, iwewe kana masoko ako, zviroto zvako, zviwono zvako kana nzero, zvingokurira nyika. 1 Yohane 4 ndima 4 ingoti, “Muri waMwari, imwemwe wapwere wanyayi, mudowakurira ngekuti uyo ari munemwe mhukuru kudarika uyo ari munyika." Zvirutawura kuti udobarwa ndiwo, udowumbirwa kukurira ngekugadzirirwa kuti ubudirire. Hawuri munhu angokurirwaba asi angokunda.
Ndiwe mhinduro, ndiwe ungogadzirisa zviro zvirutsvakwa ngenyika. Udobarwa kuti ukurire, utonge ngekupangidza kupenya kwaMwari. WaRoma 8 ndima 19 ingoti, “Ngekuti zvisikwa zvingotarisira maningi zviyimirira kupangidzwa kwewarumbwana waMwari”. Izvi zvingosonganisira iwewe.

Munamato

Baba wangodikanwa, ndingokutendani ngekupenya kwanu ngekururama izvo zvingowonekwa kukuburikidza ndine. Soko ranu rirusenza munene, ndirufamba mushiyedza shekukurira kwangu muna Yeso Kristo. Ndingorarama pamutsoro pemamiriro zviro ndiyiziwa kuti zviro zvetse zvirusenza pamwepo kuti zvindiitire zvidonaka. Ndidobarwa ndimwe, ndidokurira nyika, muZita raYeso. Ameni.
Dzina Ndima Dzekuwerenga Dzingotsinhira Shidzidzo Shenyamusi:

WaFiripi 4 ndima 13
Joshwa 1 ndima 9
Izaya 41 ndima 10
WaRoma 8 ndima 37

(Zvafundiswa izvi zvatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church