Masoko Ako Mhapenyu

Mugovera, 18 Gumiguru 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

"Mwiya ndiye angoraramisa, nyama haina basaba; masoko ayo ndingotawura kunemwe, ndiwo mwiya ngehupenyu." (Yohane 6 ndima 63).

Masoko ayo ungotawura tsandi pasinaba; haayendi ngemhepoba; angoramba ayirarama. Utsafunge kuti shiro isho udotawura shidondopererawo apo udoshitawura ipapoba. Soko retse ringobva mukamwa mako ripenyu munzvimbo yemwiya. Nzira yekudzinga kana kukurira masoko adotawurwa kara kutawura masoko angopikisana nawo ane simba kuwadarika. Masoko zviro, ane simba.

Izvi zvingoyita kuti ukoshetse masoko. Utsambotawure izvo usingadiba kana izvo usuruda kuti zviyitikeba. Utsambotawure zvisina maturoba ngekuti mutemo wemasoko uri nyore asi ngewemumwiya: ushawa ngeizvo ungotawura. Tenzi Yeso wadotawura kusharo muna Mariko 11 ndima 23: Zvirokwazvo ndingoti kunemwe. Kuti wani nawani angoti kugomo iri, Ibva ipapo udonhere munyanza, asina kutsatendaba mumwoyo mashe, asi ayitendera kuti zviro izvo atawura zvishayitika, izvo angonga atawura izvi ndizvo zvingoyitika, ashatambira zvinganyi hazvo izvo angonga atawura

Ndiyo ndawa imweyo wayititawurira kuti titsandotawure zvisina basaba kana masoko asingasenzi shiroba: Asi ndingoti kunemwe, Kuti soko retse risina maturoba rishatawurwa ngemunhu, ashapindura ngezvaro mutsi wekutongwa. Ngekuti ngemasoko ako usharuramiswa, ngemasoko ako ushatongwa (Matewu 12 ndima 36-37). Masoko asina maturoba mhasoko asingasenziba, masoko ayo ungotawura asina izvo angotawuraba. Waruti, ushabvunzwa ngezvekutawura masoko adosharo.

Tondera kuti udosikwazve mumufananidzo ngekufanana naMwari. Tenzi wadotinyi pamutsoro pemasoko pashawo? Wadoti, Masoko ayo ndingotawura kunemwe, mwiya, hupenyu. Wadoyisa kukosha pamasoko. Musiyano uripo pakati pamasoko aTenzi ngeeunawo munhu hashe ngewekuti Yeso wayitawura hupenyu. Wadotipa muwenzaniso wekutedzera.
Zvirewo 18 ndima 21 ingoti, Rufu ngehupenyu zviri musimba rerurimi..... Tawura hupenyu basi, zviro zvetse muhupenyu hwako ngezvidokutenderedza zvingorarama. Tawura hupenyu kubhizimisi rako, Kumare dzako, kumwiri wako, kuwapwere wako ngekuzviro zvetse zvidokutenderedza. Tondera kuti masoko ako haambopfiba; ane hupenyu, angosenza. Ndiwo ane shekuyita ngemararamiro ako ngekungoyenda hupenyu hwako. Mumuromo mako ndimo mune zvekuti ushabudirira yere kana kumbunda muhupenyu.

Munamato

Baba awo ndingoda, ndingokutendani ngekundifundisa ngezvesimba remasoko. Masoko angu adozara hupenyu, simba, ngerutendo. Ndingorayira izvo ndingoda kuwona basi, kufambira mberi kwebasa rangu, kuwanzvira kwemare yangu ngerugare kuzviro zvidonditenderedza. Ndingokutendani ngekuyita rurimi rwangu muti wehupenyu. MuZita raYeso. Ameni.

Dzina Ndima Dzekuwerenga Dzingotsinhira Shidzidzo Shenyamusi:
1 Petro 3 ndima 10
Mateo 12 ndima 36 kusvika 37 NIV
Jobo 22 ndima 28

(Chidzidzo ichi chatorwa kubva mu:
Rhapsody of Realities (Manyika)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church