MaWhi Awo Mapenyu

"Ndiwo umpepo unopa bupenyu, inyama aitobhancha chinhu; mawhi andinoleba kwamuli, ndiwo umpepo, ndiwo bupenyu (Johani 6:63).
Mawhi awunolebeleka anansindo, aaongonda chete; anolalama. Usiyeye kuti chinhu chokupejeleja chawalebeleka chapelela pawalebeleka. Mawhi ose anobhuda mundomo uwo mapenyu kubugalo bwompepo. Kujibija mawhi yaya awakalebeleka kale kulebeleka mawhi mabuya akale anesimba kasa. Mazwhi zwinhu; anesimba akale anobhatika.

Yezwi zwinokwelela kukuta kuti ukoshese mawhi. Usilebeleka zwisilizo zwawabda kulebeleka kana zwausijimuda kuti zwitikane. Usilebeleke zwibi, nokuti mulawo undelu koga ndiwompepo: uchawana zwaunoleba. She Jesu bakadalo: "Ndolebesa nditi kwamuli, umwe nomwe unooti kudunhu yeli, milijwa, uposwe mugungwa, esinokahajika mumwoyo uwe, koga edimbwa kuti zwaanoleba zwinootikana, unooba nazwo" (Maliko 11:23).

Ndicho chisoko etibuja kuti atitokwelela kulebeleka mayabwe, mawhi esinoshinga: "Ndinoti kwamuli: Mawhi ose asina unshingo abanolebeleka banhu, banoozwishandulila bomene neZhuba lyoKutongwa, Nokuti namawhi awo unoosungunulwa, akale namawhi awo unoolashwa" (Mateu 12:36-37). Mawhi asinanshingo mawhi amayabwe, mawhi awunolebeleka asina zwanoleba. Unoti unoozwishandulila womene pakulebeleka mawhi akadalo.
Yeya, wakabumbwa muchiso chiche akale nomukulingika saMwali., akale Tezi bakatini bezwileba ibo? Bakati, "Mawhi andinolebeleka kunawi, umpepo akale bupenyu." Banokoshesa mawhi. Unsiyano pakati pamawhi aShe Jesu namawhi omwe unhu koga kuti wakalebeleka bupenyu. wakatipa chitondejelo chokutobeleja.

Zwichimbe 18:21 inoti, "lulimi luna masimba pezhulu polufu nobupenyu, banolushingisa banolya michelo yalwo." Lebeleka bupenyu chete akale zwose zwinhu mubupenyu bubwo akale nomubugalo bubwo zwinolalama. Lebeleka bupenyu kunshingo wamaboko awo, imali jijo, umbilo uwo, bana babo; akale nokunazwose zwilokukombeleja. Yeya, mawhi awo aatofa; mapenyu akale akumushinga; anoleba bupenyu bubwo akale nebhazu likumunda bupenyu bubwo. Kuti uchaba ulobhudilila kana unokonelwa zwose zwimwo mundomo uwo.
Unamato
Tate banodikana, ndinomuboka nokundilayija isimba lyamawhi. Mawhi angu azhele bupenyu, isimba, akale nokudimbwa. Ndinolebeleka chete zwandinolakamilila. Ndinolebeleka bupenyu mumbili wangu, kubhudilila kwonshinga wangu, kukubuka mujimali jangu, akale nolunyalalo kubugalo bwangu. Ndinomuboka nokuta lulimi lwangu kuti lube unti wobupenyu, muZina lyajesu. Ameni.

Kuchigija indaijo
1 Peter 3:10
Matthew 12:36-37 NIV
Job 22:28

(This article was culled from:
Rhapsody of Realities (Nambya)
Authored By:
Untebuji Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church