Isa Nzero Dzako PaSoko RaMwari

Chishanu, 24 Gumiguru 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

"Pakutanga Mwari wadosika denga ngenyika. Zvino nyika idonga idonyangara isina shiroba, shidima shidonga shidovhara pamutsoro pemvura idodzika, Mwiya waMwari udonga udopfumbamira pamutsoro pemvura. Mwari wadoti, Ngakuwe ngeshiyedza, shiyedza shidowapo."(Genesisi 1 ndima 1-3).

Kana uruda kuwona zvishamiso zviyitika muhupenyu hwako, kara nzero dzako dziri paSoko raMwari. Soko raMwari ndiro ridosika nyika yetse. Ndiro ridosika denga ngezviro zvetse. Mwari wangozvipangidza ngenzira dzidosiyana siyana. Ina yasho ingoshamisa hiSoko rawo. Wangozviwonesa muSoko rawo ngekuburikidza ngeSoko. Pane Soko raMwari, Mwari waripowo ipapo.
Soko raMwari haridofanana ngesoko remunhuba; Soko raMwari hupenyu. Soko raMwari hisimba. Soko raMwari shiyedza. Soko raMwari hidiko. Soko raMwari ndiMwari. Ukayisa nzero dzako paSoko raMwari, ungonga uruyisa nzero dzako pana Mwari. Izaya 26 ndima 3 ingoti, Mushamuchengeta ari murugare. Ashazorora muhupenyu hwashe uyo angokara nzero dzashe dziri panemwe ngekuti angowimba nemwe

Ungokara kana kuchengeta nzero dziri apo wari senyi? Kukara nzero dzako dziri paSoko rawo, uyiridzeya. Hazvina ndawa kuti urusongana ngenyiba muhupenyu, indowona Mwari basi. Ringa Soko rawo basi, ngarikare munzero dzako. Kana une Soko raMwari munzero dzako, ungonga watukara muzvishamiso. MuSoko raMwari ndimo mune simba raMwari rezvishamiso.

Ndiyo ndawa pasina shiro shingoyitwa ndiMwiya Mutsvene pasina Soko raMwariba. Muna Genesisi wekutanga, Bhayibheri ringoti pakutanga, Mwari wadosika denga ngenyika. Asi nyika idonga idonyangara isina shiroba, shidima shidonga shidovhara pamutsoro pemvura idodzika. Ingobva yati, Mwiya waMwari udonga udopfumbamira pamutsoro pemvura, asi hapana shidotsandukaba. Shidima shidonga shindoripo, kutsagadzikana kudonga kundoripo, kusvikira Mwari wazotawura Soko.
Bhayibheri ringoti, Mwari wadoti, ngakuwe ngeshiyedza, shiyedza shiyibva shawapo. Mwiya waMwari udoyita kuti shiyedza shiwuye shiwepo mumasure basi mekutawura kwaMwari. Zvingotipangidza simba ngekukosha kweSoko raMwari. Ungofanira kuringa paSoko raMwari basi. Ritawure. Kusvika Soko ratawurwa, Mwiya Mutsvene waMwari hapana izvo ungoyitaba. Saka kuti muhupenyu hwako muyitike zviro zvikuru ngekurarama hupenyu hwepamutsoro ngekufambira mberi uhwo udorongerwa ndiMwari kara, rarama ngeSoko raMwari tsedungamunhu.

Munamato

Baba awo ndingoda, ndingokutendani ngesimba ngekukosha kweSoko ranu. Ndingoyisa mwoyo wangu ngenzero dzangu paSoko ranu. Ndidozara ngerugare. Soko ranu ringoburitsa munene izvo ringotawura. Ndingowona kuyitika kwezviro zviri nyore, ndingorarama zvidonakitsa, ndiyikunda, ndiyitonga ngekuti Soko ranu hupenyu hwangu. MuZita raYeso. Ameni.

Dzina Ndima Dzekuwerenga Dzingotsinhira Shidzidzo Shenyamusi:
Joshua 1 ndima 8
Vakorose 3 ndima 16
Vahebheru 4 ndima 12 kusvika 13

(Chidzidzo ichi chatorwa kubva mu:
Rhapsody of Realities (Manyika)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa ndima https ndima //bit.ly/Shona_Church