Gara Mipinimidzo Yako Iri PaIzwi RaMwari

Chishanu, 24 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Pakutanga Mwari wakasika denga nenyika. Nyika yaiya isina muemo, isina chiro, nechidima chaiya padera pemvura yakadzama; noMweya waMwari wakavhamira padera pemvura. Mwari wakati, Ngakuapo kujeka nokujeka kwakaapo (Genisisi 1 ndima 1 kuguma 3).

Unosisira kugara mipinimidzo yako iri paIzwi raMwari. Ndikwo kuti ugare uchiona mioniso mukupona kwako. Izwi raMwari ndiro rakasika denga. Ndirozve rakasika nyika. Mwari vanoonekwa ngenjira dzakasiyana siyana. Ivo vanoonekwawo muIzwi ravo. Ndiyo imweni yenjira yevanoonekwa ndiyo. Vanoonekwa muIzwi ravo. Uyezve vanoshandisa Izwi ravo kuita zviro. Saka Izwi raMwari ringaa pane imweni ndau. Mwari vanenge vechitoawo pandau iyi.

Izwi raMwari rakasiyana neizwi revanhu. Izwi raMwari kunotoa kupona. Rinotoa simba. Rinotoa kujeka. Rinotoa gwinyiso. Rinotoa Mwari pachezvavo. Ndizvo isa mipinimidzo yako periri. Unenge uri kutoisa mipinimidzo yako pana Mwari kana uchidaro. Isaya yemakumi mairi nechitanhatu ndima yechitatu inoti, Uwo unemwoyo wakagwinya unomungwarira mukunyarara kwakaperera, mukunyarara, ngokuti unogonda mweuri.

Iwewe unosisira kugara mipinimidzo yako iri paIzwi raMwari. Ndikwo kutogara mipinimidzo yako iri pana Mwari ukwokwo. Ungazoshongana hako nezviro. Zviro zvakhona zvingaa zvisikazi kukunakira. Iwewe ausisiri kuneseka. Mwari ndivo vega vounosisira kuona. Madziso ako anosisira kugara ari pevari. Kuronza kuti Izwi ndiro rounosisira kuringira periri. Izwi iri ndiro rinosisira kunge riri mumipinimidzo yako. Mioniso ndiyo younozongoshongana nayo. MuIzwi ndimwo mune masimba aMwari.

Ndiyo ndaa Mweya Wakachena vasina chevanoita kune vasikashandisi Izwi raMwari. Mwari ava ndivo vakasika denga nenyika. Izvi ndizvo zvetinoona muna Genisisi yokutanga. Apa nyika yaiya yazonyangara. Isisina chiemo. Yakaputirwa ngemvura. Yakaputirwa ngechidima. Mweya waMwari wakatanga kuhamba hamba padera pemvura iyi. Asi apana chakatsanduka. Chidima chakaramba chiripo. Zviro zvakaramba zvakangonyangara. Mwari vakazoronza Izwi ravo. Zviro ndipo pezvakazonaka.

Mwari vakabva vaereketa. Vakati, Ngakuapo kujeka nokujeka kwakaapo. Mweya waMwari wakabva waita kuti kujeka kuuye. Wakaita izvi mumasure mwokunge Mwari vaereketa. Izvi zvinoonesa simba reIzwi raMwari. Zvinoonesawo kuti Izwi iri rakakosha. Gara mipinimidzo yako iri paIzwi raMwari. Rironze. Ndikwo kuti Mweya Wakachena vashande. Vanoshanda zvega kana Izwi rechinge raronzwa. Ndizvo pona ngeIzwi raMwari. Ndikwo kuti zviro zvikuru zviitike mukupona kwako. Uchizonyisa zviro zvounoshongana nazvo. Uchirarama kupona kwewakarongerwa ndiMwari.

Kumbira Weiti
Baba vendinoda. Ndinomubonga. Izwi renyu rine simba. Ndinoisa mwoyo wangu paIzwi iri. Ndinoisa mipinimidzo yangu periri. Ngokudaro ndine kunyarara kukuru. Izwi renyu rinondiwanisa zverinogondesa. Izwi renyu ndikwo kupona kwangu. Ndizvo apana chendinoona chendisikakoni kuita. Ndinorarama kupona kwakanakisisa. Ndinonyisa zveshe zvendinoshongana nazvo. Ndinotonga zviro zvomunyika muno. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Joshua 1 ndima 8
Vakorose 3 ndima 16
Vahebheru 4 ndima 12 kusvika 13

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa ndima https ndima //bit.ly/Shona_Church