Buchenjeli BwaMwali Bushinga Nomunawi

Saturday, 25 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

"Nokuti iye ndiye wakata kuti mube bamwempela naKristo Jesu, wakatiwa naMwali kuba maano edu..." (1 BaKolinte 1:30).
Ichokomende cholukujo chimwempela cheNdebo iMbuya ndichokuti Kristo bakatiwa buchenjeli bwedu. Yezwi zwinoleba kuti tinotubula kubona kuna zwobuMwali, kuwhisisisa, akale nebhazu lozwinhu zwose. Atijimushaka buchenjeli; Kristo buchenjeli bwedu. Ndicho chisoko titubula kubona isiswa; tinanombono wesiswa akale nechokomende chobupenyu.
Apana chinhu chawusinotubula kubona kana chisonotubula kubigwa pamwempela nendangalilo jijo. Chido chaMwali chilotondejelwakumpepo uwo nokuti Kristo buchenjeli bubwo. UMpepo uNchena, unoba iye uMpepo wobuchenjeli, unolalama munawi, akale unokuta kuti ubhudilile. Ndizwo, unamato woMpepo noMpositoli Paulo muna BaKolose 1:9 iti unoozhajwa noluzibo lwechido chaMwali mubuchenjeli bwose akale nomukuwhisisisa kwoMpepo. Mwali ngakombolelwe!
Yobwu ndibo bupenyu bubwo somwana waMwali. Kana ushala zwokuta, zwishale nobuchenjeli bwaMwali akale nobululami; azwitoba zwinhu zwokuyeyesela koga zwipo pachena, zwinobuza inshandulo inokuja Mwali nokuti unoshinga nobuchenjeli bwobuMwali. Buchenjeli bunotondejelwa munzila yaunoyeya nayo, nokuti unoshandula chini zwinhu, nokuti unokamujana chini nabamwe, akale nomukwenda kukwo naMwali. Unoda akale unota iWhi lilye.
She Jesu bakalalama ali. IBhayibhili linotibuja kuti wakakubuka mubuchenjeli akale nomukudiwa naMwali akale nabanhu (Luka 2:52). Wakabegala eziba zwokuta, zwokuleba, akale nokuti unokwleelakuta chini. Buchenjeli yobu bukumushinga munawi ngweno. Zwinji uzwipila kuWhi akale nokuMpepo uNchena, zwinji buchenjeli buzwitondejela munawi. Nobuchenjeli yobu, unokwenda munazwilokwelela akale nomuchinangwa, uzhajikija chido chaMwali chilopelelela chobupenyu bubwo.

Unamato
Tate banodikana, ndinomuboka nolukujo lumwo mubupenyu bwangu, akale nokuta kuti Kristo ebe buchenjeli bwangu. Ndinokwenda mumbono wobuMwali, mukuwhisisisa kusijilozibilika, nomukutonga kulopelelela. Ndoziba zwandimuta. Ndogala ndiziba zwokuta, nokuti buchenjeli bwenu bumushinga munami, muZina lyaJesu. Ameni.

Kuchigija indaijo
Colossians 1:9

Ephesians 1:17-18

Ephesians 3:10

(This article was culled from:
Rhapsody of Realities (Nambya)
Authored By:
Untebuji Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church