Une Mazano AMwari Mwouri

Mugubera, 25 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ndiye chinyuka chokupona kwenyu munaKristu Jesu, uwo wakaitwa ungwaru hwedu ndiMwari, nokururama kwedu, kucheneswa nokuripirwa (1 VaKhorinte 1 ndima 30).

Kristu ndivo vakaitwa mazano edu. Ichi chiro chinodakadza yaamho. Takachiunzirwa ngeVhangeri raJesu. Ndizvo taa kukona kuzwisisa zvisikazwisisiwi ngevanhu vomunyika muno. Taa kukona kuzia zvokuita muzviro zveshe. Isusu atisiri kutsvaka mazano akanaka. Kristu ndivo zano redu. Ndiyo ndaa techikona kuzwisisa zvisikazwisiswi ngevanhu vomunyika muno. Taa kukona kuona zvakadzama zvokupona. Izvo zviya zvisikakoni kuonekwa ngevanhu vomunyika muno.

Apana chiro chousikakoni kuzwisisa. Mweya wako waa kuzwisisa zvinoda Mwari. Mweya Wakachena waa kugara mwouri. Mweya Wakachena ava ndivo vane mazano eshe aMwari. Ivo vanoita kuti ubudirire pane zveshe zvounoita. Ndiyo ndaa Mweya Wakachena vakambokumbira. Vakakumbira kuti tizwisise zvinodakadza Mwari. Tizwisise zviro zvemweya. Tive nemazano eshe aMwari. Vakakumbira kudaro vari muna Phauri. Tinowana mukumbiro wakhona muna vaKhorose yokutanga ndima yepfumbamwe. Mwari ngavakudzwe!

Iwewe waa mwana waMwari. Ndizvo uku ndikwo kwaa kupona kwako. Ndizvo ungaronga zviro. Mazano aMwari ndiwo ounenge uri kushandisa kuronga zviro zvakhona. Unenge uchizvirongawo mukururama kwaMwari. Ndizvo unenge usiri kuita zvokufungidzira. Unenge usiri kubondera. Unenge uri kutozia zvouri kuita. Zviro zvako zvechizobuda zvakanaka. Mwari vechitozokudzwa. Mazano aMwari aya anotozwikwa mukuereketa kwako. Anoonekwa mukuronga kwako. Anoonekwa mukuhambidzana kwounoita nevamweni. Anoonekwa mukuhamba kwako naMwari. Iwewe unoda Izwi raMwari. Uyezve ndiro rounoshandisa pakupona kwako.

Uku ndikwo kwaia kupona kwaMambo Jesu. Ivo vakakura. Mazano aMwari akawanda mwevari. Vakadakarirwa ndiMwari. Vakadakarirwawo ngevanhu. Izvi ndizvo zvinoronza Bhaibheri. Tinozvierenga muna Ruka yechipiri ndima yemakumi mashanu nembiri. Jesu vaizia zvokuita nguwa dzeshe. Vaizia zvokuronza. Mazano aya ndiwo awavawo nawo iwewe. Asi unosisira kurekera Mweya Wakachena vechishanda mwouri. Ndikwo kuti mazano aya atutsire kuonekwa mwouri. Anozoita kuti upone ngomwazvo. Uchiita zvemene zvounosisira kuita. Uchiita zvemene zvinodakadza Mwari.

Kumbira Weiti
Baba vendinoda. Ndinomubonga. Simba renyu raa kuonekwa mukupona kwangu. Mwakaita kuti Kristu vave zano rangu. Ndinozwisisa zviro saMwari. Ndinozwisisa zviro zvemweya. Andivhiringiki. Andiiti zvokufungidzira. Mazano enyu ndiwo endinoshandisa pakupona kwangu. Saka ndinozia zvokuita nguwa dzeshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church