Usatenda Kupuwa Ndaa NdiSathani

Chipiri, 3 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Neni ndakazwa izwi. Izwi guru rechibva mudenga rechiti, "Zvino rwaguma ruponeso, simba noumambo zvaMwari wedu neesimba raKristu wake, ngokuti mupumhi wehama dzedu wakandirwa pashi, uwo unovaitira ndaa pamberi paMwari wedu masikati nousiku" (Chakapangidzirwa 12 ndima 10).

Ndima yetabeura ndiyo inoronza ngepadera paSathani. Inoti Sathani ndiye unopumha vakacheneswa ndaa. Ndiye unogara echishambadza zvinoshaishwa ngevana vaMwari. Iye unoshambadza zvishaishi zvakhona kuna Mwari. Unozvishambadza kuvanhu. Echitozvishambadzawo kwouri iwewe wakhona. Unoda kuti uzwe somunhu une ndaa yaamho. Ndikwo kuti akone kukushaishidza. Saka unozeezera mumipinimidzo yako. Echikuronzera kuti une ndaa. Iwewe wobva watofunga kuti mipinimidzo yako ndiyo iri kukuronzera izvi.

Unokona kuita kufi upinimidze kuti Mwari avasiri kudakara ndiwe. Echiitazve kuti upinimidze kuti ausikachazi kururama. Dangani waiya uri kukumbirira chimweni chiro. Asi dangani wononoka kuona chiro chiya. Iye unobva aereketa kwouri. Echiti, "Ausiri kunyanya kutsanya. Saka Mwari avasiri kudakadzwa ngezvouri kuita. Ndiyo ndaa usiri kuona chiro ichi". Iwewe unokona kutobva wazwa soune ndaa yaamho. Wototanga kureurura. Izvi azvisirizvo zvounosisira kuita.

Isusu tinozwisisa mashandiro aSathani. Izvi ndizvo zvetinoziiswa ngeBhaibheri. Tinozvierenga mutsamba yechipiri kuna VaKhorinte chitsauko chechipiri ndima yegumi nachimwe. Sathani munyepi. Ndiye baba wemanyepo eshe. Manyepo eshe anobva kwaari. Mwari vakada kuereketa newe ngezvekutsanya, Avazotumi Sathani kuti akuronzere. Mwari vanongokuonesa pewashaisha. Vanongokupanga zvokuita. Vanongokutungamirira kuita zvevanoda vona. Vanoshandisa Izwi ravo kuita izvi. Vanoshandisawo Mweya Wakachena kukutungamirira kudaro. Avambokusiyi uchizwa somunhu une ndaa. Sathani ndiye unokusiya uchizwa soune ndaa. Ndiye unokusiya waa kupinimidza kuti auzi kururama zvakaperera.

Dzimweni nguwa unokona kutotanga kufungira vamweni vanhu. Sathani ndiye unenge uri kukutuma kuvafungira kudaro. Ndiye unenge akuronzera kuti vane ndaa. Ndiye unopumha vanhu ndaa. Ndiye unotsvaka kuzondanisa vanhu. Ndiye unoita kuti vanhu vafungirane. Iwewe usamurekera echiita izvi. Izvi ndizvo zvetinoyambirwa muna vaEfesu yechirongomuna ndima yemakumi mairi nechinomwe. Inoti, "Musapa ndau kunaDhiabhorosi". Usaashira manyepo ake. Usamurekera echikuchengedzera. Usamurekera echikuronzera magumbu. Izwi raMwari ndiro rega rounosisira kuashira. Ndiro rounosisira kushandisa kuongorora ndaa dzeshe. Mwari vane maonero evanoita zviro. Maonero aya ndiwo ounosisira kuitawo iwewe. Zvione somunhu akarurama nguwa dzeshe. Dakarira vanhu.

Ndikwo kuti usazwa somunhu ane ndaa. Ndikwo kuti usazviona somunhu asina kukodzera. Ndikwo kuti Sathani asakona kukupumha ndaa. Zvinozoitawo kuti ukumbire wakashinga. Uchizia kuti Mwari vanokudaira. Waa kukona kuryisana naMwari. Mambo Jesu ndivo vakaita kuti ukone kuryisana navo kudaro. Izvi ndizvo zvetinoziiswa muna vaRoma yechishanu ndima yokutanga. Saka auchatyi kuema pamberi pavo. Hareruya!

Kumbira Weiti
Baba vendinoda. Ndinomubonga. Inini ndaa muna Jesu Kristu. Ndizvo andichazwi somunhu une ndaa. Mipinimidzo yangu yakadzara Izwi renyu. Andipi Sathani mukana wokuita zvaanoda pendiri. Aachakoni kuita kuti ndizwe somunhu une ndaa. Ndaa muna Muponesi Jesu. Saka ndakaperera. Ndakaruramiswa. Ndinonyisa zveshe zvendinoshongana nazvo. Ameni.

Dzimweni Ndima Dzinotsinhira Kufunda KwaNyamashi
VaRoma 8:33-34; Johane 8:44 AMPC; 1 Johane 3:20

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church