Kukumbira MuMweya

Chitatu, 11 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Ngokudaro Mweya unotidetsera mukurembedzeka kwedu; ngokuti atizii njira inosisira yokukumbira ndiyo, asi Mweya emene unoita muemeri ngokugomera kusikabviri kuronzwa." (VaRoma 8 ndima 26).

Vakacheneswa vanosisira kukumbira mumweya. Kukumbira kwakadaro ndikwo kunonyanya kushanda. Asi kukumbira mumweya kuri pairi. Mweya wako ndiwo unokona kunge uri kukumbira. Apa mweya wako unenge uri kutunzwa ngeMweya Wakachena. Mweya Wakachena ava vechiupa mazwi okuronza. Iwewe uchibva wakumbira ngedzimweni ndimi. Mweya wako unobva wagwinyiswa. Uchiakwa. Uchikura sechiakwa chikuru. Izvi ndizvo zvetinoona muna Judha yokutanga ndima yemakumi mairi kuguma makumi mairi naimwe. Inoti, "Asi imwimwi, vanodikanwa, mwechidziaka pachenyu padera pokutenda kwenyu kwakachenesesa, mwechikumbira muMweya Wakachena; dzingwarirei murudo rwaMwari; mwechirindira nyasha dzaMambo wedu Jesu Kristu, dzinomuunza mukupona kusikaperi".

Tsamba yokutanga kuna vaKhorinte chitsauko chegumi nechirongomuna ndima yechirongomuna inoti, "Uwo unoereketa ngendimi unodziaka. ...". Ndizvo vanhu vaMwari vanosisira kuereketa ngendimi zvakanyanya. Izvi ndizvo zvetinovakurudzira kuita. Zvinoita kuti mweya wako ugare wakagwinya. Zvinoita kuti mwoyo wako ugare wakagwinya. Zvechiitawo kuti muiri wako wenyama ugare wakagwinya. Zvechigwinyiswa kudaro ngesimba raMwari. Mweya Wakachena vanozoita kuti ugare wakagwinya. Wakadziirirwa. Wakagwinyiswa. Hareruya!

Asi pane imwenizve njira yokukumbira mumweya. Apa mweya wako ausiriwo unenge uri kukumbira. Mweya Wakachena pachezvavo ndivo vanenge vari kukumbira. Vanenge vechikumbira vari mukati mwako. Izvi ndizvo zvetaerenga mundima yetabeura ndiyo.

Apa mweya wako unenge usiri kupuwa mazwi okuronza. Iwewe unenge usiri kuereketa ngedzimweni ndimi. Unenge uri kungofemereka. Mweya Wakachena vechigomera vari mwouri. Mweya Wakachena ava ndivo vanenge vaa kukumbira vemene. Vechikumbira kudaro vari mukati mwako. Mukumbiro wavo uyu uriwo unobva pamwoyo paMwari pemene.

Iwewe ungatendera Mweya Wakachena kukumbira ngenjirayo. Vechikumbira kudaro vari mukati mwako. Mioniso inozoitika. VaRoma yechisere ndima yemakumi mairi nechinomwe yakhona inoti, "Mwari unoringisisa mwoyo unozia mupinimidzo woMweya, ngokuti Mweya unokumbirira vakacheneswa kudai ngokuda kwaMwari". Mukumbiro uyu unenge usiri kubuda mumipinimidzo yako. Unenge uri kubuda mumipinimidzo yeMweya Wakachena.

Ndima inoteera yakhona inotiziisa zvinozoitika. Inoti, "Nesu tinozia kuti zveshe zvinoshanda pamwepo kuita zvakanaka kwavari avo vanomuda Mwari, avo vakadaidzwa kudai ngokuemesa kwake". Ndizvo iwewe ungatendera Mweya Wakachena kuti vakumbire vari mwouri. Zviro zvako zveshe zvinozongohamba zvakanaka. Ungazoshongana hako nezvinotsvaka kukushaishidzira. Asi zviro zveshe izvi zvinozongokudetsera. Ichi ndicho chimweni chezvifumiso zvokukumbira mumweya. Hareruya!

Kumbira Weiti
Baba vendinoda. Ndinomubonga. Mwakandipa Mweya Wakachena. Mweya Wakachena ava vanondidetsera pakukumbira. Vanoita kuti ndikumbire ngenjira inodakadza Mwari. Ndinokumbira mumweya izvozvi. Ngokudaro simba renyu rinodzara mwendiri. Kupona kwangu kunopinzwa munjira yemwakandinasirira. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 8 ndima 26 kuguma 28 AMPC
VaEfesu 6 ndima 18
Zvakaitwa 1 ndima 8

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church