Mupango WeChikoaniswa Chakahwirinzirwa

China, 12 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Asi unozotenda mukororo wouwo waasikadi kuti idangwe, ngokumupa chikoaniswa chakahwirinzirwa cheizvo zveshe zvaanazvo; ngokuti iye uri kutanga kwesimba rake, nhaka youtangwe ngeyake" (Dhutoronomi 21 ndima 17).

Bhaibheri rinoronza ngepadera peChikoaniswa Chakahwirinzirwa. Asi vakawanda avazwisisi zverinenge riri kuronza. Iyi itsika yetinoona muChitenderano cheKaretu. Munhu waikona kunge ane vana vatanhatu. Echisisira kukowa nhaka yake kuvana ava. Waisisira kuisa nhaka iyi muzvikamu zvinomwe. Zvikamu zvakhona zvaisisira kunge zvakaedzana. Waibva apa mwana umwe ngaumwe chikamu chimwe chega. Waisisira kuzopa dangwe rake chikamu chechinomwe chakhona. Echichitutsira pane chimweni chaambomupa.

Saka vamweni vana veshe vaiona chikamu chimwe chega. Asi dangwe raiona zvikamu zviiri. Izvi zvaia zvikamu zviiri techienzanisa nezvapuwa vamweni vana. Kwete zvikamu zviiri zvepfuma yababa ake yeshe. Zvikamu zviiri izvi ndizvo zvaibva zvaonesa kuti mwana uyu ndiye dangwe. Ndiye waisiiwa aa baba vemhuri. Ndiye aisiirwa zina rababa.

Genisisi yemakumi marongomuna nechisere ndima yechishanu kuguma yechitanhatu inoronza ngezvaRubheni. Iri ndiro raia dangwe raJakobe. Ndiye waisisira kupuwa chikoaniswa chakahwirinzirwa. Asi une misikazwa yaaiya amboita. Ndizvo aazi kuzopuwa chikoaniswa ichi. Chakazopuwa kuna Josefa. Ndiyo ndaa Jakobe wakatora vana vaJosefa sevake. Vana ava vakapuwa nhaka pamwepo nevamweni vana veshe vaJakobe. Vaiya vari vairi. Umweni wakhona waiya ari Efuremu. Umweni waiya ari Manase.

Tinoonawo izvi pana Erisha. Iye wakaereketa kuna Erija echiti, "Nditendere ndigare nhaka yechikoaniswa chomweya wako chiitwe kairi kwendiri". Tinoerenga mazwi aya mubhuku rechipiri reMadzimambo chitsauko chechipiri ndima yechipfumbamwe. Erisha waiya asiri kukumbira chikoaniswa chakahwirinzirwa cheMweya waia muna Erija. Izvozvo zvaisakoneka. Waingoda kusara aa iye muprofita mukuru. Paia neamweni maprofita. Maprofita aya aiya akawanda. Iye waida kusara ari dangwe ravo veshe.

Erija wakazobvutwa. Wakaenda nengoro yomuriro. Erisha wakaona izvi zvechiitika. Bhachi raErija yakabva yadonhera pana Erisha. Erisha wakaitora. Wakapetuka kooambuka rwizi rweJorodhani. Wakaguma parwizi apa. Wakabvunza echiti, "Uri pari Mambo Mwari, Mwari waErija?" Wakabva atora bhachi riya. Wakarishandisa kuchaya mvura. Mvura iya ikatsemuka ngepakati. Wakaitsemura sezvaiya zvaitwawo ndiErija. Vamweni vakororo vemaprofita vakaona izvi. Vakabva vamugwadamira. Tinoerenga mazwi avo mubhuku rechipiri reMadzimambo chitsauko chechipiri ndima yegumi nechirongomuna kuguma gumi nechishanu. Vakati, "Mweya waErija unogara padera paErisha". Kuronza kuti Erisha ndiye waiya atora ndau yaErija.

Ndizvo munhu akapa umweni chikoaniswa chakahwirinzirwa, unenge amupa masimba ake. Unenge amugadza pandau yake. Unenge asikazi kumupa masimba anopinda aanawo iye. Izvi ndizvo zvewakaitwawo iwewe. Wakapuwa Mweya Wakachena. Wakapuwa Mweya Wakachena ava vakaperera. Vaa kutogara mwouri. Hareruya!

Kumbira Weiti
Baba vendinoda. Ndinomubonga. Izwi renyu randidetsera kuzwisisa. Ndaa kuzwisisa pfuma yangu. Yona pfuma iya iri munaKristu. Ndini muridzi wepfuma yenyu. Izwi renyu rinovhenekera njira yangu. Rechiita kuti ndikone kushandisa mazano enyu pakupona kwangu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johani 3 ndima 34
VaEfesu 3 ndima 17 kuguma 19

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church