Iwewe Ndiwe Njira Yakhona

Soto, 22 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Jesu wakati kwaari, "Inini ndiri njira negwinyiso nokupona. Akuna unouya kunaBaba, asikauyi ndini" (Johani 14 ndima 6).

Kune vanoti, "Pangaita hapo sokuti apana njira. Asi Mwari vachabeura njira". Mazwi aya anokurudzira hawo. Asi aawirirani nezvinoronza Zvinyorwa. Isusu taa muna Kristu. Ndizvo takatsanduka dzinza. Taa muChitenderano Chitsva. Mwari avachisiri kutibeurira njira. Vakatotiita njira yakhona.

Mambo Jesu ndivo vakaronza mazwi etabeura ndiwo. Vakati, "Ndini nzira yacho. Ndini chokwadi chacho. Ndini hupenyu hwacho". Ivo vaiya vari njira yedu. Ndiyo njira yakatigumisa kuna Mwari. Ndiyo njira yakatigumisa kuzvifumiso zvenyika yaMwari. Zvona zvinoti kudzikinurwa. Utano hweVamwari. Nezvifumiso zveshe zvetakaona pakufa. Kuikwa. Nokumuka kubva kuvakafa kwaKristu Jesu. Ndivo vakatiunza kuna Mwari Baba. Vakatiunzeyo paya petakabarwa kechipiri. Asi hino taa muna Kristu ava. Tisu taa kuunza vashaishi kunaMwari. Tisu taa njira yakhona.

Ndiyo ndaa Chiara cheVakacheneswa chaidaidzwa chechizwi Njira. Izvi ndizvo zvetinoona mubhuku reZvakaitwa. Isusu tisu taa njira yakhona. Ndizvo auchasisiri kutsvaka imweni njira. Mambo Jesu vane mazwi evakaronzazve. Tinoaerenga muna Johani yechisere ndima yegumi nemairi. Inoti, "Inini ndiri kujeka kwenyika; uwo. unonditeera aazohambi muchidima, asi unozoa nokujeka kwokupona". Isusu tichiri munyika muno hedu. Asi takatodzana naJesu panezveshe. Ndizvo mwetiri ndimwo mune njira yokubuda mumatambudziko. Mwetiri ndimwo mune njira inovheneka muchidima.

Atitombohambi muchidima. Atina chingativhiringa. Azviiti kuti tibude munjira. Asi dangani ungasazia zvokuita. Kumbira mumweya. Madziso ako anozobeurwa. Uchibva wozotungamirirwa. VaRoma yechisere ndima yegumi nechirongomuna inoti, "Ngokuti veshe vanotungamirirwa ndiMweya waMwari ava vana vaMwari". Ndizvo usangotora zvifumiso zveChitenderano cheKaretu. Tanga wazwa kuti Chitenderano Chitsva chinoti kudini ngepadera pazvo. Isusu taa muChitenderano Chitsva. Chitenderano ichi chakatsia chekaretu. Izvi ndizvo zvetinoziiswa muna vaHebheru yechisere ndima yegumi nechitatu. Hareruya!

Kumbira Weiti
Baba vendinoda. Ndinomubonga. Mwakandiita wedzinza raKristu. Ivo Kristu vaya vanoa Njira yakhona. Vanoa Gwinyiso rakhona. Vanoa Kupona kwakhona. Izwi renyu ndiro rendinoshandisa pakupona kwangu. Ndinoshandisawo mazano eMweya Wakachena pakupona kwangu. Azvichaiti kuti ndikoneswe kuona zvendinoda. Kristu vaa kugara mwendiri. Inini ndaa kugara mwevari. Ndizvo ndaa unopona mumweya. Mwari ngavakudzwe saMwari!

Dzimweni Ndima Dzinotsinhira Kufunda KwaNyamashi:
Johani 14 ndima 6
Zvakaitwa 9 ndima 2
VaRoma 8 ndima 14

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church