Unokona Kugara Uchitutsirwa Nyasha

Chipiri, 24 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Asi kurai munyasha nomukuzia Mambo wedu noMuponesi Jesu Kristu. Kwaari ngaugare uripo uthende zvino nemhera nariini. Ameni" (2 Petro 3 ndima 18).

Nyasha dzinosisira kuwanda mwetiri. Izvi ndizvo zvetinopangwa ngeBhaibheri. Rinotipangawo kuti tishandise nyasha idzi. Dzona nyasha dziya dziri muna Kristu Jesu. Iwewe une nyasha dzewaia nadzo gore rapera. Nyasha idzi dzakakudetsera hadzo. Asi chirekera kuramba wakangoema panyasha idzodzo. Tutsirwa dzimweni. Mwari vanoda kuti nyasha dzako dzitutsire. Nyasha idzi dzinokona kugara dzechitutsirwa. Asi dangani ungabvunza uchiti, "Chiinyi chendinosisira kuita kuti nditutsirwe nyasha?" Izwi raMwari rinotiziisa kuti dzingaitwa matutsirireyi.

Tsamba yaPetro yechipiri chitsauko chokutanga ndima yokutanga kuguma yechipiri inoti, "... Nyasha kwomuri nokunyarara ngazviwanzwe mukumuzia Mwari naJesu Mambo wedu". Ndizvo iwewe unosisira kututsira kuzwisisa Mwari. Unosisirawo kututsira kuzwisisa Jesu Mambo vedu. Nyasha dzinobva dzatutsirawo. Izwi raMwari ndiro rinokudetsera kuzwisisa Mwari.

Izwi rokuti kuzwisisa iri rinoturikirwa kubva kuizwi reChigiriki. Izwi reChigiriki rakhona rinoti, "epignosis". Izwi iri rinoronza kuzwisisa chiro. Unenge uri kuchizwisisa kuguma chaa mungazi yako. Ndiwo mazwisisiro ounosisira kuita Mwari. Zvisirizvo nyasha dzako adzingatutsiri. Ndizvo unosisira kugara uchifunda Izwi raMwari. Uchigara mipinimidzo yako iri paIzwi iri. Izwi rakhona rechigara riri mumipinimidzo yako. Uchigara uchiridzeya mumwoyo mwako. Unozogara uchitutsira kuzwisisa Mambo. Nyasha dzechitutsirawo mukupona kwako.

Unyanzvi hwako hunozotutsirawo. Masimba ako echitutsirawo. Pfuma yako ichitutsira. Uchizikanwa kweshe kweshe. Ndiyo ndaa techipangwa kuti tigare mipinimidzo yedu iri paIzwi raMwari. Tinoona izvi mutsamba yokutanga kuna Thimothi chitsauko chechirongomuna ndima yegumi nechishanu. Inoti, "Tsamwirira kuita zviro izvi, udzipire pachako kwezviri, kuti kubudirira kwako kuoneke kwavari veshe".

Mundima iyi mune mazwi anoti, "kubuda pachena". Mazwi aya anoturikirwa kubva kuizwi reChigiriki. Izwi reChigiriki rakhona rinoti, "phaneros". Izwi iri rinoronza kupararira. Rinoronza kuita mukurumbira. Kana kuzikanwa ngevanhu veshe. Ndizvo zvinoitikawo kana uchinge watutsirwa nyasha dzaMwari. Unyanzvi hwako hunozotutsira. Unozotanga kukona kuita mishando yakawanda. Pfuma yako inozotutsirawo. Ichizoonekwa ngevanhu veshe. Vanhu vanozokuremekedza. Mukurumbira wako unozokura. Hareruya!

Kumbira Weiti
Baba vendinoda. Ndinomubonga. Mwandionesa kuti ndingaita matutsirirenyi nyasha. Nyasha dzangu dzinotutsira. Ndinogara ndechitutsira kuzwisisa Mambo Jesu. Mweya wangu unotutsira kuzwisisa Izwi raMwari. Ndizvo unyanzvi hwangu hunotutsira. Ndinodakarirwa ngedenga. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Jakobe 4 ndima 6
2 Petro 1 ndima 2
VaKhorose 1 ndima 9 kuguma 10

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church