Wakabarwa Waa Mumwari

China, 26 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Ndizvo kudai munhu ari munaKristu, waa chisikwa chitsva; zviro zvekaretu zvapinda, wonai zvaitwa zvitsva" (2 VaKhorinte 5 ndima 17).

Dangani iwewe wakabarwa kechipiri. Izvi zvinoronza kuti wakanyikwa muna Kristu. Muna Kristu ndimwo mwewaa. Izvi ndizvo zvetinoziiswa ngeBhaibheri. Tinoerenga mazwi aro muna vaRoma yechitanhatu ndima yechitatu. Inoti, "Techizia kuti munhu wedu wekare wakakohomerwa pamwepo naye kuti muiri wokushaisha upere, kuti isusu tisachazoita varanda vokushaisha". VaGaratia yechitatu ndima yemakumi mairi nechinomwe inoti, "Ngokuti avo veshe pakati penyu vakabhabhatidzwa munaKristu, mwakamupfeka Kristu".

Kuronza kuti iwewe wakabarirwa muna Mwari. Wakabarwa waa Mumwari. Izvi ndizvo zvakaitika pewakabarwa kechipiri. Apapo pewakabarwa ngeMweya Wakachena. Vechishandisa Izwi raMwari. Wakatobuda uri muna Kristu. Ndiyo ndaa tsamba yechipiri kuna vaKhorinte chitsauko chechishanu ndima yegumi nechinomwe ichiti, "Ndizvo kana munhu ari munaKristu, waa chisikwa chitsva" munhu uyu unenge abarwa kechipiri. Saka unenge atsanduka dzinza. Unenge aa wedzinza raMwari. Unenge ava wengazi raMwari.

Saka vabereki vako ndivo vakatanga kukubara. Apa ndipo pewakauya uri wengazi yenyika ino. Asi wakazobarwa kechipiri. Mwari ndivo vaiya vari kukubara apa. Ndipo pewakauya waa wengazi yeVamwari. Kuronza kuti auchisiri wengazi yenyika ino. Waa wengazi yeVamwari. Izvi ndizvo zvetinofundiswa ngeBhaibheri. Unosisira kuzvizwisisa. Zvisirizvo auzokoni kurarama kupona kweVamwari. Ndiyo ndaa tsamba yaJohani yokutanga chitsauko chechishanu ndima yegumi nechitatu ichiti, "Ndanyora izvi zviro kwomuri imwimwi vanotenda muzina reMukororo waMwari, kuti muzie kuti manakwo kupona kusikaperi". Mweya Wakachena ndivo vakaronza mazwi aya. Vakashandisa Johani kuanyora.

Iwewe waa wengazi yaMwari. Mwari vanoda kuti uzwisise izvi. Matenda aakoni kugara muvanhu vengazi iyi. Ngazi iyi inouraya matenda. Vanhu vengazi iyi avakoni kuparadzwa. Avabatiri matenda. Avafi. Asi iwewe ungasazia izvi. Unozongopona somunhu wenyika ino. Unozongotambudzwa ngezviro zvinotambudza vasina Kristu.

Ndiyo ndaa uchisisira kuzwisisa zvinoronza kubarwa kechipiri. Munhu ungaa akabarwa kechipiri. Munhu uyu unenge atotsanduka dzinza. Unenge aa wengazi yaKristu. Unenge asikachafi. Unenge asisiri munhu wenyika ino. Unenge aa Mumwari. Mwari ngavafumiswe!

Kumbira Weiti
Baba vendinoda. Ndinomubonga. Mwandidetsera kuzwisisa kupona kusikaperi. Ukwokwo kune vanhu vengazi yeVamwari. Ivo vanhu vaya vari munaKristu Jesu. Ndaa kuzwisisa kuti mweya wangu waa wengazi yeVamwari. Waa wedzinza raMwari. Ndizvo matenda aachakoni kundibata. Chidima achichakoni kundinyisa. Ndinonyisa zveshe zvendinoshongana nazvo. Ndechirarama kupona kweVamwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johani 3 ndima 6
1 Johani 5 ndima 11 kuguma 12
VaRoma 6 ndima 4

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church