Kudakarira Vanhu Ndikwo Kwakakosha

Chishanu, 27 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Asi itai vaiti veizwi, haiwa vanozwa kwega mwechidzichengedzera" (Jakobe 1 ndima 22).

Umweni munhu wakambondinyorera tsamba. Vanhu vaimuti waidada. Ndizvo waida kuzia kuti odusa kudada uku sei. Waida kuti Mwari vamudetsere. Chishuwo chomunhu uyu chaiya chakanaka yaamho. Waia neshungu dzokutsandura kupona kwake. Izvozvo zvega zvinokudzwa yaamho. Zvaitokona kumudetsera kudusa kudada uku.

Iwewe ungaa nezvounodawo kutsandura mukupona kwako. Unosisira kua Izwi raMwari. Izwi raMwari rinotsanangura zvewaa. Tsvaka kua zvinoronzwa ngeIzwi raMwari izvi. Izvi ndizvo zvetaerenga mundima yetabeura nayo. Ndizvowo zvinodiwa kuti uduse kudada mwouri. VaEfesu yechishanu ndima yokutanga kuguma yechipiri inoti, "Ndizvo itai vaedzereri vaMwari, kudai ngevana vanodikanwa. Muhambe murudo ...". Ndizvo unosisira kudakarira vanhu. Izvozvo ndizvo zvinodusa kudada.

VaGaratia yechishanu ndima yemakumi mairi nemairi kuguma makumi mairi nechitatu inozoti, "Asi michero yoMweya rudo, kudakara, kunyarara, kusengerera, nyasha, kunaka, kugondeka, kupfaa, kudzibata. Akuna mupango unorwisana nezvakadai". Zviro izvi ndizvo zvaa mwouri. Kuronza kuti waa kukona kudakarira vanhu.

Mweya yevanhu venyika ino ine zvayowo. Chimweni chakhona kudada. Izvi ndizvo zvetinoziiswa muna vaGaratia yechishanu ndima yegumi nepfumbamwe kuguma makumi mairi naimwe. Iwewe tsanangura kudzipfaisa. Tsanangura kugara wakadakara. Tsanangura kunyarara. Tsanangura kua nemwoyo murefu. Tsanangura kua munyoro. Tsanangura kua munhu akanaka. Tsanangura kua munhu akagondeka. Tsanangura kukona kuzvidzora. Simba rekuita zviro izvi rinotoa mumweya mwako. Zvijaidze kudakarira vanhu. Unenge uri kutozvijaidza kushandisa simba iri. Gara uchironza weiti, "Inini ndinodakarira vanhu". Tsanangura kupona ngenjira iyi. Mwari vanozoonekwa mukupona kwako. Vanoonekwamwo ngokuti Mwari vanodakarira vanhu. Uyezve kudakarira vanhu kunoita kuti unyise.

Kumbira Weiti
Baba vendinoda. Ndinomubonga. Izwi renyu rinochenesa mwoyo wangu. Rinouvandudza. Rudo rwenyu runoonekwa pendiri. Ndinodzipfaisa. Ndiri munyoro. Ndinodakarira vanhu. Runako rwaKristu runoonekwa mumazwi angu. Runozwikwa mumazwi angu. Runoonekwa mumapinimidziro angu. Runoonekwa muzviro zvendinoita. Ndizvo mweya wangu audadi. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaGaratia 5 ndima 22 kuguma 23
VaEfesu 4 ndima 2
1 VaKhorinte 13 ndima 4 kuguma 5 MSG

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church