Atiereketi SeVanhu VoMuNyika Muno

China, 19 Gunyana 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Asi kudai ngezvetinawo Mweya umwewo wokugonda, kudai ngezvakanyorwa kuti, Ndakatenda, ndizvo ndakaereketa, nesuwo tinotenda, ndizvo tinoereketa (2 VaKhorinte 4 ndima 13).

Phauri une mazwi aakamboereketa. Waiya ari kuereketa kune amweni Makristu. Makristu aya aiya ari epaKhorinte. Phauri waiti Makristu aya aipona sevanhu vomunyika muno. Izvi ndizvo zvetinoona muna 1 VaKhorinte 3 ndima 1 kuguma 3. Makristu aya aiereketa sevanhu vomunyika muno. Ndiyo ndaa Phauri wakati vaipona sevanhu vomunyika muno. Iwewe ungaa mwana waMwari. Une pfuma yewakapuwa ndiMwari. Pfuma iyi iri muVhangeri. Ndizvo unosisira kuereketa somunhu ane pfuma iyi. Unosisira kua netsika yenyika yedu. Yona nyika iya iri mudenga.

Asi kune vanhu vomunyika muno. Vanhu ava vanoereketa zviro zvomunyika muno. Vanoereketa sevanhu vanotya. Vanoereketa sevanhu vasikagondi ndiMwari. Asi isusu atiereketi ngenjirayo. Tinoereketa sevanhu vanogonda ndiMwari. Takaashira Izwi raMwari. Ndiyo ndaa techirironza. Mwari ngavakudzwe saMwari. Izwi raMwari ndiro gwinyiso. Ndiro rinoronza zviripo zvemene. Saka iwewe ungaronza Izwi raMwari. Izwi iri ringaa riri kuronza ngepadera pechimweni chiro. Zverinoronza izvi ndizvo zvemene zvinenge zviri chirocho.

Soro rako ringaa riri kupanda. Kana kuti ungaa uri kurwadziwa mumuiri mwako. Usaereketa weiti, Ndine soro rinopanda. Kana kuti, Ndine chirwere chengazi. Usaereketa weidaro. Dzinga marwadzo aya. Woereketa weiti, Inini ndiri munhu wengazi yeVamwari. Ndizvo ndinogara ndiri mutano. Ndakagwinya. Mweya Wakachena vaa kugara mumuiri wangu. Saka akuna chirwere chingagara mumuiri mwangu.

Unenge uri kutoronza gwinyiso kana uchidaro. Unenge uri kuronza zvounazvo zvemene. Zvona zviya zvewakawana munaKristu. Mwari avazi kukupa zvirwere. Avazi kukupa marwadzo. Avazi kukupa urombo. Avazi kukupa utera. Avazi kukupa rufu. Ndizvo usaereketa somunhu ane zviro izvi. Ronza zvewakapuwa ndiMwari. Izvi ndizvo zvetinooneswa muna 1 VaKhorinte 2 ndima 12 kuguma 13. Ndima iyi inoti, Zvino atizi kuashira mweya wenyika, asi Mweya unobva kunaMwari kuti tizwisise zvipo zvakapuwa kwetiri ndiMwari. Tinoereketa ngezviro izvi ngemazwi, haiwa akadzidziswa ngoungwaru hwevanhu, asi ngemazwi akadzidziswa ndiMweya, mukududzira gwinyiso roMweya kwavari voMweya.

Isusu takapuwa Mweya Wakachena. Mweya Wakachena ava vanotidetsera. Ndivo vanoita kuti tizie zvetakapuwa ndiMwari. Ndivo vanoita kuti tizwisise zviro izvi. Mwari vakangotipa zviro izvi. Avazi kutibhadharisa. Zviro izvi ndizvo zvounosisira kuronza. Saka zvewakapuwa ndiMwari zvakhona ngezviri? Wakaitwa wengazi yaMwari. Izvi ndizvo zvetinoona muna 1 Johani 5 ndima 11 kuguma 12. Wakapuwa mazano avo. Wakapuwa kururama kwavo. Wakapuwa Umwari hwavo. Wakapuwa rudzikinuro rwavo. Izvi ndizvo zvetinoona muna 1 VaKhorinte 1 ndima 30. Mwari vakakupa zvinodiwa pakupona kuno. Nezvinodikanwa mumweya. Vakakupa zviro izvi ZVESHE. Izvi ndizvo zvetinoziiswa muna 2 Petro 1 ndima 3.

Zviro izvi ndizvo zvounosisira kuronza. Waa muna Kristu. Wakatsanduka dzinza. Ndizvo gara uchironza dzinza rako. Gara uchironza pfuma yewaa nayo. Gara uchironza zvewaa kukona kuita. Ereketa somunhu anogonda ndiMwari. Ereketa somunhu ane simba. Hareruya!

Pupura Weiti
Mweya Wakachena vakarovedzera rurimi rwangu. Ndaa kukona kuereketa mutauro womunyika yaMwari. Ndinoereketa zvinoenderana neIzwi raMwari. Ndinoereketa somunhu ane masimba eshe. Ndinoereketa zvendakapuwa ndiKristu zvega. Zviro izvi zviri muVhangeri. Ngezvomunyika yedu yomudenga. Ameni.

Dzimweni Ndima Dzinotsinhira Kufunda KwaNyamashi:
1 VaKorinte 3 ndima 1 kusvika 3
VaRoma 8 ndima 6
1 VaKorinte 2 ndima 12 kusvika 13 NKJV

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufudzi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church