Kasira Kudaira KuIzwi Ravo

Soto, 19 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Musakonzesa mwoyo yenyu kudai ngenguwa yokumukirana, kudai ngezuwa rokuedzwa mushango (VaHebheru 3 ndima 8).

Iwewe unosisira kuaka ukama neMweya Wakachena. Ukama hwakhona hunosisira kunge hwakagwinya yaamho. Ndikwo kuti mweya wako ukure. Mweya Wakachena vaa kugara mwouri. Ndivo vanokuonesa gwinyiso remene. Unosisira kuzia izwi ravo. Unosisirawo kukona kuita zvevanokupanga. Izvozvo zvinozotsandura kupona kwako. Zvechizokudetsera kurarama kupona kwemene kwevakakurongera. Kwona kupona kuya kweVamwari.

Dangani waiya uri kuereketa noumweni munhu. Asi Mweya Wakachena vozoereketa kwouri. Vechiti, Waiya uri kuereketesa nyamashi iwewe. Waiya usikasisiri kuronza zveshe zvewaronzazvo. Iwewe usatama shungu neizwi rakadaro. Usangopinimidza kuti inongoa mipinimidzo yako inenge iri kuronza kudaro. Ashira mazwi aya. Maashire ngemwoyo weshe. Uzovabonga. Unenge uri kutokurudzira Mweya Wakachena kuti vagare vechikutsiura saizvozvo. Vechishanda mukupona kwako.

Asi vamweni avateereri izwi iri. Ngokudaro vanogumisira vapinda mungozi. Asi ivo vanoshuwira kukudetsera. Avadi kuti upinde mungozi. Izvi ndizvo zvetinoona muna Isaya yemakumi matatu ndima yemakumi mairi naimwe. Ndima iyi inoti, Naapo munokunukukira kumuryo nokuti kumuoshwe nzee dzenyu dzinozozwa izwi ngesure kwenyu rechiti, Iyi ndiyo njira, hambai ndiyo. Izwi iri raa kuereketa riri mukati mwako.

Ndizvo iwewe ungazwa izwi ravo. Ringaa riri kukuronzera zvokuita. Kana kuti rechikuronzera zvokusaita. Unosisira kubva wariashira. Woita zverinenge riri kuronza. Zvifundise kuzwa izwi ravo. Uzvifundisewo kuita zverinopanga. Mweya Wakachena vanoshandisa Izwi raMwari kukupanga. Vanongoronza zviri muIzwi raMwari. Ndizvo izwi ravo arinesi kuzwa.

Asi vamweni avateereri izwi iri. Avana shungu naro. Ndizvo kupona kwavo akuvandudziki. Uyezve avabudiriri pazviro zvavo. Mweya yavo aikuri. Kupona kwavo kunoramba kuchingoa pandau imweyo. Iwewe unosisira kuteerera zvinoronza Mweya Wakachena. Unosisira kukona kuzvikoshesa. Ndizvo zvinoonesa kuti mweya wako wakura.

Kune Vakacheneswa vabva zera. Vakacheneswa ava vanokasira kudzorwa ngeMweya Wakachena. Vanokoshesa Mweya Wakachena. Vanotsvaka kutungamirirwa ndivo nguwa dzeshe. Vanozia kuti izvi ndizvo zvinoita kuti vakone kurarama kupona kweVamwari ngomwazvo. Mweya yavo ichizokura. Ndizvo kasira kuashira zvinoronza Mweya Wakachena. Zviashire wakadzipfaisa. Hareruya!

Kumbira Weiti
Baba vendinoda. Ndinomubonga. Mwakandipa mwoyo unodaira kuIzwi renyu. Uchidairazve kuizwi renyu. Ndinotungamirirwa ngeMweya Wakachena. Ngokudaro ndinorarama kupona kunokudakadzai. Ukwokwo kwemwakandirongera imwimwi. Mwoyo wangu wakadzara mazano enyu. Ndinohambirana naMweya Wakachena. Ndizvo vanhu vanoona rudo rwenyu mwendiri. Mweya wangu uchiaruka. Nyasha dzechitutsira mwendiri. Ndechirarama kupona kunokudakadzai. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 8 ndima 14
Johane 16 ndima 13
Mapisarema 95 ndima 7 kusvika 8

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church