Phendula Masinya KuLizwi Lakhe

Sunday, 19 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

lingazenzi zibe lukhuni inhliziyo zenu, njengelakwenza ekuhlamukeni, ngesikhathi sokulingwa enkangala, (AmaHebheru? ?3?:?8?.)????????

Ukudala ubudlelwano obujulileyo lobugxilileyo loMoya oNgcwele kuyinto eqakathekileyo ekukhuleni kwakho kwezomoya. UMoya oNgcwele uhlala kuwe; uyakuhola njalo akukhokhelele kulo lonke iqiniso. Ukunanzelela iLizwi lakhe lokusukumela phezulu kuyantshintsha uhambo lwakho laye njalo kukusize ukuba ufeze injongo Yakhe yempilo yakho ngenkazimulo.

Mhawumbe ubuphumile ukhuluma lomunye umuntu, besekuthi ngemva kwalokho, uMoya oNgcwele athi, Ubukhuluma kakhulu namuhla, benkungamelanga utsho izinto ozikhulumileyo. Ungakutshayi indiva lokhu ucabanga ukuthi, aah ngabona yingqondo yakho nje. Kuthathe ngokuqakatheka ukuqondiswa lokhu, lanxa kukhanya kuyinto encane nje, bese umbonga ngokukuqondisa akwenzileyo. Ngaleyondlela, uyawukhuthaza umsebenzi wakhe empilweni yakho.

Abanye bawutshaya indiva lapho uMoya ebafuqa lokhu kubenze bawele engozini ekucineni. Kodwa isifiso sakhe siyikukusiza ukuba uzibe yonke ingozi engabe ikulindele phambili. U-Isaya 30:21 (NIV), Lapho liphambukela ngakwesokunene langakwesokhohlo, indlebe zenu zizakuzwa ilizwi ngemva kwenu lisithi: Nansi indlela, hambani ngayo. Lamhlanje leliliZwi alikho emva kwakho, kodwa liphakathi kwakho.

Uma ungezwa iLizwi lakhe ngaphakathi kwakho likutshela ukuthi yenza okuthile kumbe ungenzi okuthile, sukuma wenze masinya. Zifundise ukulizwa njalo lokusukuma wenze okutshiwo yilizwi Lakhe. Kulula ukulazi iLizwi lakhe ngoba ukuhola akukhokhele ngokuqondene leLizwi Lakhe. Konke akutshela khona kuqondene leLizwi lakhe.

Okudanisayo, yikuthi abanye bayaqhubeka bephikisana njalo bengalinaki ilizwi Lakhe. Umphumela walokho yikuma ndawoyinye lokwehluleka. Inyanga ziyalandelana, beme ndawonye, kungelanto ehambayo; bengelakukhula futhi kuhambo lwabo lomoya. Ukukhula kwezomoya kubonakala ngendlela ophangisa okunanzelela kumbe ukuzwa iLizwi likaMoya oNgcwele.

AmaKhristu avuthiweyo ayaphangisa ukuzwa lapho uMoya ebaqondisa kumbe ebeluleka. Basuka sebezwisisa ukuba ukuqondisa ukukaMoya kuqakatheke kangakanani empilweni yesiKhristu kanye lasekukhuleni kwezomoya. Ngakho-ke, baphangisa balandele iziqondiso lelizwi lakhe ngokuzithoba. Halleluya!
Umkhuleko
Baba othandekayo, ngiyabonga inhliziyo ezwayo aMazwi akho lelizwi lakho. Ngokuqondiswa langokufuqwa nguMoya oNgcwele, ngiphila impilo enhle njalo ekujabulisayo lapho ngifeza injongo yami kuKhristu. Inhlakanipho yakho igcwele enhliziyweni yami, njalo uthando lwakho luyageleza kalula kimi lapho ngihamba ngiqondene loMoya, ngikhula emuseni kanye lakuhloso, ngaGama likaJesu. Ameni.

Qhubeka Ngembhalo
Romans 8:14
John 16:13
Psalms 95:7-8

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church