Zvetinoita Techidira Mwari

Chipiri, 21 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Mwari ndiMweya, naavo vanomudira vanosisira kuti vamudire muMweya nomugwinyiso (Johani 4 ndima 24).

Mwari mweya. Vanomudira vanosisira kuti vamudire muMweya. Vanosisirawo kuvadira mugwinyiso. Izvi ndizvo zvinoronza Bhaibheri. Asi pane zviro zvounosisira kuita kumusa mweya wako. Izvi zviro zvounosisira kuonekwa uchiita.

Chimweni chakhona kugwadama. Kugwadama kunoita kuti mweya wako umuke. Upinde pakudira. Ndiyo ndaa Mwari vakapanga kuti ugwadame. Nduyo yemakumi mapfumbamwe nechishanu ndima yechitanhatu inoti, A uyai, tidire, tigwadame; ngatigwadame pamberi paMambo Mwari, muiti wedu.

Dhanieri waigwadamawo pakudira. Tinoona izvi muna Dhanieri yechitanhatu ndima yegumi. Inoti, Kunyazwi Dhanieri azia kuti zvakanyorwa zvakaiswa zina, wakaangira kupotera mumhatso mwake, wakagwadama ngemabvi ake katatu ngezuwa kukumbira kunaMwari wake nokumukudza, kudai ngezvaaiita nguwa dzeshe. Mambo Jesu vaigwadamawo pakudira. Izvi ndizvo zvetinoona muna Ruka yemakumi mairi nemairi ndima yemakumi marongomuna naimwe. Inoti, Naye wakasiyana navo nharauko inoda kudai ngeekuposhera buwe, wakagwadama pashi, akakumbira.

Mweya yedu inomuswawo petinomirudza nyara techidira. Techikudza Mwari. Techivairikidza. Kugwadama uku nokumirudza nyara dzedu uku. Kunodusa mipinimidzo yedu pazviro zvomunyika muno. Kuchiiisa pazviro zvemweya. Tinozviita senjira yokukudza Mwari. Techivaemura. Techivadira. Tsamba yokutanga kuna Thimothi chitsauko chechipiri ndima yechisere inoti, Ndizvo ndinoda kuti vamuna vakumbire kundau dzeshe, vechimirudza mudenga nyara dzakacheneswa pasina ushungu nehasha.

Mambo Soromoni vakambomirudzawo nyara dzavo. Apa vaiya vari kukumikidza mhatso yaMwari. Tinoerenga izvi mubhuku rokutanga reMadzimambo chitsauko chechisere ndima yemakumi mashanu nerongomuna. Inoti, Zvino apo Soromoni apedza kukumbira weshe uyu mukumbiro, nokupota kweshe kuna Mambo Mwari, wakamiruka kubva pamberi pearita raMambo Mwari, paaiya akagwadama ngemabvi ake, nenyara dzake dzakatambanudzirwa mudenga. Ndizvo kugwadama techikumbira kwakakosha. Kune zvokunoita kumweya yedu. Kumirudzawo nyara techikumbira kwakakosha. Kune zvokunoita kumweya yedu.

Usatama shungu netsika idzi. Dzikoshese. Dzinokudetsera kudusa madziso ako pazviro zvomunyika muno. Kuchiisa madziso ako pazviro zvemweya. Dzinokudetsera kumusa mweya wako. Zvechikukurudzira kudzamisa ukama hwako naMambo. Karakadza mazwi omunyori weNduyo. Tinoaerenga muna Nduyo yezana nemakumi marongomuna naimwe ndima yechipiri. Inoti, Mukumbiro wangu ngauzwike pamberi pako kudai ngomutombo wokupisha. Kumirudzwa kwenyara dzangu ngakudai ngomubairo wemadeekoni. Hareruya!

Kumbira Weiti
Baba vendinoda. Ndinomubonga. Mwandifundisa kudira mumweya nomugwinyiso. Ndinopa muiri wangu somudziyo wokururama. Ndechiita kuti uhambirane nemweya wangu pakudira. Nepakukuirikidzai. Ndinomirudza nyara dzangu. Ndechigwadama mabvi angu. Ngokudaro mweya wangu unomuswa. Uchikurudzirwa kuryisana nemwi zvakadzama. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 12 ndima 1
Ruka 24 kusvika 50
1 Timoti 2 ndima 8

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church