Amazwi Angcwele Okumkhonza

Tuesday, 21 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

UNkulunkulu unguMoya, labo abamkhonzayo kumele bamkhonze ngomoya langeqiniso (Johane 4:24).

UNkulunkulu unguMoya, futhi iBhayibheli lithi labo abamkhonzayo kumele bamkhonze ngomoya langeqiniso. Kodwa-ke, zikhona izinto ezithile ozenzayo ngomzimba ezikusiza ukuthi uvuse umoya wakho.

Isibonelo, nxa uguqa ngabomu uthandaza, kwenza umoya wakho usebenze ngokuphangisa ukuze uthandaze. Kungakho Akutshela ukuthi ukwenze, ngoba masinyane, uyasuswa esimeni sakho sengqondo ungene esimeni somoya, ugcwalisa imBhalo. AmaHubo 95:6 athi, Wozani, kasikhothame simkhonze, kasiguqe phambi kukaThixo uMenzi wethu.

UDanyeli laye waguqa ekhuleka: Kwathi uDanyeli esezwile ukuthi umthetho wawusukhutshiwe, waya ekhaya endlini yakhe Kathathu ngelanga wayezilahla phansi ngamadolo akhuleke (Daniyeli 6:10). Ngitsho leNkosi uJesu yaguqa phansi yakhuleka: Watsheda kubo okwebanga lokuphosa ilitshe, waguqa phansi wakhuleka wathi, (Luka 22:41).

Kwenzakala okufananayo lapho uphakamisa izandla zakho ngokuthandaza, ukudumisa, ukudumisa, lokumkhonza uJehova. Lezi zenzo zenyama ziyakudonsa usuka kowemvelo uye kokamoya. Ziyizindlela ezingcwele zokubonisa inhlonipho, ukudumisa lokukhonza iNkosi. IBhayibhili lithi, Ngakho ngifuna amadoda ezindaweni zonke aphakamise izandla zawo ezingcwele ekhuleka kungela kuthukuthela kumbe ukuphikisana. (1 Thimothi 2:8).

Inkosi uSolomoni yaphakamisa izandla zayo lapho inikela ithempeli: Kwathi uSolomoni eseqedile imikhuleko lezikhalazo kuThixo, waphakama wema phambi kwe alithari likathixo, lapho ayekade eguqe khona ephakamisele izandla zakhe ezulwini. (1 AmaKhosi 8:54). Lezi izibonelo zisitshengisa ukuqakatheka kanylobumoya bezenzo ezithile zenhlonipho, lobanje zingokwenyama.

Ungalokothi uthathe lezi zimo zomoya kalula. Zisiza ekusisuseni ekugxileni ekuphazamisekeni kwenyama uye ezintweni ezinguqobo zoMoya. Zisisiza ukuthi uxhumane lomoya wakho, futhi unyakaze njalo uvuselwe ekuhlanganyeleni okujulileyo leNkosi. Khumbula amazwi omhubi: Sengathi umkhuleko wami ungema phambi kwakho njengempepha; kuthi ukuphakama kwezandla zami kube njengomhlatshelo wakusihlwa (AmaHubo 141:2). Haleluya!

Umkhuleko
Baba othandekayo, ngiyabonga ngokungifundisa ukukhuleka kuwe ngomoya langeqiniso. Nginikela umzimba wami njengelunga lokulunga, ngiwuqondanise lomoya wami ekukhulekeleni, emthandazweni, lasekukhonzeni. Njengoba ngiphakamisa izandla zami futhi ngiguqa, umoya wami uyanyakaza futhi uvuselelwe ekuhlanganyeleni okujulileyo lawe, eGameni likaJesu. Amen.

Qhubeka Ngembhalo
Romans 12:1
Luke 24:50
1 Timothy 2:8

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church