Takarairwa Kutanga Takumbira Tozotora

Chipiri, 22 Gumiguru 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Vasati vakumbira ndinozopingura; vasati vaereketa, ndinozozwa (Isaya 65 ndima 24).

Mwari vanotozia zviri mumwoyo mwako. Vanozia zviri mumipinimidzo yako. Vanozia zvouri kupinimidza. Vanoziawo zvichauya mangwani. Ivo avatomboemeri kuti utange wakumbira. Vanenge vatozia zveshe. Izvi ndizvo zvakaronzwa ndiMambo Jesu. Tinoerenga mazwi avo munaMateu 6 ndima 8. Inoti, Baba enyu unozia izvo zvomunotama musati mwakumbira kwaari. Saka ngendaa yeyi techisisira kukumbira? Kukumbira mupango. Mupango wepamweya. Mwari ndivo vakaisa mupango uwowo. Tinenge tiri kutoaraidzana navo techikumbira kudaro.

Munyika yemweya mune mipango yamwo. Mipango iyi aikoni kutsandurwa. Umweni wakhona ngounotirambidza kuhamba mumhepo. Mwari ndivo vakaronga kuti tihambe pavhu. Vakangotsanangura vega kudaro. Azvikudetseri kuswera uchikakavadzana navo. Ndizvo zvakaitawo kukumbira. Tinosisira kukumbira. Mwari ndivo vakaisa mupango uwowo.

Ivo vakati vanhu vanosisira kugara vechikumbira. Avasisiri kuremba. Vakaronza izvi muna Ruka 18 ndima 1. Mwari vakatipanga kuti tifunde Izwi ravo. Ndizvo tinofunda Izwi ravo. Vakatipanga kuti tishandise Izwi ravo pakupona kwedu. Ndizvo Izwi iri ndiro retinoshandisa pakupona. Mwari vane zviro zvevakatema. Zviro izvi azvina angatsandura. Isusu tinosisira kushandisa Izwi ravo iri pakupona kwedu. Ndikwo kuti tiwane zvifumiso zvavo.

Hino Mwari vakatipanga kuti tikumbire. Atichasisiri kuereketa techiti, Mambo. Imwimwi munozia henyu zviri muhana mwangu. Saka andichazvironzi. Imwimwi munozvizia. Izvozvo azvisirizvo zvetakapangwa. Ruka 11 ndima 9 inoti, Kumbirai, kunozopuwa kwomuri; tsvakai, unozoona, nouwo unodododza unozobeurirwa. Asi avazi kugumira apapo. Ndima yegumi yakhona inoti, Ngokuti munhu weshe unokumbira unozoashira, nouwo unotsvaka unozoona, nouwo unodododza unozobeurirwa..

Mwari avazi kuti, Munhu weshe unongopinimidzira mumwoyo ndiye uchapuwa. Haiwa. Ivo vakati, Kumbira. Uzopuwa. Saka izvi ndizvo zvetinosisira kuita. Tinoonawo izvi muChitenderano cheKaretu. Mwari vane zvevaiya vagondesa vana vaIsuraeri. Tinoona zviro zvakhona muna Ezekieri 36 ndima 21 kuguma 36. Asi vaIsuraeri ava vaiya vakasisira kuzokumbira Mwari zviro izvi. Izvi ndizvo zvetinoona muna Ezekieri 36 ndima 37. Inoti, Ndinozotendera mhatso yaIsuraeri, kuti ndivaitire ichi, kuvawanza kudai ngezvifuyo.

Tinobonga Mwari. Ndivo vakaronga kuti tikone kukumbira. Techiita kuti zvinovadakadza zviitwe mukupona kwedu. Techiita kuti zvevanoda zviitike munyika muno. Nomukupona kwevanhu. Mwari ngavakudzwe!

Kumbira Weiti
Baba vendinoda. Ndinomubonga. Ndimwi mwakaronga kuti ndikone kukumbira kwomuri. Ngokudaro ndinoshanda pamwepo nemwi. Techiita kuti zvomunoda imwimwi zviitike munyika muno. Ndinoshandisa Izwi renyu pakupona kwangu. Ngokudaro simba renyu rinoonekwa pakupona kwangu. Mikumbiro yangu iyi inoshanda yaemho. Inini ndinodakadzwa ndizvo. Muzina raJesu. Ameni.

Dzimweni Ndima Dzinotsinhira Chidzidzo ChaNhasi
Matiyo 7 ndima 7 kusvika 11
Jeremiya 33 ndima 3
Ezekieri 36 ndima 21 kusvika 37

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church