Mazwi Ako Ndiwe

Chitatu, 22 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Munhu wakanaka kubva paupfumi hwakanaka hwemumwoyo mwake unobudisa icho chakanaka, nomunhu wakashata kubva paupfumi hwakashata hwemumwoyo wake unobudisa icho chakashata; ngokuti muromo unoereketa kubva kunezvakawanda zviri mumwoyo (Ruka 6 ndima 45).

Mazwi ako ndiwe. Ndiwo anobudisa zvouri zvemene. Kukona kuronza mazwi chipo. Ndicho chipo chinopinda zvimweni zvipo zveshe. Iwewe ausiyani nemazwi ounoronza. Ndizvo mweya wako ungaa wakanakisisa. Mazwi ako anozoa akanakisisawo.

Izvi ndizvo zvakagwinyiswa ndiMambo Jesu. Tinoona izvi muna Mateu yegumi nemairi ndima yemakumi matatu nenhatu kuguma makumi matatu nechishanu. Inoti, Mwechiita kuti muti unake nemichero yawo inake. Nokuti muite kuti muti ushate nemichero yawo ishate. Ngokuti muti unoziikanwa ngemichero yawo. Ngokuti muromo unoereketa kubva kunezvakawanda zviri mumwoyo. Munhu wakanaka kubva kuupfumi hwakanaka hwomwoyo wake wakanaka unobudisa zvakanaka. Nomunhu wakashata kubva kuupfumi hwakashata unobudisa zvakashata. Mambo ndivo vakaereketa mazwi aya. Nasa kumaongorora. Mazwi ako anobva mumwoyo mwako. Mwoyo uyu ndiwo mweya wako. Mweya uyu ndiye iwewe wakhona.

Mazwi Akangwara yemakumi mairi nechitatu ndima yechinomwe inoti, Nokuti sezvaanofunga mumwoyo make, ndozvaakaita. Zviri mumipinimidzo yako ndizvo zvouri zvemene. Mazwi ndiwo anobudisa izvo zviri mumipinimidzo yako. Mazwi aya ndiwo akakurongera kupona kwounakwo nyamashi. Ndiwozve ari kuronga zvichange zvakaita kupona kwako munguwa inoteera. Ndiyo ndaa mazwi akakosha.

Kumbira Weiti
Baba vakarurama. Ndinomubonga. Mwakandipa chipo chokuronza mazwi. Nyasha dzenyu dzinoonekwa mumazwi angu. Mazwi aya anobuda mupfuma yenyika yaMwari. Iyo iya iri mumwoyo mwangu. Ndizvo ndinongoereketa mazano aMwari. Ndinoereketa zviro zvakanakisisa. Ndinoereketa zviro zvakachena. Ndinoronze gwinyiso. Kururama kwenyu kunoonekwa mumazwi angu. Ndiwo anoronga kupona kwangu kweVamwari. Ukwokwo kwemwakandirongera kuti ndipone. Ameni.

Dzimweni Ndima Dzinotsinhira Kufunda KwaNyamashi:
Zvirevo 16 ndima 23 kusvika 24 (NIV)
Mateo 12 ndima 33 kusvika 35 (NIV)
Vakorose 4 ndima 6 (KJV)

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church