Amazwi Akho Anguwe

Wednesday, 22 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Umuntu olungileyo uveza izinto ezinhle eziphuma kokuhle okugcinwe enhliziyweni yakhe, njalo lomuntu omubi uphihliza ububi obugcinwe enhliziyweni yakhe. Ngoba umlomo ukhuluma lokho okuphuphuma enhliziyweni. (ULukha 6:45).

Ubusazi na ukuthi ingxenye enhle kakhulu yobuntu bakho ngamazwi akho? Isipho esikhulu kulazo zonke esisiphiwe nguNkulunkulu ngokwemvelo yikwenelisa ukukhuluma. Lokho kungenxa yokuthi amazwi akho angumuntu wakho; amazwi akho nguwe. Isimilo samazwi akho yisimilo sobuntu bakho. Awehlukananga lamazwi akho. Uma umoya wakho umuhle, amazwi akho azakuba njalo.

Ekugcizeleleni lokhu, iNkosi uJesu yathi, Ungenza isihlahla sibe sihle lezithelo zaso zizakuba zinhle loba ungenza isihlahla sibe sibi lezithelo zaso zizakuba zimbi ngoba isihlahla saziwa ngezithelo zasoNgoba lokho okusenhliziyweni yikho umlomo okukhulumayo. Umuntu olungileyo uveza izinto ezinhle azigcine ngaphakathi kwakhe njalo lomuntu omubi ukhihliza izinto ezimbi azigcine ngaphakathi kwakhe. (uMatewu 12:33-35). Qaphela ukuthi iNkosi yathini; amazwi aphuma kuwe asuka enhliziyweni yakho, aphuma emoyeni wakho. Futhi umoya wakho
unguwe uqobo.

Izaga 23:7 zithi njengoba ecabanga enhliziyweni yakhe unjalo. Ngamanye amazwi, awehlukananga lemicabango yakho futhi amazwi ayimicabango egqokiswe inlimi. Ngakho-ke, impilo yakho njengoba injalo namuhla ingumfanekiso walokho okwadalwa ngamazwi akho ezinyangeni noma eminyakeni edlulileyo. Futhi impilo yakho ezinyangeni ezimbalwa ezizayo noma iminyaka yilokho okudalayo manje ngamazwi akho. Aqakatheke kanjalo amazwi.

Umkhuleko
Baba Olungileyo, ngiyabonga ngesipho sokukhuluma kanye lokwanelisa ukubonisa umusa wakho ngamazwi ami. Amazwi ami agcwele ukuhlakanipha lapho ephuma enothweni yoMbuso wakho enhliziyweni yami. Ngikhuluma ubuhle, ubumsulwa, kanye leqiniso. Amazwi ami aveza ukulunga kwakho, abumba impilo yami ekhazimulayo lesiphetho kuwe. Amen.

Qhubeka Ngembhalo
Izaga 16:23 (NIV
Matthew 12:33-35 NIV
AbaseKholose 4:6 (KJV)

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church