Shandisa Izwi RaMwari Pakupona Kwako

China, 23 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ndizvo, vanodikanwa vangu, kudai ngezvemwakandipurutana ngenguwa dzeshe. Shandirai ruponeso rwenyu mukutya nomukuhuta (VaFiripi 2 ndima 12).

Iwewe ungaa wakabarwa kechipiri. Izvozvo azvironzi kuti unobva watorarama kupona kweVamwari. Azvironzi kuti unobva watowana zveshe zvinowanikwa ngeVamwari. Zviro azvizongonaki zvega. Iwewe ndiwe unosisira kuita kuti zvinake. Unosisira kushanda. Uchitsvaka kuti zvinyase kuoneka kuti wakaponeswa. Kuronza kuti unosisira kupona somunhu anogonda ndiMwari. Unosisira kufundira kushandisa Izwi raMwari pakupona kwako.

Munhu unosisira kua Izwi raMwari. Munhu wakadaro ndiye unowana zvifumiso zveVhangeri. Izvi ndizvo zvetinoona muna Jakobe yokutanga ndima yemakumi mairi nembiri kuguma makumi mairi nechishanu. Inoti, Asi itai vaiti veIzwi, haiwa vanozwa kwega mwechidzichengedzera. Asi uwo unoringira mupango wakaperera wokusunhurika echiangira kudaro, asikaiti unozwa echiriyarwa, asi muiti womushando, uyu munhu unozofumiswa muzviito zvake.

Iwewe wakatsanduka dzinza. Vanhu vedzinza rako vane masimba anopinda aSathani. Vanonyisa matenda. Ngevengazi yeVamwari. Iwewe waa munhu wedzinza raMwari. Izvi ndizvo zvetinoziiswa mutsamba yechipiri yaPetro chitsauko chokutanga ndima yechirongomuna. Inoti, Ndizvo wakatipa isusu, kubudikidza ngeizvi zviro, zvigondiso zvake zvakakura nezvino mutengo mukuru, kuti kubudikidza ngeizvi mungaita vanosisira chiemo chouMwari, mwapokonyoka kubva mukuora kwokuemura kuri munyika. Iwewe wakabarwa ndiMwari. Izvi ndizvo zvetinoziiswa mutsamba yokutanga yaJohani chitsauko chechirongomuna ndima yechirongomuna. Inoti, Vana vadoko, imwimwi munobva kunaMwari, mwakavanyisa; ngokuti uwo uri mukati mwenyu wakakura kupinda uwo uri munyika.

Mwari ndivo vakakubara. Mwari ava vaa kugara mwouri. Pona somunhu anozwisisa izvi. Ndiyo ndaa uchisisira kugara mipinimidzo yako iri paIzwi raMwari. Izwi iri rinosisirawo kugara riri mumipinimidzo yako. Uchiridzeya mumwoyo mwako. Izwi iri rinozoshanda mumweya mwako. Rechiita kuti mipinimidzo yako izwisise zviro zvemweya. Zviro izvi zvinozokujekera. Iwewe uchizokona kuzvishandisa pakupona kwako.

Kudzeya Izwi uku kunozoitawo kuti ubudirire pane zvounoita. Uchinyisa zviro zvomunyika muno. Uchizoshandisa mazano aMwari kuita zviro zvako. Izvi ndizvo zvetinoona muna Joshua yokutanga ndima yechisere. Inoti, Iri bhuku remipango risazobva pamuromo wako; asi unozopinimidza ndiro masikati nousiku, kuti ungwarire zveshe zvakanyorwa mukati mwaro. Ngokuti ngokudaro unozopfumiswa munjira yako, naapo unozonasa kubudirira.

Ndizvo Mwari avasirivo vanoronga kuti urarame kupona kweVamwari. Avasirivo vanoronga kuti ubudirire mukupona. Iwewe ndiwe unoronga kudaro. Ivo vakakupa Izwi ravo. Izwi iri ndiro rounosisira kushandisa. Ndiro rinoita kuti upone muzvifumiso zvavo. Ndiro rinoita kuti unyise zviro zvomunyika muno. Ndiro rinoita kuti uwane zvifumiso zveshe zveVhangeri. Asi unosisira kushandisa Izwi iri pakupona kwako. Ndikwo kuti rishande mukupona kwako. Rechikuwanisa zverinogondesa.

Kumbira Weiti
Baba vendinoda. Ndinomubonga. Mwandipinza munaKristu. Mukanditsandura dzinza. Mukandiita wengazi yeVamwari. Ndinopona somunhu anozwisisa izvi. Ndaa kutungamirirwa ngeIzwi renyu. Andichatungamirirwi ngemipinimidzo yangu. Ndinozia kuti imwimwi mwaa kugara mwendiri. Uyezve kuti simba reMweya Wakachena riri kushanda mwendiri. Ndizvo ndinogara ndiri mutano saMwari. Ndinogara ndine kunyarara. Ndechinyisa zvendinoshongana nazvo. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Jakobo 1 ndima 22 kusvika 25
Varoma 12 ndima 2
1 Timotio 4 ndima 15

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church