Sebenza IZwi

Thursday, 23 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngakho-ke, bangane bami abathandekayo, njengoba lihlezi lilalela kungayisikho ukuthi ngikhona kuphela kodwa ikakhulu nxa ngingekho, qhubekani lisebenzela ukusindiswa kwenu ngokwesaba langokuthuthumela (KwabaseFiliphi 2:12).

EbuKristwini, ukuthi uzelwe kabutsha akutsho ukuthi uzaphila njengomKristu weqiniso noma uthole impumela yempilo yobuKristu. Akutsho ukuthi izinto zizaqala ukwenzeka ngokuthanda kwazo; Hatshi! Kufanele uzenze zenzeke. Kufanele usebenzele insindiso yakho. Lokho kutsho ukuthi kufanele usebenzise ukholo lwakho; kufanele wenze iZwi likaNkulunkulu.

Ngumenzi weZwi othola izibusiso zensindiso: Lingalaleli ilizwi nje kuphela, beselizikhohlisa ngalokhoKodwa umuntu owukhangela ngenjongo umthetho opheleleyo oletha ukukhululeka, njalo aqhubeke esenza lokhu engakhohlwa asekuzwile, kodwa ekwenza, uzabusiswa kulokho akwenzayo (Jakobe 1:22-25).

Ulempilo ephakemeyo kuloSathane, ukugula, izifo kanye lobuthakathaka- impilo yobunkulunkulu. Ungumhlanganyeli wobuNkulunkulu: Ngalokhkhu-ke usesinike izithembiso zakhe ezinkulu kakhulu eziligugu, ukuze kuthi ngazo lihlanganyele esimeni sobuNkulunkulu njalo liphephe ekonakaleni kwasemhlabeni okubangelwa yizinkanuko ezimbi. (2 uPhethro 1:4). Livela kuNkulunkulu: Lina, bantwana abathandekayo, lingabakaNkulunkulu njalo selingabanqobile ngoba lowo okini mkhulu kulalowo osemhlabeni. (1 Johane 4:4).

Imvelaphi yakho ikuNkulunkulu, futhi uhlala kuwe. Kumele ubeke la amaqiniso ngaphezu kwezimo zokuphila. Yilapho ulwazi lwakho lweZwi lokuzindla olungena khona. Kufanele ulazi futhi uzindle ngeZwi ngokwakho. Ngokuzindla, amaqiniso eZwini kanye lamaqiniso angaphakathi emoyeni wakho alethwa ekwazini kwakho. Aba sobala futhi abambeke kuwe.

Futhi, ngokuqaphela ukuzindla ngeZwi, wenza indlela yakho iphumelele, udala ukunqoba kwakho futhi usebenze ngokuhlakanipha ezindabeni zokuphila: LiNcwadi yoMthetho mayingasuki emlonyeni wakho, kodwa zindle ngayo imini lobusuku ukuze ugcine futhi wenze ngokuvumelana lakho konke okulotshwe kuyo; ngoba lapho uzaphumelelisa indlela yakho, wenze ngokuhlakanipha, uphumelele kahle (uJoshuwa 1:8 AMPC).

Ulakho: ukuphila kwakho okukhazimulayo lokuphumeleleyo akuyi ngoNkulunkulu kodwa ngawe. Ukunikile iZwi Lakhe okuyikho okudingayo ukuze uphile ubusiswe kakhulu, uhambe ngokubusa njalo ukholise inzuzo egcwele ngensindiso. Kodwa ufanele usebenze iZwi; lenze ukuze uthele kuwe futhi lithele kuwe elikutshoyo.

Umkhuleko
Baba Othandekayo, ngiyabonga ngempilo yobuNkulunkulu onginike yona. Ngiphila ekwazini ukuthi ngingubani kuKristu. Ngibeka iZwi lakho ngaphezu kwemicabango yami, umzimba wami, lezindabeni zempilo zansuku zonke. Ngihamba empilweni yobuNkulunkulu, ekuthuleni lasekunqobeni nsuku zonke, ngoba ngiphila ngokuqaphela ukuhlala kwakho kanye lamandla kaMoya kimi, eGameni likaJesu. Amen.

Qhubeka Ngembhalo
James 1:22-25
Romans 12:2
1 Timothy 4:15

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church