Njira Inoshanda Yakhona

Muvhuro, 27 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ngokuti kudai mwechipona ngezvenyama munozofa, asi kudai ndiMweya mwechiuraya zviito zvomuiri munozopona (VaRoma 8 ndima 13).

Iwewe ungaa Mumwari. Une njira younosisira kuzwisisa ndiyo kupona. Iyi injira iya inozwisiswa ndiyo kupona ndiMwari. Usashandisa mazano evanhu vomunyika muno. Usachengedzerwa ngemadziso ako. Usachengedzerwa ngenzee dzako. Usachengedzerwa ngezvoungazwa ngomuiri wako wenyama. Kupona kunorongwa mumweya. Ndizvo unosisira kushandira mumweya. Shandisa Izwi raMwari pakupona kwako. Ndikwo kuti unyise. Izwi raMwari ndiro rinosisira kukutsanangurira kupona. Usashandisa mazano evanhu.

Ashira zvinoronza Vhangeri. Vhangeri iri ndiro riya rinoronza ngepadera paKristu Jesu. Ndiro rinotidetsera kuzwisisa Jesu ava. Rechitiziisa zvevakaurira munyika. Nokupona kwavo mwetiri nyamashi. Ivo ndivo vakatitsandura dzinza. Vakatiita vanhu vomunyika yavo. Vasikatongwi ngezviro zvomunyika muno. Izvi zviro zvisikazwisiswi ngevanhu vomunyika muno.

Tinoerenga amweni mazwi avo muna Mateu yechishanu ndima yemakumi marongomuna nerongomuna. Vakati, Asi inini ndinoti kwomuri, Idai magaa enyu, muvakumbirire avo vanomutambudza. Vanhu vomunyika muno avaponi ngenjira yakadaro. Vanoita zvakaronzwa ndiMosi. Iye wakati, Munhu akadusa dziso rako, iwewe mudusewo rake. Asi Mambo Jesu avazi kutifundisa kudaro. Ivo vakauya nemupango mutsva.

Mupango wakauya naMosi. Asi Kristu Jesu vakauya nenyasha. Vakauyawo negwinyiso. Izvi ndizvo zvinoronza Bhaibheri. Tinozvierenga muna Johani yokutanga ndima yegumi nechinomwe. Jesu vakauya kuzotionesa zviri Mwari zvemene. Vakauya kuzotionesa mapinimidziro aMwari. Anoa ndiwo anoshanda. Iwewe unosisira kushandisa mazano avo aya. Mashandise kunyazwi muutano hwako.

Kutya kungaita hako kuti andikwopi kwakurumbira munyika. Zvingaita hazvo sokuti munhu weshe unosisira kurwara. Asi Vhangeri rinotigondesa utano hwakanaka. Izvi ndizvo zvetinoona mutsamba yechitatu yaJohani chitsauko chokutanga ndima yechipiri. Inoti, Unodikanwa, ndinokukumbira kuti ngezviro zveshe ubudirire ugwinye, kudai ngezvounobudirira mweya wako. Ndizvo dangani ungazwa sewaa kurwara. Usavhunduka hako. Ringira muIzwi reRuponeso. Tora zverinoronza ngepadera poutano hweVamwari. Iro rinoti utano uhwu hwaa hwako. Mwari ngavakudzwe saMwari.

Kumbira Weiti
Baba vendinoda. Ndinomubonga. Mwakandipa Izwi renyu. Izwi iri ndiro rinoita kuti ndinyise zviro zvomunyika muno. Rechiita kuti nditonge zviro izvi. Ndinoashira zvinoronza Vhangeri iri. Ndizvo ndinohamba mukujeka kwenyu nguwa dzeshe. Andina chinondivhundusa. Andiashiri zvinopesana neIzwi renyu. Ndinopona somunhu anodakarirwa ndiMwari. Ndinogara ndiri mutano saMwari. Ndakagwinya. Ndechibudirira zuwa rimwe ngarimwe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Zvirevo 4 ndima 20 kusvika 22
2 Vakorinde 5 ndima 7
Ruka 6 ndima 27 kusvika a 31

(Chidzidzo ichi chatorwa kubva mu ndima
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
You can get other teachings on: https://bit.ly/Shona_Church