Indlela Enqobayo

Monday, 27 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngoba uba liphila ngokwenyama, lizakufa, kodwa uba libulala imisebenzi yomzimba ngoMoya, lizaphila (KwabaseRoma 8:13).

NjengomKristu, kuqakathekile ukuthi ubone njalo utolike impilo ngendlela eqondileyo, okuyindlela kaKristu. Ungatoliki impilo ngemizwa yakho, okubonayo, okuzwayo, ongakubamba. Impilo ngekaMoya njalo indlela enqobayo yindlela kaMoya Kanye lelizwi. Kumele ubone impilo njalo uyiphile ngeLizwi hayi ngokucabangela kumbe imibono yabantu.

Nxa sikhuluma ngokubona impilo ngengilazi yeLizwi kutsho ukuthi yonke into oyaziyo loyikholwayo iyahambelana lokutshiwo livangeli likaJesu Kristu. IVangeli yilizwi elimayelana loJesu Kristu, ukuthi ungubani, lokuthi wayelandeni Kanye lempilo yakhe namhlanje kithi. Wasilethela impilo yombuso, impilo ephezulu elezimiso eziphezulu. Wesula ngesimanga ulwazi lwemizwa.

Isibonelo, wathi, Thandani izitha zenu, libabusise labo abalithukayo, libenzele okuhle labo abalizondayo njalo libakhulekele labo abalisebenzisa ngokuleyisa, labalihlukuluzayo (Mathewu 5:44). Le akusiyo indlela umhlaba owenza ngayo. UMose wathi, Okukhipha ilihlo lawe umkhiphe elakhe, kodwa iNkosi uJesu wabuya lendlela entsha yokuphila.

Ibhayibhili lithi umthetho weza ngoMose kodwa umusa lokuthula kweza ngoJesu Kristu. (Johane 1:17). Weza ukuzosivezela impilo lendalo kaNkulunkulu, indlela uNkulunkulu acabanga ngayo, indlela enqobayo. Lokhu kuyangena lakumpilakahle yakho.

Umhlaba ungavumela ukwesaba, umkhuhlane, lokungaqiniseki, kodwa iVangeli lisiqinisekisa ngempilakahle engcwele: Bathandekayo, ngifisa phezu kwakho konke ukuthi liphumelele libe lempilakahle njengoba imphefumulo yenu iphumelela (3 Johane 1:2). Nxa ngabe usizwa okuthile emzimbeni wakho ungethuki. Khangela elizwini. Bona ngendlela yeVangeli: impilakahle yilifa lakho. Kadunyiswe uNkulunkulu!

Umkhuleko
Baba othandekayo, ngiyabonga ukunginika ilizwi lakho engiphila ngalo ngokunqoba lokubusa. Ngibona ngendlela yeVangeli njalo ngihamba ekukhanyeni kwakho kokuphela. Ngiyala ukwesaba loba ukuvuma loba yini engahambelani lelizwi lakho. Ngihamba ngothando, ngiphila impilweni enhle lasemandleni, ngiyaqhakaza nsukuzonke, ngebizo likaJesu. Ameni.

Qhubeka Ngembhalo
Proverbs 4:20-22
2 Corinthians 5:7
Luke 6:27-31

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church