UJesu Uyindaba KaNkulunkulu

Friday, 9 May 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ekuqaleni kwakukhona uLizwi, ULizwi wayeloNkulunkulu, uLizwi wayenguNkulunkulu. (Johane 1:1)

Ibala elithi uLizwi embhalweni esivule ngawo livelela ebalini lesiGreek elithi Logos Libala elisetshenziswa nxa kutshiwo ilizwi ngoba ligoqela ilizwi elikhulunywayo, okucatshangwayo kanye lendaba exoxwayo. Into eqakathekileyo mayelana lalelibala ngokuqukethweyo. Kufana lanxa umuntu esithi, Ngikuthumele umbiko, kutsho ukuthi ngikuthumele amazwi.

Uma ungafunda isahluko sokuqala sencwadi kaJohane kuvesi 14, kuyakutshela ukuthi uJesu ungumbiko kaNkulunkulu. Uyisibonakaliso sengqondo kaNkulunkulu. Uyisambulo senhliziyo kaNkulunkulu uBaba. Uma ufuna ukwazi indlela uNkulunkulu uBaba acabanga ngayo, buka nje iNkosi uJesu. Hallelujah!

Ku Johane 1:9-11 sitshelwa indaba emangalisayo kakhulu, kuthiwa, Ukukhanya okuliqiniso okunika ukukhanya emuntwini wonke kweza emhlabeni. Wayesemhlabeni, kodwa lanxa umhlaba wenziwa ngaye, umhlaba kawumazanga, Weza kulokho okwakungokwakhe, kodwa khona kakumamukelanga. Ilizwi likaNkulunkulu, umbiko wakhe weza lapha emhlabeni. Weza kwabanga bakhe, bona kabamamkelanga. Weza njani na?

Weza ngabaprofethi bakhe abafana loMosi, USamuyeli, uJeremiya, uIsaya, uHezekiya labanye, kodwa umhlaba kawulamkelanga ilizwi lakhe. Lithi iBhayibheli, ULizwi waba yinyama, wahlala phakathi kwethu, Sayibona inkazimulo yakhe, inkazimulo yeNdodana eyiyo yodwa, eyavela kuYise, igcwele umusa leqiniso. (Johane 1:14) Uyakubona na lokho okwenziwa nguNkulunkulu! Umbiko kaNkulunkulu waphenduka waba ngumuntu, uKhristu uJesu.

UJesu engakabuyi, bakhona abamkela umbiko kaNkulunkulu bakholwa ukuthi kwelinye ilanga bazavuka kwabafileyo babe lokuphila okuphakade. UAbrahama wakholwa. UDavida wakholwa. Abaprofethi batshumayela ngakho, babesazi ukuthi lolosuku luyeza, luzafika. Ingelosi layo yanika umbiko ofanayo kuDanyeli. Yamlandisela mayelana lalabo abazavuka ekufeni bevukela ekuphileni okunaphakade kanye labanye abazavukela ekulahlweni. (Daniyeli isahluko 12)

ULizwi waba yinyama wahlala phakathi kwethu. Lokhu kuyisimanga. Ilizwi elazwiwa nguMosi enhlane, umbiko awubhala elitsheni uvela kuNkulunkulu usiya kubaIsrayeli, imibhalo yabaprofethi, konke kugoqelwe kwathatha isimo somuntu kwabonakala phakathi kwethu. Igama lakhe nguJesu-iliZwi eliphilayo. Mayidunyiswe iNkosi kuze kube naphakade.

Umkhuleko
Nkosi Jesu, umkhulu ufanele ukudunyiswa, uyiliZwi eliyinyama, ukugcwaliswa kukaNkulunkulu, ukubonakaliswa kwemicabango kaNkulunkulu, Uyikuphila okunaphakade okubonakaliswe ebantwini. Uyisambulo senhliziyo kaNkulunkulu, ukulunga kwakhe, uthando, umusa, lobuhle bakhe. UyiliZwi likaNkulunkulu elimileyo kuze kube na phakade. Ngiyakuthanda namhlanje, kuze kube naphakade. Ameni

Qhubeka Ngembhalo
John 1:9-14
1 John 1:1-3

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church