Khuluma Okuvela KuNkulunkulu

Monday, 16 September 2024

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

UJesu waphendula wathi, Kulotshiwe ukuthi: Umuntu kayikuphila ngesinkwa kuphela kodwa ngelizwi lonke eliphuma emlonyeni kaNkulunkulu. (UMathewu? ?4?:?4? ?)?????????

KuTesitamenti elitsha, ibala lesiGriki elithi, Rhema, libala elitsho iLizwi, alikhulumi ngoNkulunkulu ekhuluma, kodwa litsho umuntu okhuluma amazwi avela kuNkulunkulu. Kuhleli nje kumayelana leLizwi uNkulunkulu akunika lona ukuthi ulikhulume. YiLizwi lelo eliphakama ngaphakathi kuwe bese uyalikhuluma.

Mina-ke lento ngaqala ukuyisebenzisa kusukela ngisaqala indlela yami yesiKhristu; ngangisazi ukuthi kuso sonke isimo, kwakumele ngikhulume okuvela kuNkulunkulu. Konke uNkulunkulu angabe ekutshilo mayelana lesimo angeke kudale umehluko kulesosimo ngaphandle kokuba ngikhulume. Ngakho-ke, lapho ubhekane lobunzima, into yakuqala okumele uyenze yikuxhumana loMoya oNgcwele. Ukuhleleka lokuqonda lokhu kwenza ukuthi ukhulume wona kanye amazwi adala umehluko lontshintsho olufunekayo.

Ekukhulekeni kwakho ngendimi, umoya wakho kawuxhumane loMoya oNgcwele ukuze uvuleke amehlo ubone okuphezulu. Yala ukulelozinga uze uthole lona kanye ibala elifunekayo kulesosimo, ungavele ulithole, likhulume ngesibindi, usazi ukuthi sekunguNkulunkulu okhuluma ngawe. ILizwi likaNkulunkulu elisemlonyeni wakho, linguNkulunkulu okhulumayo.

Khumbula ukuthi uNkulunkulu wathini kuMosi ngesikhathi ebeka uAroni ukuthi amsize: Uzakhuluma laye ufake amazwi emlonyeni wakhe. Ngizaliphathisa lobabili ukuthi likhulume njalo ngizalifundisa ukuthi lenzeni. Yena uzakukhulumela ebantwini, njalo kuzakuba sengani nguye ongumlomo wakho njalo kube angani wena unguNkulunkulu kuye. ??(U-Eksodasi? ?4?:?15?-?16? NKJV. Lowo owamukela iLizwi uba sengathi unguNkulunkulu, ngoba nguye oleLizwi. Besekuthi lowo olikhulumayo uba sengathi ngumphorofethi. ???????????????

Kodwa cabanga nje uma kokubili lokhu, kusiba semuntwini oyedwa! Leli-ke kwakuyilona cebo likaNkulunkulu lakuqala- ukuthi uMosi amukele iLizwi aphinde abe nguye olikhulumayo-abe nguye okhuluma okuvela kuNkulunkulu. Kuzame lokhu, ukusebenzise ukunqoba bonke ubunzima, ukwehlula izitha lobutha kanye lokuphila ngokunqoba nsukuzonke.

Umkhuleko
Baba othandekayo, ngiyabonga ngokunginika iLizwi lakhathesi kuso sonke isimo okuyilona enginqoba ngalo nsukuzonke. Lapho ngikhuluma ngendimi, ngiyamukela ukuboniswa okuphakemeyo; njalo ngiyaqiniswa ukuthi ngikhulume iLizwi lakho ngesibindi kanye langegunya, ngisazi ukuthi lilamandla okuguqula izimo lezehlakalo ukuthi ziqondane lentando yakho epheleleyo, ngeGama likaJesu. Ameni.

Qhubeka Ngembhalo
Romans 10:8
Ephesians 6:17
Isaiah 55:11
Hebrews 4:12

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church