Khangela Enjongweni Yakho YobuNkulunkulu

Wednesday, 15 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

"Njalo yonke loba yini eliyenzayo, yenzeni ngenhliziyo, njengeNkosini, njalo kungeyisikho ebantwini; lisazi ukuthi eNkosini lizakwemukela umvuzo welifa, ngoba likhonza iNkosi uKristu" (AbaseKolose 3:23-24).

Abantu abanengi bayizivumeza ukuthi bephazamiswe. Bayabambeka ezintweni zempilo, ukukhathazeka okungelamsebenzi, lokulandela izinto zemhlabeni. Bengakananzeleli, bayakhitshwa endleleni yenjongo kaNkulunkulu. Ukuphazanyiswa kuyenelisa ukukwenza ukuthi ulahlekelw yilokho okuqakathekileyo kakhulu. Kuyakudonsela katshana komsebenzi owawunikwa nguNkulunkulu. Ngakho, hlala ukhangele njalo uyale ukuphazamiswa.

UNkulunkulu wakuhlelela umsebenzi okumele uwenze. Kulomsebenzi wobuNkulunkulu olebizo lakho kuwo. Ungawuyekela, kumele umtshela yena uNkulunkulu ukuthi gani ungawenzanga. Ngakho hlala ukhangele enjongweni yakho. INkosi uJesu yathi, "Ukudla kwami yikuthi ngenze intando yongithumileyo lokuthi ngiqede umsebenzi wakhe" (UJohane 4:34). "Kufanele ngisebenze imisebenzi yongithumileyo kusesemini, ubusuku buyeza, lapho okungekho olakho ukusebenza khona" (UJohane 9:4)

Ungowomsebenzi kaBaba yini? Kuyinjongo yakho yini ukuthi uqede umsebenzi wakho, ukuthi uqedise umsebenzi weVangeli? Umpostoli uPawuli waayelengqondo efanayo njengeyeNkosi uJesu; wayala konke okwakuphazamisa wahla ekhangele emsebenzini wakhe. Ku AbaseFiliphi 3:13-14, wathi, "...kodwa kunye engikwenzayo, ngikhohlwa okungemuva, ngizelulela kokungaphambili, ngigijimela isifezo ngokunxwanela emvuzweni wobizo lwaphezulu luka Nkulunkulu kuKristu Jesu."

Ku AmaHebhelu 12:1, Wanikeza into eqakathekileyo kakhulu, eyayiluphawo lwempilo yakhe. Wathi, "...asilahle konke okusindayo lesono esisithandela lula, asigijime ngokubekezela umjaho esiwumiselweyo." Ekucineni, wathi, "Ngilwile ukulwa okuhle, ngiqedile uhambo, ngilondolozile ukholo" (2 UTimothi 4:7). Yikho okuqakathekileyo eqinisweni.

Woba lomcabango wenjongo yakho yobuNkulunkulu leyalokho okumele ukwenze. Thembeka njalo usebenze ngamandla ezintweni uNkulunkulu akutshela zona ukuthi uzenze. Siomsebenzi osegcekeni okumele siwuqede owokutshumayela iVangeli emhlabeni wonke. Ulomsebenzi kulokhu. Faka amahle akho kulokhu, ugijime ngokubekezela, njalo uqede umsebenzi wakho ngentokozo. Makadunyiswe uNkulunkulu!
Umkhuleko
Baba othandekayo, ngiyakubonga ngomsebenzi owanginika wona. Ngiyayaa ukuphazamiswa ngabantu, izimo, loba okwenzakalayo. Ngifaka inhliziyo yami lamandla ami ekugcwaliseni injongo yakho ngempilo yami. Ngigijima uhambo lwami ngokuzimisela njalo ngizaqeda umsebenzi wami ngentokozo, ngiletha inkazimulo eBizweni lakho, eBizweni likaJesu. Ameni.

Qhubeka Ngembalo
2 Timothy 4:7
Acts 20:24
John 17:4

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church