Zvinoite Pfungwa Dzakawandudzwa

Svondo, 21 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Musafananaba nenyika ino. Asi wandudzai mafungiro enyu. Kuti muzoshanduka. Mukone kuziya zvinodiwa naMwari chaizvo. Zvaanogamuchira. Zvakakwana” (Varoma 12 v 2).

Mwari anoda kuti ushanduke. Anoda kuti utonge zviro zvenyika ino. Asi pfungwa dzako dzinofanira kuwandudzwa. Ndiko kuti uzotonga kudai. Pfungwa dzako dzinofanire kuwirirana nedzawohe. Ndiko kuti zvinotaure soko raMwari zviitike muhupenyu hwako. Kureketa kuti kuwandudzwa kwepfungwa kwakakosha. Ndiyo nzira yega Mwari anokona kushandura hupenyu hwako. Pfungwa dzingaa dzakawandudzwa. Pfungwa dzakadai dzinokona kutungamirirwa ngeSoko raMwari. Saka dzinoite zviro ngemazvo.

Kuwandudza pfungwa kuri nyore. Unoshandisa Soko raMwari kudziwandudza. Unongobvisa mazano ako mupfungwa dzako idzi. Uchiisa mazano aMwari. Unongogara pfungwa dzako dziri paSoko raMwari. Uchigara uchidzeya soko iri mumoyo mako. Izvi ndizvo zvatinoona muna Isaya 26 v 3. Inoti, “Munhu anoramba pfungwa dzake dzakati kwati kwati nemi, munomuchengeta ari murugare chairwo nekuti anovimba nemi”. Saka pfungwa dzingaa dzakawandudzwa. Pfungwa dzakadai dzinounze rugare. Rugare rwacho runouya nepfuma. Izvozvo ndizvo zvatinoona muvhesi iyi.

Pfungwa dzakawandudzwa dzinongofunge Soko raMwari basi. Izvi ndizvo zvatinokurudzirwa muna Vafiripi 4 v 8. Inoti, “Pakupedzisira hama dzangu. Pfungwa dzenyu ngadzigare dziri pazviro zvechokwadi. Zvakarurama. Zvinonakira ese. Zvisina chitemaba. Zvinofadza. Zvine guhu rakanaka. Zvakanaka. Zvinorumbidzwa. Zviro zvakadai ndizvo zvinofanira kugara zviri mupfungwa dzenyu”. Aya ndiwo mafungiro aunofanira kuita. Unozopedzisira wawa kufunga semunhu akarurama. Uchizviona uchikunda nguwa dzese. Uchizviona uchibudirira pane zvese zvaunoita. Uchipfuma. Uchiita zviro zvese nemazvo.

Ndiko kusaka Mwari achitsvake kushandura mafungiro ako. Saka ungaa uri kudzeya Soko raMwari mumoyo mako. Soko iri rinenge riri kushandura mafungiro ako. Richishandura maonero aunoite zviro. Richiita kuti uone zviro ngenzira kwayo. Saka gara uchitutire Soko raMwari mupfungwa dzako. Pfungwa dzako ngadzisangozara mazano enyika ino. Usaona zviro ngenzira yazvinoonekwa neanhu enyika ino. Zvione sekutsanangurwa kwazvinoitwa neSoko raMwari.

Pfungwa dzako dzingaa dzakawandudzwa. Hapanaba chaunozotyabahe. Unozokona kutemba naMwari. Uchibva washinga. Unozotaura saMwari. Unozofunga saMwari. Uchiite zviro zvako ngenzira yazvinoitwa nayo naMwari. Unozoshandisa mazano aMwari kuronge zviro zvako. Uchizvironga semunhu anotonga. Iwe wakashanduka rudzi. Wawa chipuka chinyowani. Pfungwa dzako ngadzigare dzichirangarira izvi. Funga saJesu. Zvione semunhu anokona kuita zviro zvese. Nangisira kuti zviro zvako zvinofamba zvakanaka. Funge zvinowirirana neSoko raMwari. Hupenyu hwako hunozonaka. Hunozowa hweVamwari. Hareruya!

Namata Uchiti
Baba andinoda. Ndinokutendai. Soko renyu rinowandudza pfungwa dzangu. Rinoshandura hupenyu hwangu. Ndinoramba pfungwa dzinopesana neSoko renyu. Ndinongozviona ndichikona kuita zviro zvese. Ndinozviona semunhu anotonga. Anokona kuita zviro nemazvo. Achifamba muchiedza cheSoko renyu. Muzita raJesu. Ameni.

Dzimweni vhesi Dzinotsigira Chidzidzo Chanamasi
Joshua 1:8; VaKorose 3:16; VaFiripi 4:8 NKJV


(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)