Zvinoita Mipinimidzo Yakatsandurwa

Svondo, 21 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Musatodzera zveiyi nyika, asi mwechitsandurwa ngokumusirirwa kwomupinimidzo wenyu, kuti mutsvakisise kuzia kuda kwaMwari, kwakanaka, kunoashirika nekwakaperera” (VaRoma 12 ndima 2).

Mwari vanoda kuti utsanduke. Vanoda kuti utonge zviro zvomunyika muno. Asi mipinimidzo yako inosisira kutsandurwa. Ndikwo kuti uzotonga kudaro. Mipinimidzo yako inosisira kuenderana neyavo. Ndikwo kuti zvinoronza Izwi raMwari zviitike mukupona kwako. Kuronza kuti kutsandurwa kwemipinimidzo kwakakosha. Ndiyo njira yega Mwari vanokona kutsandura kupona kwako. Mipinimidzo ingaa yakatsandurwa. Mipinimidzo yakadaro inokona kutungamirirwa ngeIzwi raMwari. Ndizvo inoita zviro ngomwazvo.

Kutsandura mipinimidzo akunesi. Unoshandisa Izwi raMwari kudzitsandudza. Unongodusa mazano ako mumipinimidzo yako iyi. Uchiisa mazano aMwari. Unongogara mipinimidzo yako iri paIzwi raMwari. Uchigara uchidzeya izwi iri mumwoyo mwako. Izvi ndizvo zvetinoona muna Isaya yemakumi mairi nechitanhatu ndima yechitatu. Inoti, “Uwo unemwoyo wakagwinya unomungwarira mukunyarara kwakaperera, mukunyarara, ngokuti unogonda mweuri”. Ndizvo mipinimidzo ingaa yakatsandurwa. Mipinimidzo yakadaro inounza kunyarara. Kunyarara kwakhona kunouya nepfuma. Izvozvo ndizvo zvetinoona mundima iyi.

Mipinimidzo yakatsandurwa inongopinimidza Izwi raMwari zvega. Izvi ndizvo zvetinokurudzirwa muna vaFiripi yechirongomuna ndima yechisere. Inoti, “Pakugumisira, hama, zveshe zviri zvegwinyiso, zveshe zvinoremeredzeka, zveshe zviro zvakarurama, zveshe zviri zvakachena, zveshe zvinodikanwa, zveshe zvine mbiri yakanaka, kudai kuripo kunaka, kudai kuripo kukudzwa, pinimidzai ngeizvi zviro”. Aya ndiwo mapinimidziro ounosisira kuita. Unozogumisira waa kupinimidza somunhu akarurama. Uchizviona uchinyisa nguwa dzeshe. Uchizviona uchibudirira pane zveshe zvounoita. Uchipfuma. Uchiita zviro zveshe ngomwazvo.

Ndiyo ndaa Mwari vechitsvaka kutsandura mapinimidziro ako. Ndizvo ungaa uri kudzeya Izwi raMwari mumwoyo mwako. Izwi iri rinenge riri kutsandura mapinimidziro ako. Rechitsandura maonero ounoita zviro. Rechiita kuti uone zviro ngenjira kwayo. Ndizvo gara uchitutira Izwi raMwari mumipinimidzo yako. Mipinimidzo yako ngaisangodzara mazano enyika ino. Usaona zviro ngenjira yezvinoonekwa ngevanhu vomunyika muno. Zvione sokutsanangurwa kwezvinoitwa ngeIzwi raMwari.

Mipinimidzo yako ingaa yakatsandurwa. Apana chounozotya. Unozokona kugonda ndiMwari. Uchibva washinga. Unozobhuya saMwari. Unozopinimidza saMwari. Uchiita zviro zvako ngenjira yezvinoitwa ndiyo ndiMwari. Unozoshandisa mazano aMwari kuronga zviro zvako. Uchizvironga somunhu anotonga. Iwewe wakatsanduka dzinza. Waa chipuka chitsva. Mipinimidzo yako ngaigare ichikarakadza izvi. Pinimidza saJesu. Zvione somunhu anokona kuita zviro zveshe. Tarisira kuti zviro zvako zvinohamba zvakanaka. Pinimidza zvinoenderana neIzwi raMwari. Kupona kwako kunozonaka. Kunozoa kweVamwari. Hareruya!

Kumbira Weiti
Baba vendinoda. Ndinomubonga. Izwi renyu rinotsandura mipinimidzo yangu. Rinotsandura kupona kwangu. Ndinoramba mipinimidzo inopesana neIzwi renyu. Ndinongozviona ndechikona kuita zviro zveshe. Ndinozviona somunhu anotonga. Anokona kuita zviro ngomwazvo. Echihamba mukujeka kweIzwi renyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Joshua 1:8; VaKorose 3:16; VaFiripi 4:8 NKJV

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)