Wakashongedzwa NgeSimba ReVamwari

Chishanu, 30 Chivabvu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Asi munozoashira simba apo Mweya Wakachena auya padera penyu, nemwi munozoita zvapupu zvangu muJerusarema, muJudhia mweshe, muSamaria nokumagumo enyika (Zvakaitwa 1 ndima 8).

Mweya Wakachena vanokona kuuya pamunhu. Vanokonawo kuuya kuzogara mumunhu. Zviiri izvi zvakasiyana. Izvozvi vanouya havo pamunhu. Asi vanenge vari kuda kuzogara mumunhu uyu. Vakatanga kuita izvi muna Zvakaitwa yechipiri. Apa ndipo paya pevakadzaka mudenga. Vechizopinda muvadzidzi vaJesu. Izvi ndizvo zvevakaitawo petiri. Vaa kugara mwetiri. MuChitenderano cheKaretu vaiuya pamunhu. Asi vaiuya vechida kuti munhu wakhona aite mushando. Uyu waiye uri mushando wevainge vamupa.

Izvi ndizvo zvetinoona pana Erizabhethi. Mweya Wakachena wakauya paari. Iye wakabva adzara Mweya Wakachena. Tinoerenga izvi muna Ruka yokutanga ndima yemakumi marongomuna neimwe yega. Inoti, Erizabhethi azwa kuchingamidza kwaMaria, mwana wakanyanduuka Akakwakuka mundane mwake; naErizabhethi wakadzadzwa ndiMweya Wakachena. Mweya Wakachena wakambouyawo pana Samusoni. Wakabva wamupa simba. Iri raiya riri simba rokuita zvinoshamisa. Asi apa aazi kubva adzadzwa ngeMweya Wakachena ava. Izvi ndizvo zvetinoona muna Vatongi yegumi nechirongomuna ndima yechitanhatu. Inoti, Mweya waMambo Mwari wakauya ngesimba padera pake, naye wakabaura mhondoro kudai ngounobaura kambudzana, asina chiro munyara dzake. Asi aazi kuronzera baba ake nokuti mai ake izvo zvaaiya aita.

Iwewe wakaashira Mweya Wakachena. Izvi zvinoronza kuti une simba rewaa naro. Iri isimba rokuita mioniso. Zvakaitwa wokutanga ndima yechisere yati, Asi munozoashira simba . Mundima iyi mune izwi rokuti simba. Izwi iri rinoturikirwa kubva kuizwi reChigiriki. Izwi reChigiriki rakhona rinoti, dunamis. Izwi iri rinoronza simba. Asi iri isimba rinonasirisa zviro.

Iwewe une simba rewaa naro. Iri isimba rokunasirisa zviro. Izvi ndizvo zviri kuronzwa ndiMwari. Saka ngenyi uri kuchema? Ngenyi usiri kunasirisa zvinokunesa zvakhona? Ngenyi uchiri kuchema kuti Mwari vakudetsere? Izvi azvisirizvo zvounosisira kuita. Ndiwe unosisira kunasirisa zviro zvakhona. Ndizvo zvinasirise.

Vapostori vaJesu vakaashira Mweya Wakachena. Vakabva vapona sevanhu vaia naMweya Wakachena mwevari. Umwe ngaumwe wavo wakatanga kurarama kupona kweVamwari. Kupona uku ndikwo kwevakakupa iwewe. Wakadzara Mweya Wakachena. Ndizvo waa nesimba reVamwari. Kuronza kuti waa kukona kunasirisa zviro. Waa kukona kupona soMumwari.

Kumbira Weiti
Baba vendinoda. Ndinomubonga. Mwakandidzadza Mweya wenyu. Mukandipa simba reVamwari. Ndizvo ndaa kukona kunasirisa zviro. Ndinopona somunhu akagarwa ngeMweya Wakachena. Saka ndinoshandisa mazano enyu pakupona kwangu. Simba renyu raa kuonekwa pendiri. Imwimwi mwaa kuonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Ruka 24 ndima 49
Mabasa 2 ndima 8
Vaefeso 3 ndima 14 kusvika 16

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church