Izwi ReNyasha DzaMwari

Chitatu, 3 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“... Kuti ndipedze bingo rangu, nomushando wendakaashira kubva kunaMambo Jesu kuchumaira vhangeri renyasha dzaMwari” (Zvakaitwa 20 ndima 24).

Mwari ngavakudzwe! Kristu Jesu vane izwi revakatiunzira. Iri izwi reRuponeso. Izwi iri aringotiziisi ngepadera peimweni njira yokudira ndiyo. Rinotiziisa ngezvenyasha dzaMwari. Rinotiziisa kuti Mwari vanodakarira vanhu. Uyezve vakavaitira nyasha. Phauri wakambotsanangura chumairo yake. Wakati chumairo iyi yaiya ichingoa yokuziisa vanhu ngezvenyasha dzaMwari.

Abrahama ndiye wakatanga kuchumairirwa izwi iri. Izvi ndizvo zvetinoona muna vaGaratia yechitatu ndima yechisere. Inoti, “Nezvinyorwa zvechiona. … Zvakachumaira vhangeri karetu kunaAbrahama zvechiti, “Mweuri madzinza eshe anozofumisws”. Ndima iyi inoronza ngezve zvifumiso. Zvifumiso zvakhona azvisiri zvepfuma yomunyika muno zvega. Waiya ari kuunzawo Mweya Wakachena munyika. Waiya ari kudururawo pfuma yaMwari pavanhu. Zvifumiso zviya zvaaiya ari kuronza ngezve nyasha dzaMwari.

Izwi rokuti “nyasha” iri rinoturikirwa kubva kuizwi reChiHebheru. Izwi reChihebheru rakhona rinoti, “hesed”. Izwi iri rinotsanangura rudo rwaMwari. Rudo rwakhona rwakapfaa. Rune tsitsi. Rudo rwomunhu anodakarira vanhu. Ndirwo rwetinoona pana Dhavhidha. Runotsanangurwa mubhuku yechipiri yaSamueri chitsauko chechipfumbamwe ndima yokutanga. Apa Dhavhidha wakati, “Uchiyo ere wakasara wemhatso yaSauri, uwo wendingaonisa nyasha ngendaa yaJonathani?”. Ndidzo nyasha dzetiri kuronza idzi. Inyasha dzinomanikidza munhu kuitira umweni mwoyochena. Ndidzo nyasha dzakaitirwa vanhu pashi reshe. Dzakaunzwa ndiKristu Jesu. Asi dzinongoshandira vaya vanenge vaashira Jesu zvega.

VaEfesu yechipiri ndima yechisere inoti, “Ngokuti mwakaponeswa ngenyasha kubudikidza ngokugonda; izvi zvisikaitwi ndimwi, asi chipo chaMwari”. Izwi iri rakaunza Ruponeso. Rakaunza utano hwakanaka. Rinorapa vanhu. Rinovasunhura. Rechivaita vakarurama. Vanhu avaoni izvi ngokuti vakakodzera. Vanozviona ngokuti Mwari vakanaka. Ivo vanodakarira vanhu. Izvozvo ndizvo zvinoita kuti vanhu vatenderuke. Izvi ndizvo zvetinoziiswa muna vaRoma yechipiri ndima yechirongomuna. Mwari vakadakarira vanhu veshe. Vakabva vavapa Mukororo wavo. Vanoda kuti vanhu vaashire Mukororo uyu. Ndikwo kuti vaone kupona kusikaperi.

Izwi iri ngere nyasha. Arisiri rekuziisa vanhu ndaa dzavo. Izwi rinovaziisa kuti ivo vakapembedzwa. Izwi rinomirudza vakadonha. Izwi rekutora vakarashika. Vechipuwa pfuma yaMwari. Ndiyo ndaa Zvakaitwa yemakumi mairi ndima yemakumi matatu nemairi ichiti, “Nazvino ndinomupira kunaMwari nokuIzwi renyasha dzake, iro rine simba rokumuaka nokumupa nhaka pakati pavo veshe vakacheneswa”.

Kumbira Weiti
Baba vendinoda. Ndinomubonga. Mwakandiziisa ngezvenyasha dzenyu. Mukandipawo mushando wokuziisa vanhu nyasha idzi. Ndinochumaira ndakashinga. Ndechitsamwirira kugumisa nyasha dzenyu kuvanhu veshe. Ndechipupurira ruponeso rwenyu. Ndinopona somunhu akaitirwa nyasha ndimwi. Ndinopona somunhu akapuwa zvifumiso zveRuponeso. Ndechiziisa vamweni ngezvezvifumiso izvi. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 1:16-17; VaGaratia 3:8; VaEfeso 2:8-9 NIV

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)