Tsamwirira Kushandira Mwari Wakadakara

Svondo, 7 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ndizvo, hama dzangu dzinodikanwa, itai vakagwinya, vasikatsukunuswi, ngenguwa dzeshe mwechitsamwirira mumishando yaMambo, ngokuti munozia kuti mishando yenyu aiiti isina shwiro munaMambo” (1 VaKhorinte 15 ndima 58).

Isusu taa kurarama kupona kweVamwari. Kupona uku akusiri kwejee. Kune mushando. Tinokupona techishandisa mipango yepamweya. Kunotoa kupona kwemene. Asi tinokupona mumweya. Vakacheneswa vaa pasinde kubvutwa. Ndizvo unosisira kugara mipinimidzo yako yakamuka. Uchizviongorora. Uchingwarira kurarama kupona kweVamwari uku. Uchikupona zvinoenderana neIzwi raMwari.

Gara mipinimidzo yako iri paIzwi raMwari. Izvi ndizvo zvinokurudzirwa ngeBhaibheri. Tinoerenga mazwi aro muna Joshua yokutanga ndima yechinomwe. Inoti, “… usapauka kubva kweiri kuenda kumuryo nokuti kumuoshwe, kuti ubudirire kundau dzeshe kwounoenda”. Rekera Izwi raMwari ritonge mipinimidzo yako. Rirekere ritonge mweya wako. Rirekere ritungamirire mapinimidziro ako eshe. Izwi raMwari ndicho chibani chetsoka dzako. Ndikwo kujeka munjira yako. Izvi ndizvo zvetinoziiswa muna Nduyo yezana negumi nepfumbamwe ndima yezana nechishanu. Iwewe ungaa uri kuhamba muchidima. Unozoshandisa chibani. Unochishandisa kuona njira. Ndizvo zvounoitawo neIzwi raMwari. Unorishandisa sechibani. Ndiro rinokuonesa njira yokupona. Ndiro rinokuonesa njira yokururama.

Tsamba yechipiri kuvaThesaronika chitsauko chechipiri ndima yechitatu ine zveinotiyambira. Inoti, “… Ngokuti zuwa iri arizogumi kusati kwaapo kupauka kutanga. …”. Mambo vane mazwi evakazoronzawo. Tinoaona muna Mateu yemakumi mairi nerongomuna ndima yegumi nembiri. Inoti, “Ngokuti kushaisha kunozowanda, rudo rwevazhinji runozopora”. Ndizvo gara uchida Mambo. Ngapasaa nechinoita kuti usagonda ndiMwari. Ngapasaa nechinokukonesa kutsamwirira zviro zvemweya.

Kune vanhu vanotsamwirira kushandira Mambo. Vechida Mambo ngemwoyo yeshe. Vanhu vakadaro vanosisira kukona kuonekwa pachena. Vanosisira kusiyana nevasikadi Mambo. Ndizvo unosisira kugara wakadzingwarira. Ngwarira mwoyo wako. Dziirira mweya wako. Pona somunhu anodakarirwa ndiMwari. Ivo vakaronza muna Johani yegumi nechitatu ndima yemakumi matatu nechishanu vechiti, “Ngeichi vanhu veshe vanozozia kuti imwimwi muri vadzidzi vangu, kudai muno rudo umwe kunoumweni”.

Kupona kweVamwari kwakaita serwendo. Kwakaita serwendo rwemazuwa akawanda. Une mikana younoshongana nayo murwendo urwu. Unoshongana nayo zuwa rimwe ngarimwe. Iyi mikana yokupona somunhu anodakarirwa ndiMwari. Mikana yokushandira Mambo. Uchivashandira wakadakara. Mikana yokupona mukujeka kwavo. Uchipona kudaro sokupona kwevanoita ivo. Izvi ndizvo zvetinokurudzirwa mutsamba yekutanga yaJohani chitsauko chokutanga ndima yechinomwe. Unowanawo mikana yokubereka zvibereko zvokururama. Uchiitawo mishando yokururama. Ndizvo apana zuwa rounosisira kurekera rechingoenda. Shandira Mambo zuwa rimwe ngarimwe. Uvashandire wakadakara.

Kumbira Weiti
Baba vendinoda. Ndinomubonga. Mwakaita kuti ndikuziyei. Mwakaita kuti ndikushandirei. Iyi ikudzo hurutu. Mwakaitawo kuti ndizikanwe ngezina renyu. Ichi chifumiso chakakura. Ndinogara ndechitsamwirira kukushandirai. Apana chingandidusa pomuri. Ndinogara ndechitutsira kukushandirai. Rudo rwangu kwomuri runogara ruchitutsira. Ndechikushandirai ngemwoyo wakadakara. Taa mumazuwa okugumisira. Ndizvo ndinotutsira kupenya. Simba renyu rechionekwa pendiri. Kururama kwenyu kuchionekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaHeberu 12:1-2; VaHeberu 6:10-12; VaGaratia 6:9

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)