Sebenzela iNkosi ngokuzimisela langentokozo

Usuku 7 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


Ngakho, bazalwane bami abathandekayo, manini, linganyikinyeki, lengezelelwe emsebenzini weNkosi kokuphela, lazi ukuthi ukutshikatshika kwenu kakusilo ize eNkosini (1 AbaseKolinte 15:58).

Impilo yethu yesiKristu awuso mdlalo; ngeyangampela, ngowomlawo woMoya. Yimpilo yoMoya esiyiphilayo. Ukuhlwithwa kweBandla kuseduzane lamuhla kulakuqala. Ngakho-ke, amalanga onke, kumele ugqoqoze ingqondo yakho ehlanzekileyo, uzihlolisise njalo ubone ukuthi impilo yakho njengomkristu iyikho okukhulunywa liLizwi.

Hlala eLizwini. IBhayibhili lithi, "...ungaphambuki kuwo uye ngakwesokunene loba ngakwesokhohlo, ukuze uphumelele loba ngaphi lapho oya khona" (Joshuwa 1:7). Vumeza iLizwi ukuthi libe lamandla phezu kwengqondo yakho njalo laphezu komoya wakho, pezhu kwemicabango yakho lemibonweni yakho. IBhayibhili lithi iLizwi liyisibane enyaeni zakho njalo liyisibane endleleni yakho. Yilo iLizwi; liyakutshengisa indlela yempilo njalo liyakugcina endleleni yokulunga.

2 AbaseThesalonika 2:3 iyasixwayisa, "...ngoba aluyikufika ngaphandle kokuthi ukuhlubuka kufike kuqala..."Njalo kuMathewu 24:12, iNkosi yathi, "Njalo ngenxa yokwanda kokubi, uthando lwabanengi luzaphola." Ngakho-ke, hlala usemandleni ethandweni lwakho lweNkosi. Ungavumezi lutho luphazamise ukholo lwakho lentshisakalo yakho ezintweni zomoya.

Kuzamele kube lomahluko phakathi kwalabo abathanda iNkosi ngeqiniso njalo beyisebenzela ngokufaneleyo lalabo abangayenzi njalo. kumele uzikhangele. ugade inhliziyo yakho. Uvikele umoya wakho. Hamba ethandweni, ngoba wathi ku Johane 13:35, "Ngalokhu bonke bazakwazi ukuthi lingabafundi bami, uba lilothando omunye komunya."

Impilo yesiKristu luhambo. Amalanga wonke lilanga elitsha elokuhamba ethandweni. ilanga lelanga lusuku oltsha olokusebenzela iNkosi ngentokozo. Ilanga lonke lusuku olutsha olokuthi uhambe ekukhanyeni njengoba yena esekukhanyeni (1 Ujohane 1:7). Ilanga lelanga lusuku olutsha olokuthi uthele izithelo zokulunga njalo utshengisele imisebenzi yokulunga. Ngakho-ke yenza usuku lube ngolokusebenzela iNkosi uzimisele njalo ulentokozo.

Umkhuleko

Baba othandekayo, ngiyakubonga ngokunginika ithuba lokuba kwazi njalo lokukusebenzela, njalo langethuba lesibusiso sokubizwa ngeBizo lakho. Ngihlala ngimile, ngilamandla, njalo nginganyikinyeki, ngihlala ngisenza umsebenzi weNkosi. Uthando lwami ngawe luhlala lungezelelwa uma ngikusebenzela ngenhliziyo elentokozo, ngilentshisakalo njalo lenjongo. Ngiyacazimula emalangeni lawa owokucina, ngitshengisela inkazimulo yakho njalo ngitshengisela ukulunga kwakho, eBiweni likaJesu. Ameni.



Qhubeka ngembalo

Isambulo 2:26

AmaHebhelu 6:10

AbaseGalathiya 6:9

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)