Wakakarakadzwa. Ukadaidzwa. Ukapembedzwa. Watodzana Navo

Muvhuro, 8 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Naavo vaakaemesa ngekaretu wakavadaidzawo; naavo vaakadaidza wakavaruramisawo; naavo vaakaruramisa wakavakurisawo” (VaRoma 8 ndima 30).

Ndinoda kuti uongorore ndima yetabeura ndiyo. Inoti Mwari vakagara vatirongera. Takadaidzwa. Takapembedzwa. Tikazotsandurwa dzinza. Techiitwa kuti titodzane naMwari. Asi ngevari vakagara varongerwa vakhona? Ngevaya veshe vanowana mukana wokuzwa Vhangeri. Ndizvo kana munhu akazwa Vhangeri, zvinoronza kuti Mwari vanenge vakatokarakadza munhu uyu. Vanenge vakatoronga kuti munhu uyu aponeswe.

Vhangeri iri ndirozve revanoshandisa kudaidza vanhu. Ndizvo kana munhu akazwa Vhangeri, munhu uyu unenge atodaidzwawo ndiMwari. Munhu uyu akazoashira izwi iri, unenge atokona. Ndiyo ndaa techisisira kuchumaira Vhangeri kunyika dzeshe. Techichumaira kuzvisikwa zveshe. Vanhu vakazoashira izwi iri, vechibva vanyikwa muna Kristu, vanhu ava vanobva vaponeswa. Asi vamweni vakasaashira izwi iri, vanozorashwa. Izvi ndizvo zvetinoziiswa muna Marako yegumi nechitanhatu ndima yegumi nechishanu kuguma yegumi nechitanhatu.

Asi kune vaya vari muna Kristu Jesu. Vanhu ava avasiri kuzorangwa. Avasiri kuzorashwa. Izvi ndizvo zvinoronza Bhaibheri. Tinozvierenga muna vaRoma yechisere ndima yokutanga. Asi ngenyi vasiri kuzorashwa? Ngokuti vakapembedzwa. Izvi ndizvo zvetinoona muna vaRoma yechishanu ndima yokutanga. Inoti, “Ndizvo, ngezvetinopembedzwa ngokugonda, tino kunyarara naMwari kubudikidza ndiMambo wedu Jesu Kristu”. Kupembedzwa kunoronzenyi? Kunoronza kuwanikwa usina ndaa yewakapara.

Saka Mwari vanokuona somunhu akasukwa ngeMweya Wakachena. Anoera. Akapembedzwa ngeMweya Wakachena. Aa kuzikanwa ngezina raMambo Jesu. Izvi ndizvo zvetinoziiswa mutsamba yokutanga kuvaKhorinte chitsauko chechitanhatu ndima yegumi naimwe. Iwewe waa muna Kristu Jesu. Vhangeri rakakutsaura. Rikakudaidza. Ukapembedzwa. Asi arizi kugumira apapo. Wakazotsandurwa dzinza. Ukaitwa munhu wedzinza raMwari. Izvi ndizvo zvetaona mundima yetabeura ndiyo. Yati, “… Vaakaruramisa wakavakurisawo”. Hareruya!

Kupona kwako kwaa kweVamwari. Mambo Jesu vane mazwi evakaronza. Tinoaerenga muna Johani yegumi nechinomwe ndima yemakumi mairi nemairi. Inoti, “Nouthende hwomwakandipa, ndakahupawo kwavari, kuti vaite umwe kudai tisu tiriumwe”. Ndizvo tichiri munyika muno hedu. Asi takatodzana navo panezveshe. Izvi ndizvo zvetinoziiswa mutsamba yaJohani yokutanga chitsauko chechirongomuna ndima yegumi nechinomwe. Mwari Baba vaa kuonekwa pouri. Vanoonekwa pouri sokuonekwa kwevanoitwa pana Jesu.

Hino iwewe ukazia izvi, chingazoita kuti urware chiinyi? Ramba kua murombo. Ramba kua munhu asina simba. Ramba kua munhu asina chaanozia. Gara uchironza weiti, “Inini ndiri munhu wedzinza raMwari. Andisiri kuzorekera zvirwere zviri mumuiri mwangu. Kristu vanokudzwa mwendiri. Vanoonekwa pendiri”. Hareruya! Aya ndiwo anosisira kua mapinimidziro ako. Mwari vakakukarakadza. Vane kupona kwevakakurongera. Vakakudaidza. Vakakupembedza. Vakakuita wedzinza ravo. Mwari ngavakudzwe saMwari.

Kumbira Weiti
Baba vakarurama. Ndinomubonga. Ndaa kuzia zvemwakarongera kupona kwangu. Ndinopona somunhu akakarakadzwa ndimwi. Akadaidzwa. Akapembedzwa. Akaitwa wedzinza reVamwari. Ndinopona ndakashinga. Ndechizia kuti apana chingaparadza kupona kwemwakandirongera. Ndinohamba munjira dzemwakandirongera imwimwi. Ndechipona soMumwari. Ndechirarama kupona kwemene kwemwakandirongera. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaEfeso 1:11; 2 Timotio 1:9; VaRoma 8:30 AMPC

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)