Ukumiselwa, Ukubizwa Njalo Lokuba Lenkazimulo

Usuku 8 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


"Lalabo abamisayo ngaphambili, bona labo wababiza, lalabo ababizayo, bona labo wabalungisisa, lalabo abalungisisayo, bona labo wabapha inkazimulo" (AbaseRoma 8:30).

Ngifuna ubone ukuthi lokhu esisanda kukubala: Samiswa phambili, sabizwa, salungisiswa njalo sanikwa inkazimulo. Yikuyini ukumiswa phambili? Ngobani labo abamiselwa phambili kuKristu? Ukumiswa phambili kwenziwa ngeVangeli. Kutsho ukuthi wonke umuntu ozwa iVangeli wamiswa phambili ngokulizwa.

Ubizo lolu liVangeli; ungayamukela ubizo uzanqoba ngob ithi labo abamisa phambili, wababiza. Yikho wasitshela ukuthi sitshumayele iVangeli ezizweni zonke lasezidalweni zonke; wonke umuntu okholwayo njalo ebhabhathizwe uzakusindiswa njalo lowo ongasoze ekholwe uzabhubhiswa (UMarko 16:15-16).

Kodwa kwabaseRoma 8:1, iBhayibhili lithi kakukho ukulahlwa kubo abakuKristu Jesu; ngani? Ngoba balungisiswa: "Ngakho sesilungisisiwe ngokholo silokuthula kuNkulunkulu ngeNkosi yethu uJesu Kristu" (AbaseRoma 5:1). Yikuyini ukulungisiswa? Yikuthiwa awilacala.

Ngakho-ke, phambi kukaNkulunkulu, wageziswa, wahlanzeka, njalo walungisiswa eBizweni leNkosi uJesu, njalo langoMoya kaNkulunkulu wethu (1 AbaseKolinte 6:11). KuKristu Jesu, ngeVangeli, wamiswa, wabizwa, njalo walungisiswa. Kodwa kulokunengi; wanikwa inkazimulo: "...lalabo abalungisisayo, bona labo wabapha inkazimulo." Haleluya!

Impilo yakho igcwaliswe ysizipho lobuhle benkazimulo yobuNkulunkulu. INkosi uJesu yathi kuJohane 17:22 "Langenkazimulo mina onginika yona, ngibanikile bona..." Yokho iBhayibhili lisithi njengokuba enjalo, lathi sinjalo emhlabeni (1 UJohani 4:17). Uyikukhanya kwenkazimulo kaBaba, njengoJesu.

Ngokubakwazi lokhu, ngani uzagula ngelinye empilweni yakho? Yala ukuhlupheka, ukubantengentenge loba ukungabi lolwazi. Esikhathini sonke, uthi, Ngilenkazimulo; ngakho-ke, angisoze ngivumeze ukugula loba imikhuhlane emzimbeni wami; uKristu ukhulisiwe njalo udunyisiwe kimi." Haleluya! Lo kumele ube ngumcabango wakho. Umisiwe, ubiziwe, umisiwe njalo unikwe inkazimulo! Makadunyiswe uNkulunkulu!

Umkhuleko

Baba olungileyo, ngiyakubonga ngesambulo senjongo yakho elaphakade empilweni yami. Ngihamba ekukhanyeni kwobizo lwami- owangimisela lona, wangibizela lona, wangilungisisa, njalo wangipha inkazimulo! Ngiphila ngesibindi, ngisazi ukuthi akula lutho emhlabeni olungaphambanisa elakusasa lami. Ngihamba endleleni owangilungisea zona, ngisebenza ngobuhle bobuNkulunkulu, njalo igcwalisa intando yakho epheleleyo nsukuzonke, eBizweni likaJesu.Ameni.



Qhubeka ngembalo

Abase-Efesu 1:11

2 UTimothi 1:9

1 AbaseKolinte 1:30

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)