Vhangeri Runosisira Kuchumairwa Ngokukasira

Chipiri, 9 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Kunosisira kuti tishande mishando youwo wakandituma achimasikati; ngokuti usiku hunouya, naapo apana ungakona kushanda” (Johani 9 ndima 4).

Nguwa ipfuma. Ndiyo imweni yepfuma hurutu younayo. Hino une mushando wounosisira kuita. Mushando uyu unosisira kukasira kupera. Kuronza kuti unosisira kushandisa nguwa yako ngoungwaru. Mambo Jesu vaizwisisa izvi. Ivo vaiita mushando waMwari. Vaitsvaka kuuiita achiri masikati. Kuronza kuti vaikoshesa nguwa. Vechizwisisawo kuti mushando uyu waia nenguwa yewaisisira kupera. Uyezve kuti nguwa yakhona yaiya iri pfupi.

Isusu tichine mikana yokuchumaira Vhangeri. Asi mikana iyi pane peichapera. Misiwo pane peichakonywa. Ndiyo ndaa uchisisira kuchumaira Vhangeri ngokukasira. Vhenekera nyika yako izvozvi. Ivhenekere ngokujeka kwaKristu.

Usaerengera kuchumaira Vhangeri. Vamweni vanhu vangazofa vasikazi kurizwa. Vanhu ava vangaa vounoshanda navo. Vangaa vaakidzani vako. Ingaa shamwari yako. Vanhu ava vangasazoona umweni mukana wokuzwa Vhangeri iri. Iwewe ndiwe kujeka kwavo. Pouri ndipo pevanosisira kuona Mwari. Ndiwe uripo kuvadusa muchidima. Uchivapinza murusungunuko rwevakororo vaMwari. Irwo rusungunuko rwuya rwakanasirirwa Vamwari. Saka chumairira vanhu ava. Usavarekera vechienda vasina Mwari. Kune vanhu vanopona vasina Mwari. Vanhu ava vane nhamo. Izvi ndizvo zvetinoziiswa muna vaEfesu yechipiri ndima yegumi nembiri. Inoti vanhu ava avana tariro yokupona kwakanaka. Vane nhamo. Vakangoemera kuparadzwa. Asi iwewe ndiwe unokona kuvadetsera. Ndiwe unokona kuvasunhura.

Ino aisiri nguwa yokuita nungo. Inguwa yokushanda ngesimba. Inguwa yokupedzisa kuchumaira Vhangeri munyika dzeshe. Denga riri kurumba rumba. Newewo unosisira kunge uri kurumba rumba. Apachina nguwa yokutambisa. Munhu umwe ngaumwe wakakosha. Ndizvo tungamirirwa ngeMweya Wakachena. Ngavakutungamirire kugara uchichumaira Vhangeri nguwa dzeshe. Ausiri kuzoramba uchiona mikana yokuchumaira iyi.

Karakadza mazwi aMambo. Awawo etaerenga mundima yetabeura ndiyo. Vona vakati, “Kunosisira kuti tishande mishando youwo wakandituma achimasikati; ngokuti usiku hunouya, naapo apana ungakona kushanda”. Usiku huri kuuya hahwo. Asi izvozvi tisu tiri kupenya. Techichumaira Izwi raMwari. Techitenderusa vashaishi. Techivaunza kukururama. Kristu vakadakarira vanhu. Izvi ndizvo zvinotituma kutenderusa vanhu. Uyu unotoa mushando wakaiswa munyara dzedu. Tinosungirwa kuchumaira Vhangeri. Tingatoparara kana tikasarichumaira. Hukuro yemweya yadzara mudzinyika umwo. Isusu tisu vakukuri vakhona.

Pupura Weiti
Ndinozwisisa kuti Vhangeri rinosisira kukasira kuchumairwa. Saka ndinorichumaira ngokukasira. Ndinokoshesa nguwa yaMwari. Saka ndinoshandisa mikana yeshe kuchumaira Vhangeri. Kuvheneka. Ndechiunza vanhu kuna Mwari. Andisiri kuzoerengera. Andisiri kuzonyarara. Hareruya!

Dzimweni Ndima Dzinotsinhira Kufunda KwaNyamashi:
2 VaKorinte 6:1-2; 1 VaKorinte 9:16; VaRoma 13:11-12

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)