Shandisa Midziyo Yeshe

Chitatu, 10 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“... Ndakaita zviro zveshe kuvanhu veshe, kuti ngenjira dzeshe ndiponese vamweni" (1 VaKhorinte 9 ndima 22).

Nyika yatsanduka. Taa kukona kuereketa nevanhu vari kuretu. Taawo kukona kuereketa kuvanhu vakawanda yaemho. Taa nemidziyo inotiita kuti tikone kuita izvi. Iwewe ungaa neshungu dzokuunza vanhu kuna Mwari. Unosisira kushandisa midziyo yeshe iyi. Usaishandisa kungonakirwa seamweni. Ishandise kugumisa Vhangeri kuvanhu.

Aya ndiwo aia mapinimidziro aPhauri. Pane midziyo yaiapo panguwa yakewo. Iye wakashandisa midziyo yeshe iyi. Wakaishandisa kugumisa Vhangeri kuvanhu. Shungu dzake dzaia dzokuponesa vanhu. Tine midziyo yetaawo nayo nyamashi. Midziyo yakhona ingaa nhare dzedu. Kana yokuereketa nevanhu pamhepo. Tinosisira kushandisa midziyo yeshe iyi. Midziyo iyi yaa kukona kugumisa izwi rako kuretu. Saka ishandise kugumisa Vhangeri kuvanhu.

Iwewe ungashandisa midziyo iyi kutuma mashoko kuvanhu. Mashoko akhona ingangoa ndima imwe yega. Kana chidimbu chechumairo. Kana mashoko aMweya Wakachena. Mashoko eshe aya akakosha. Usaaona seasina kukosha. Mwari vanozoashandisa kuereketa kuvanhu ava. Tumira vanhu maRhapsody. Vatumire pafoni dzavo. Gumisa Rhapsody iri kuvanhu veshe vanokuzia. Vangaa vanokuziira pafoni. Vangaa vanokuziira pamhepo. Kana pamidziyo yemazuwa ano. Mweya Wakachena vanozoita kuti mashoko aya abate mwoyo yevanhu ava. Anozoibata ngenjira youngasazwisisa iwewe.

Vakacheneswa vaa pasinde kubvutwa. Nguwa yavo munyika yaa pasinde kupera. Ndizvo tiri kupedzisa kuchumaira Vhangeri pashi reshe. Shandisa mikana yeshe kuchumaira kudaro. Shandisawo midziyo yeshe iripo younopuwa ndiMwari. Shandisa unyanzvi hwako. Ereketa nevanhu veshe vounozia. Shandisa masimba ako eshe. Uunze vanhu kuna Mwari.

Pupura Weiti
Ndinoshandisa mikana yeshe kuchumaira Vhangeri. Ndinoshandisa midziyo yeshe kuita mushando uyu. Ndakangwara. Ndine njere. Ndine unyanzvi hwekugumisa Vhangeri kuvanhu. Ndizvo ndiri kuita kuti vakawanda vaponeswe zuwa rimwe ngarimwe. Hareruya!

Dzimweni Ndima Dzinotsinhira Kufunda KwaNyamashi:
Zvirevo 11:30; Marko 16:20; 1 VaKorinte 9:19-23

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)