Tsamwirira Kuponesa Vanhu

Muvhuro, 15 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“… Barisai metsa ndiuye” (Ruka 19 ndima 13).

Mambo Jesu ndivo vakaronza mazwi etabeura ndiwo ayo. Vane vanhu vevaiya vari kuereketa kwevari. Vaiereketa kuvanhu ava ngepadera penyika yaMwari. Vaishandisa miedzaniso kutsanangura nyika iyi. Apa vaiya vari kutikurudzira kutsamwirira kuponesa vanhu. Vaiya vari kutikurudzira kutora dzinyika. Kuunza vakawanda munyika yavo nokushandisa Vhangeri kutsandura dzinyika. Techiita izvi mhera ivo vapetuka.

Vhangeri rakaiswa munyara dzako. Izvi zvinoronza kuti une mushando. Mushando wakhona wakakura yaemho. Izvi ndizvo zvetinoona mutsamba yaPhauri kuna Thimothi chitsauko chokutanga ndima yegumi naimwe. Inoti, “Kudai ngezvinoronzwa ngevhangeri routhende hwaMwari unomuchena, rendakapuwa ngokugondwa”. Ndizvo chumaira Vhangeri. Kune vanhu vasati varizwa. Pachine ndau dzetichiri kusisira kuguma. Pachine vanhu vanosisira kuponeswa. Ndizvo chirekera kungogara. Chirekera kuarairwa.

Pona somunhu akaemera kupetuka kwaMambo. Marako yegumi nechitatu ndima yemakumi matatu nechishanu kuguma makumi matatu nechinomwe inoti, “Ndizvo rindai, ngokuti amuzii imwimwi kuti munewemhatso unoguma riini, dangani zuwa rabira, nokuti pakati pousiku, nokuti ngokurira kwejongwe, nokuti mangwanani. Kuti pamweni echiguma ngokukasira iye asamuona mwakaata. …”. Mambo vari kupetuka. Ngavasakuona wakaata. Ngavasakuona pasina chouri kuita. Ngavakuone uchishanda.

Vona vakaronza muna Johani yechipfumbamwe ndima yechirongomuna vechiti, “Kunosisira kuti tishande mishando youwo wakandituma achiri masikati; ngokuti usiku hunouya, naapo apana ungakona kushanda”. Ndizvo ivo Jesu vaitsamwirira. Vechishanda mishando yavo. Izvi ndizvo zvetinosisirawo kuita isusu. Tinosisira kunge tiri kutsamwirira. Techitenderusa vanhu. Iva muranda uya akatendeka. Ena unogara echitsamwirira. Echitenderusira vanhu kuruponeso. Iwewe uri chapupu. Ndiwe unopupurira kumuka kwaKristu. Wakatodzodzwa kuita mushando uyu.

Zvakaitwa yokutanga ndima yechisere inoti, “Asi munozoashira simba apo Mweya Wakachena auya padera penyu; nemwi munozoita zvapupu zvangu muJerusarema, muJudhia mweshe, muSamaria nokumagumo enyika”. Iwewe ungaa uri kugumisa Vhangeri kuvanhu. Mweya Wakachena ndivo vanozokupa simba rakhona. Ndivo vanozokupa mazano. Ndivo vanozokushingisa. Vechikutungamirira.

Kumbira Weiti
Baba vendinoda. Ndinomubonga. Mwakaisa Vhangeri munyara dzangu. Mukandipa Mweya wenyu. Mweya uyu ndiwo unondipa simba rekupupurira Kristu. Ndinoshandisa mazano eVamwari pakupona kwangu. Ndinoshanda ngokukasira. Ndechitora dzinyika. Ndechitsandura kupona kwevanhu. Ndechitsamwirira kuunza vanhu kunyika yenyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 1:16; Johane 9:4 NIV; Marko 16:15-16

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)