Impilo Yakho Iyintshumayelo Enkulu

Usuku 16 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“ukuze libe ngabantwana bakaNkulunkulu abangelasici labahlambulukileyo, abamsulwa phakathi kwesizukulwane esonakeleyo lesixhwalileyo, lina elicwebezela phakathi kwaso liletha ukukhanya emhlabeni” AbaseFiliphi 2:15 .

Ukutshumayela ivangeli ayisikho kuma ngemva kwephuluphithi kuphela kumbe ukuma phambili kupulatifomu ubambe miyikrofoni, hatshi! Kwesinye isikhathi, intshumayelo ezwakala kakhulu, iyimpilo yakho. Indlela ophila ngayo, okhuluma ngayo, owenza ngayo lendlela ophila ngayo labantu kumele ikhange abantu kuKhristu, yiyo injongo kaNkulunkulu leyo. Wathi ku-Isaya 60:3, “Izizwe zizakuza ekukhanyeni kwakho, lamakhosi alande ukuqhama kokusa kwakho.”

Besekuthi kuMathewo 5:16 wathi, “Ngokunjalo, yenzani ukukhanya kwenu kukhanye phambi kwabantu ukuze babone izenzo zenu ezinhle baze badumise uYihlo osezulwini.” UNkulunkulu ukubizile ukuba ube yincwadi ephilayo, ube yikulunga kwakhe okubonakalayo, umusa kanye lamandla abonakala ngamehlo. Emhlabeni ogcwele ukudideka lokungaqondi, ukuma kwakho uqonde esimeni sakho sobunkulunkulu kuba yibufakazi obufuqayo.

Abantu bakukhangele; abangane bakho, umndeni, osondelane labo ngitsho labangakwaziyo. Impilo yakho iyincwadi. Ngitsho lanxa bengakaze balibale iBhayibhili, kodwa bayakwazi ukufunda impilo yakho njalo babone uKhristu, ukuphelela kwakhe, isimo sakhe sokuqonda, uthando lesihawu sakhe. Ngakho-ke, phila usazi njalo ulokunanzelela ukuba ungummeli woMbuso.

Lokhu kuqakathekile ngoba uma impilo yakho ihambisana lentshumayelo yakho, umsebenzi owenzayo uyakhula utheleleke. Uhambo lwakho alube lothando, iqiniso lokuzithoba. UKhristu makabonakale emehlweni akho, azwakale emazwini akho njalo azwakale lalapho obamba khona. Ziohathe ngendlela efanele ivangeli likaKhristu (AbaseFiliphi 1:27).

Umkhuleko

Nkosi ethandekayo, ngiyabonga ngokungenza incwadi ephilayo yomusa. Impilo yami ibonakalisa imvelo yakho njalo iyakhuthaza abanye ukuba bakulandele. Ngiyisibane esikhanyayo njalo esikhanyisayo emhlabeni wami, ngiletha omama labobaba ekulungeni, ngeGama likaJesu. Ameni.

Qhubeka Ngemibhalo

UMathewo 5:16

2 AbaseKhorinte 3:2-3

UThithu 2:7-8

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)