Kupona Kwako Ndikwo KuChumaira Kwako Kwakakura

Chipiri, 16 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Kuti muite vasina chevanoitirwa ndaa, vakarurama, muri vana vaMwari musina ndaa pakati pomubarirwana wakashongoroka nowakapauka, mujeke pakati pavo kudai ngenyeredzi dzinojeka padera penyika” (VaFiripi 2 ndima 15)

Isusu tingapota hedu techiema mberi kwevanhu. Techivachumairira Vhangeri. Asi iyi aisiriyo njira yega yetinovachumairira ndiyo. Maponero edu anochumairawo. Ndiwo anotochumaira zvinonyanya kuzwikwa ngevanhu. Ndizvo maponero ako anosisira kuunza vanhu kuna Kristu. Maereketero ako anosisira kuunza vanhu kuna Kristu. Kuhambidzana kwounoita nevanhu kunosisira kuunza vanhu kuna Kristu. Izvozvo ndizvo zvinoshuwirwa ndiMwari. Ivo vanoronza muna Isaya yemakumi matanhatu ndima yechitatu vechiti, “Madzinza anozouya mukujeka kwako, nemadzimambo mukujekisisa kwemambakwedza”.

Mambo vakaereketazve muna Mateu yechishanu ndima yegumi nechitanhatu. Vakati, “Ngokudaro ngakujeke kujeka kwenyu pamberi pevanhu, kuti vaone mishando yenyu yakanaka, vairikidze Baba enyu ari mudenga”. Iwewe unosisira kua tsamba. Vanhu vanosisira kuerenga izwi raMwari pakupona kwako. Izvi ndizvo zvakarongwa ndiMwari. Vanoda kuti vanhu vaone kururama kwavo pouri. Vanoda kuti vanhu vaone nyasha dzavo pouri. Vanoda kuti vanhu vaone simba ravo pouri. Munyika muno mwakadzara kunyengera. Vanhu vakavhiringika. Asi iwewe unosisira kurarama kupona kweVamwari. Unosisira kurarama somunhu anotya Mwari. Izvozvo zvinozochumaira kuvanhu.

Vanhu vari kukuona. Shamwari dzako dziri kukuona. Mhuri yako iri kukuona. Vounoshanda navo vakakuringira. Kunyazwi vasikakuzii vari kukuona. Vanhu veshe ava vane zvevanotofunda pakupona kwako. Vanokona havo kunge vasati vakamboerenga Bhaibheri. Asi vanotoerenga kupona kwako. Vechiona Kristu pouri. Vechiona kunaka kwaKristu. Vechiona kugondeka kwavo. Rudo rwavo. Nehanya dzavo. Iwewe ndiwe wakaemerera nyika yaMwari. Pona somunhu anozwisisa izvi.

Ndizvo kupona kwako kunosisira kuenderana neizwi rounochumaira. Ndikwo kuti ukone kuponesa vanhu vakawanda. Dakarira vanhu. Shandisa Izwi raMwari pakupona kwako. Zvipfaise. Kristu ngavaonekwe mumadziso ako. Ngavazwikwe mumazwi ako. Ungabata vanhu. Vanhu ava ngavanzwe sekuti vabatwa ndiKristu. Vhangeri ngarionekwe mukupona kwako. Izvi ndizvo zvetinoona muna VaFiripi yokutanga ndima yemakumi mairi nechinomwe.

Kumbira Weiti
Mambo vendinoda. Ndinomubonga. Mwakandiita tsamba. Vanhu vanoerenga nyasha dzenyu pendiri. Ndinoonekwa kuti ndiri munhu wedzinza renyu. Ndizvo vanondiona vanokurudzirwawo kukuteerai. Ndiri rumvenu runovhenekera. Ndinovhenekera munyika yangu. Ndechiunza varume nevakadzi kukururama. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaFiripi 1:27 NKJV; VaFiripi 2:14-16 NLT; Tito 2:7-8

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)