Kupona KweVamwari

Muvhuro, 22 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Bhanabhasi naSauri vakapedza gore reshe vechiungana pamwepo nechiara, vechifundisa vanhu vazhinji; muAntiokhi vadzidzi vakatanga kududzwa kuti vaKristu” (Zvakaitwa 11 ndima 26).

Chikristu aisiri imweni yenjira yokunamata ndiyo Mwari. Inini ndinogara ndechironza izvi. Asi kune vanoneseka kuzvizwisisa. Asi iwewe unosisira kunasa kuzwisisa dzidziso dzeChikristu. Unozozwisisa kuti Chikristu aisiri imweni yenjira yokunamata ndiyo. Iwewe una baba vepanyika pano. Une ukama nababa ava. Ukama uhwu aisiri njira yokunamata ndiyo.

Izvi ndizvo zvakaitawo Chikristu. Chikristu ukama hwaMwari nevana vavo. Ukama uhwu ahuzi kugara huripo. Hwakazoapo pakauya Jesu. Isusu taiya techingoa vanamati. Asi Jesu vakauya kuzotipa ukama naBaba vomudenga. Vakabva vatiita vana vaMwari vemene. Ivo vana vekubereka. Ndizvo taa vemhuri yaMwari.

VaEfesu yechitatu ndima yegumi nerongomuna kuguma gumi nechishanu inotsanangura mhuri iyi. Inoti dzimweni nhengo dzayo dziri mudenga. Dzimweni dziri munyika muno. Izvi zvinozokudetserawo kuzwisisa mushando wakaitwa ndiMambo Jesu. Wona mushando uya wevakaita kutiponesa. Ivo ndivo Mambo wedu. Ndivo vanotonga kupona kwedu. Ndivozve Kristu wedu. Varizve mukoma wedu. Tinoona izvi mumazwi avo. Vakaronza mazwi aya pevakamuka kubva kwevakafa. Apa vaiya vasati vakwira mudenga. Maria wakavaona. Wakabva avarumbira. Waiya echida koovambundikira. Asi Jesu vakamurambidza. Tinoerenga mazwi avo muna Johani yemakumi mairi ndima yegumi nechinomwe. Inoti, “… Usandibata! Ngokuti andisati ndakwira kuna Baba. Asi enda kune vanun’una vangu, wooti kwavari, “Ndinokwira kuna Baba angu naBaba enyu, nokunaMwari wangu naMwari wenyu”.

Jesu vanoronza ngezve vanun’una vavo mundima iyi. Apa vaiya vari kuronza vadzidzi vavo. Ukama hwavo naMwari Baba hwaiya hwatutsira kugwinya apa. Jesu vaiya vambovaita varanda. Apa vaiya vasati vamuka kubva kwevakafa. Vakatozombovaidza shamwari dzavo. Izvi ndizvo zvetinoona muna Johani yegumi nechishanu ndima yegumi nechishanu. Inoti, “Andichamudaidzi kuti muri varanda …..asi ndamudaidza kuti muri shamwari, ngokuti zveshe zvendakazwa kunaBaba angu ndakazviziisa kwomuri”. Mambo Jesu vakazomuka kubva kwevakafa. Ndipo pevaiya vaa kuvaidza vanun’una.

Chikristu chakatanga mumashure mwekumuka kwaJesu kubva kwevakafa. Apa ndipo pevakatiidza vanun’una vavo. Kuronza kuti taa nhengo dzemhuri yavo. Ivo vakatiita vedzinza ravo. Kuronza kuti taa Vamwari. VaHebheru yechipiri ndima yegumi naimwe inogwinyisawo izvi. Ndima iyi inoti, “Ngokuti uwo unochenesa naavo vakacheneswa vana Baba umwe. Ngeiyi ndaa Jesu aatsveruki kuvadaidza kuti hama”.

Izvi zvinodakadza yaamho. Jesu vanoera yaamho. Vakacheneswa yaamho. Vakarurama. Ngeve dzinza reVamwari. Asi avadhani kutiidza vanun’una vavo. Kuronza kuti taa mhuri imweyo navo. Vakatipa ukama naBaba vedu vomudenga. Ukama hwakhona hunoshamisa yaamho. Ndihwo hwounosisira kupemberera. Uchirupemberera pounenge uri kupemberera kubarwa kwaKristu. Unohupemberera nokuronga mavhuserero. Unohupemberera ngokuchumaira kuvanhu. Uchiunza vakawanda mumhuri yedu iyi. Uchiita kuti vavewo noukama naMwari.

Kumbira Weiti
Baba vendinoda. Ndinomubonga. Mwakandipa ukama nemwi. Ukama hwakhona ngehweVamwari. Hwakadzama. Ukama hunobva pakundidakarira kwomunoita. Ndaa nhengo yemhuri yaMwari. Ndaa wedzinza raKristu. Ndaa muridzi wenyika yaMwari. Ndaa kupona soMumwari. Ndinodakarira vanhu. Ndinotonga zviro zvomunyika muno. Ndinopona mukururama. Ndinomubonga. Mwakandiita wenyu. Mwaa kundishandisa pamishando yenyu yomudenga. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 1:12; 1 Johane 3:1-2; VaRoma 8:16-17 NKJV

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)