Zviro Zvitatu Zvetakaunzirwa NdiJesu

Chipiri, 23 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Kudai, ngokuti munhu umwe wakashaisha, rufu rwakatonga kubudikidza ngomunhu umwe, kakurutu avo vanoashira ngokuwanda kwenyasha nechipo chokururama vanozotonga mukururama kubudikidza ngomunhu umwe, Jesu Kristu” (VaRoma 5 ndima 17).

Mambo Jesu vane zviro zvevakatiunzira. Zviro zvakhona zvitatu. Zvakakosha yaamho. Wakacheneswa umwe ngaumwe unosisira kuzvizwisisa. Ozozvishandisa pakupona kwake. Kunyanya panguwa ino yetiri kupemberera kubarwa kwaJesu. Chimweni chezviro zvakhona kururama. Chimweni kupona kusikaperi. Chimweni chakhona kukona kuryidzana naMwari. Apana kumweni kwetaikona kuwana zviro izvi. Apana njira yokunamata inokona kukupa zviro izvi. Asi nyamashi tinoda kufunda ngezve kururama.

Kururama kwaMwari kunoonekwa murunako rwavo. Kunoonekwawo mukudakarira kwavo vanhu. Nomukuronga kwavo. Mwari vanoita zviro zveshe ngomwazvo. Avana pevanoposha. Ivo vanodakarirawo vanhu. Vanongoronga zvakanaka zvega. Kururama kwaMwari kunoonekwa muzviro zveshe. Hino ivo vanoonesa vanhu kururama uku. Izvi zvinobva zvaita kuti vanhu vaashire kururama uku. Kuchivaita kuti varurame saMwari.

Mwari avana chishaishi. Zvisirizvo vangadai vasiri Mwari. Asi ivo ndiMwari. Vanongoita zvakanaka nguwa dzeshe. Avana pevanoposha. Vanopinimidza zvakanaka zvega. Vanoronza zvakanaka zvega. Vanoita zvakanaka zvega. Uhwohwo ndihwo hunhu hwavo. Asi vakatipawo hunhu uhwu. Ndizvo taa kukona kupinimidza ngomwazvo. Taa kukona kuereketa ngomwazvo. Techiita zviro ngomwazvo. Techipona ngomwazvo.

Izvi ndizvo zvakaitika pewakaashira Jesu. Pona paya pewakabarwa kechipiri. Waiya usiri kupuwa imweni njira yokunamata ndiyo Mwari. Kururama kwaMwari kwaiya kuri kutoiswa mumweya wako. Kwakaiswamwo sechipo. Izvi ndizvo zvetinoziiswa muna vaRoma yechishanu ndima yegumi nechinomwe. Iwewe wakasisira kuita kururama uku kwokupuwa. Waiya usikakoni kuti ukuwane wega. Apana imweni njira yokuwana kururama uku. Asi Kristu Jesu vakaita kuti tikone kuwana kururama uku. Kwakaiswa mumweya yedu ndiMwari.

Kururama uku ndikwo kunoita uti ukone kuashirwa ndiMwari. Uchizokonawo kuema pamberi pavo. Unozoemapo usikazwi soune ndaa. Usina chounotya. Usikazwi sousikazi kukodzera kuema pamberi pavo. Nokuti kuzwa sewakarashwa. Isusu taitosisira kutanga tapuwa kururama uku. Zvisirizvo ataizokona kushandira Mwari. Ataizokona kuvaponeraramira. Saka iwe wakapiwa kururama. Wakakupiwa naJesu. Vakakupa paya pewakavaashira. Tichafunda zvimweni zvasara muzvidzidzo zviri kuteera.

Kumbira Weiti
Baba vendinoda. Ndinomubonga. Mwakandipa chipo chokururama. Ndinopona ndakashinga. Ndechizia kuti imwimwi munondiashira. Inini ndaa munaKristu. Ndizvo ndaa kuzwisisa dzinza rangu. Andichina ndaa. Andisiri munhu akarashwa. Andina chendinotya. Ndinomubonga. Mwakandiita kururama kwenyu. Kwona kururama kuya kuri muna Kristu Jesu. Ndinotonga mukupona kuno. Runako rwenyu runoonekwa pendiri. Rudo rwenyu runoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 5:17; 1 VaKorinte 1:30; VaFiripi 3:8-9; 2 VaKorinte 5:21

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)