Tinotonga Ngokuti Tarurama SaIvo

Muvhuro, 29 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Kudai, ngokuti munhu umwe wakashaisha, rufu rwakatonga kubudikidza ngomunhu umwe, kakurutu avo vanoashira ngokuwanda kwenyasha nechipo chokururama vanozotonga mukururama kubudikidza ngomunhu umwe, Jesu Kristu” (VaRoma 5 ndima 17).

Kururama chipo. Chipo chetinopuwa ndiMwari. Izvi ndizvo zvetinoona mundima yetabeura ndiyo. Kururama akushandirwi. Atikupuwi ngokuti taita mishando yakanaka. Chinongoa chipo. Asi iwewe unosisira kuashira chipo chakhona. Chakapuwa kunyika yeshe. Iwewe wakachiashira ere?

Iwewe unosisira kuchiashira. Unongosisira kuashira Mambo Jesu zvega. Woereketa uchiti, “Mambo. Ndinoashira kururama kwenyu. Ndinotenda ngemwoyo wangu kuti Mwari vakakumusai kubva kuvakafa. Ndizvo ndinopupura kuti imwimwi ndimwi mwaa kutonga kupona kwangu. Ameni”. Ivo vanozokupa kururama kwavo pachezvavo. Kuronza kuti unozorurama saivo. Tsamba yechipiri kuvaKhorinte chitsauko chechishanu ndima yemakumi mairi naimwe inoti, “Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari”.

VaRoma yechishanu ndima yokutanga inotiwo, “Ndizvo, kudai ngezvetinopembedzwa ngokugonda, tino kunyarara naMwari kubudikidza ndiMambo wedu Jesu Kristu”. Ndizvo atipembedzwi ngemare yedu. Atipembedzwi ngokutsamwirira kudakadza Mwari. Kugonda ndiMwari ndikwo kunotipembedza. Kristu Jesu vechizotiiyanisa naMwari. Asi kupembedzwa kudini?

Kunoronza kushambadzwa somunhu asina ndaa yeakapara. Kunoronza kuwanikwa usina ndaa. Mambo vane nyasha dzakawanda. Ivo vakationa tisina ndaa yetakapara. Asi anditi tine zvishaishi zvetaiya tapara ere? Zvishaishi izvi zvakatanga zvasukwa. Zvakasukwa tisati tabarwa kechipiri. Isusu takazoashira Jesu. Tikapupura kuti ndivo vaa kutonga kupona kwedu. Takabva tabarwa kechipiri. Tikatsandurwa dzinza. Tikaitwa imweniwo mhuka. Itsva. Ndizvo atichisina nhoroondo yokupona kwekaretu. Atichakoni kupomerwa zvishaishi zvekaretu. Kuronza kuti tapembedzwa. Hareruya!

Hino kune vakaashira chipo chokururama ichi. VaRoma yechishanu ndima yegumi nechinomwe inotsanangura zvinoitika kwevari. Inoti, “Kakurutu avo vanoashira ngokuwanda kwenyasha nechipo chokururama. Vanozotonga mukururama kubudikidza ngomunhu umwe, Jesu Kristu”. Isusu takatsanduka dzinza. Taa Vamwari. Azvichaiti kuti tinyiswe. Atichisiri vanhu vasina ungavadetsera. Atichisiri vanopemha. Taa kutonga munyika muno. Tinotonga kudaro takaema saKristu Jesu. Zina ravo ndiro retaa kuzikanwa ndiro. Ndiro retaa kushandisa pakupona kwedu. Tinotonga ngenyasha. Techitonga kudaro ngokuti taa vakarurama. Hareruya!

Kumbira Weiti
Baba vendinoda. Ndinomubonga. Mwakandipa nyasha dzakawanda. Mwakandipazve chipo chokururama. Ngokudaro ndinotonga munyika muno. Ndinotonga kudaro ndakaema saKristu Jesu. Ndinonyisa zveshe zvendinoshongana nazvo. Ndinopona mukururama. Ndinoita zviro zveshe ngomwazvo. Ndechitonga Sathani. Nezviro zveshe zvomunyika muno. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
2 VaKorinte 5:21 NIV; VaRoma 5:17-21; Zvakazarurwa 5:10

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)